Isaya 8:13 - Luganuzi Luswanu Kuli Wanhu Wose 2002

¹³ Weze kukumbucila, vyono, ane no Muwaha Mulungu, u Mulungu we mihanga, nelile, ane yo nene nili wene du, mono wunojeye wumhele cogopo.

Isaya 8:13 ပူးပေါင်းရင်းမြစ်များ

Mwamulizo 31:53

U Mulungu wa Abulahamu no Mulungu wa Naholi, u Mulungu wo sogo yawo, yo yalamule mweneco muli'se.” Hodu, Yakobo yakawa kwilahiza kuli Mulungu mono u sogwe Isaka, kamogopaga.

Zabuli 76:7

Agwe go Mulungu, mbeka wuli wa kogofya muno, alu nani kanyhi 'mbi, mono kosuma kukangalila hono wuwe wakolwa likuwo?

Wutuluce 20:20

Nayo Musa yakawatya, “Ale mulece kogopa, hambi Muwaha Mulungu nha kamuzizenyi ho yamujelenyi, ho yamunozenyi muwe ne cogopo kuli mwene nhondo zose, ho mulece kwituma zo wubi.”

Isaya 29:23

Nanye kolo mwawawona wana wenyu wono nolomupelenyi, nhondo ho mulamanyila vyono, ane yo nene Mulungu mono nelile, u Mulungu wa Isilayeli. Nanye baho ho mulamhelela lilumbo no kwikala mu cogopo cangu.

Isaya 5:16

Ninga Muwaha Mulungu, u Mudaha vyose; u Mulungu we mihanga kokumywa hambi nha kawulajilaga wuwaha wakwe, muli ze ling'ani zono ketumaga, kanyhi kegubulaga zo wele wakwe, mu nzila yo kuwaling'aniza wanhu wakwe.

Ezekiyeli 38:16

Nanye mowahoma i wanhu wangu Isilayeli, nhe libeho liwaha lyo mukukunzo lyono likudumula yisi. Na kolo lipango lyakondya kuza, ane nokutegula wukayihome yisi yangu, ho wuwamanyize we makungugo, wamanye vyono nene nani, na kanyhi wuwamanyize zo wele wangu, mu nzila yono nghwitumila muli'gwe.

Walawi 10:3

Hodu, Musa yakamulonjela Haluni yakatya, “Gwe Haluni, ayi yo nghani yono Muwaha Mulungu yayilongaga, lono yatya nhavi, ‘Munhu wo wose mono yakunyitumamila, yimunojeye yawupele cogopo u wele wangu, nane holeka noyilajila nhojo yangu kuli wanhu.’ ” Ninga mwene Haluni hamba si yapitula cinji yaye.

Walawi 22:32

Mulecele lukulu kulikoza cevu litagwa lyangu lyono lyelile. Ne wanhu wose wa Isilayeli yiwanojeye wamanye vyono, ane nelile. Ane yo nene Muwaha Mulungu mono nghumwezenyi.

Malaki 2:5

“Na mu cilagane cangu cico, nawehuwiza wumi no mulamu, na zizi zo nawapela wene, ho wawe ne cogopo kuli'ne. Na mu vilo vivyo wakahulika no kunyogopa nene.

Wuwale 27:14

Hambi agwe go mweneco, hamonga no muwahawo Haluni, nha mwalibedegala lilajilizo lyangu akulya ku nyika ya Zini. Lono mhuga yose ye Waisilayeli wang'ung'ulicilaga bahalya ha muvwilo wa Meliba. Nagwe baho walema kulajila ze vilungo vyangu vyono vyelile hali wene.” (Nayo Meliba co cikolongo ce malenga cono cili ku Kadeshi mu nyika ya Zini.)

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.

Walumi 4:20

Ninga Abulahamu yali yasina wukangamyanje ku so wihuwizo wo Mulungu, yakatuga vilungo ku soko yo wihuwilo, nayo yakamukumya u Mulungu.

Wukumbucize wo Wulajilize 14:23

Muwe kuvitegula i hanhu hono Muwaha Mulungu, u Mulungu wenyu, yahahagula hawe ho hanhu ho kumuhembela mwene. Nanye baho ho mweze kulila hali mwene, zi zaka zenyu zo wuhemba, na ze divayi, ne mafuta. Hamonga ne zinyana zinongozi kulelwa ze zing'ombe zenyu na ze zingholo zenyu. Mweze kwituma nhavivi, ho musume kwiyijiza vyono yinojeye, mumupele cogopo nhondo zose Muwaha Mulungu, u Mulungu wenyu.

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

1 Samwili 11:7

Yakawa kuzisola nghongolo nyejete, yakazitemasha, yakawa kutuma wanhu wasole zimhonje ze zinyama, wazitegule mu yisi yose ye Waisilayeli, akuno wawe kuwasugula wanhu wakutya, “Munhu wo wose mono si komutyatya Sawuli na Samwili ku wulugu, munhu yuyo nghongolo zakwe zotemashwa nhavivi!” Nawo wanhu wa Isilayeli, wakogopa muno kuli zono Muwaha Mulungu kokwituma. Holeka wanhu wose wakalawila lwa kamonga.