Isaya 7:9 - Luganuzi Luswanu Kuli Wanhu Wose 2002

⁹ Hamba nhavivyo, nayo Isilayeli nha si yili vilungo yicize Samaliya, ne likaya liwaha lya Samaliya, hamonga ne Samaliya yeneco, nayo si yili vilungo yicize mutemi Peka. “Holeka hono wulece kwihuwila, mbeka hamba si kosuma kusikamywa.”

Isaya 7:9 ပူးပေါင်းရင်းမြစ်များ

2 Watemi 15:27

Na mu mwaka we makumi mahano na myejete yo wutemi wa Azaliya u mutemi wa Yuda, nayo Peka u mwana wa Lemaliya, ho yanziza kutema mu Isilayeli. Nayo yakatema mu Samaliya myaka makumi mejete hodu.

2 Zinghomo 20:20

No wusiku wali weza kwela, i mitondo yaco, hakali mitondo muno muno, i wanhu wose wakawa kubita ku nyika ya Tekowa. Nawo lono wali wakondya kwiwikaniza ho watuluce, mutemi Yehoshafati, yakawalonjela yakatya, “Anye nyo wanhu wa Yuda na Yelusalemi! Mumwitumbilaje Muwaha Mulungu, u Mulungu wenyu, kanyhi mweze mukamile. Kanyhi mwihuwile zinghani zono wawizi wakwe womulonjelenyi, nanye holeka motuga wuswanu.”

Isaya 28:1

Woyi hee, kuli wutemi wa Isilayeli, hambi nha wongomela! No lukumyo lwayo lukuwomba nhe mikumbo ye maluwa yono wavwalile mu mitwe yawo, iwalongola wang'wela wo wujimbi. I mitwe yawo yo widunhumuzi, mhola, webace mafuta ge mhunjile swanu ninga i wanhu weneco, walabalaye hasi so cigalo co wujimbi.

Isaya 5:24

Na ku soko yiyo, nha vyono lilambi lyo moto, ligatakamizaga mahanze, na kanyhi, nha vyono mahanze gono ganyalile, gatakamilaga mu malambi go moto, ale, nhavivyo, ne lisina lyenyu nalyo lyowola, ne maluwa gayo nago gonyala, gapemheluswe ne mbeho, hambi nha mwazilema zo wulajilize wo Muwaha Mulungu u Mudaha vyose, u Mulungu we mihanga, u Mulungu mono yelile we Waisilayeli, zono yacijiza 'se.

Isaya 7:10

Muwaha Mulungu yakamulonjela kanyhi Ahazi yakatya,

Isaya 7:4

Wukamulonjele vyono yetuze du, hamba yalece kuwa na woga, hamba kuzilika mu mutima wakwe. Hambi likuwo lyo mutemi Lezini ne wanhu wakwe wa Siliya, hamonga na wo mutemi Peka, nha gasina mbali yo yose, hambi nha wenha vizinga vyejete vyono vikufungha lyosi du.

Isaya 8:4

No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Isaya 9:9

Ne wanhu wose wa Isilayeli, wono wekaye mu Samaliya, womanya vyono Muwaha Mulungu yo yetumile zizi. Naluno wakwilumba no kwidunhumula, akuno wakutya,

Yelemiya 43:2

Nane nali neza kondya kuzilonga zizo zose, hobaho Azaliya u mwana wa Hoshaya, na Yohanani, u mwana wa Kaleya, hamonga ne wanhu wose i wedunhumuzi, wakawa kunonganga wakutya, “Gwe Yelemiya, awo wulambi wako du. U Muwaha Mulungu, u Mulungu wetu, hamba si yakulajilize yaye wuze wucilonjele, cilece kubita kwikala ku Misili ng'o.

Mika 1:5

Azi zose zokwijela, ku soko ye wanhu wa Isilayeli, wono wetuma wubi no kumuleka Muwaha Mulungu. Alu nani 'mbi mono kohoswa ku soko ye lisutya lya Isilayeli? Hono si Samaliya du! Hamba nani mono yena lisutya lyo kuhemba vihwani mu'si ya Yuda? Hono si Yelusalemi!

Metumo ge Watumwa 27:11

Ninga u muwaha we wasilikale yigana, yahulicila wulonje wa mono yayijendyaga ngalawa, no munya ngalawa si nha azilya zono yazilonga Pawulo.

Metumo ge Watumwa 27:25

Ku soko yiyo, holeka mwisindamice 'nye wayangu, hambi nha nimwihuwiye u Mulungu vyono zowa nha vivi vyono nonjeywe.

Walumi 11:20

Sawa, gapanyulwa ku soko yo wula wihuwilo, ninga agwe wimile ku soko yo wihuwilo wako. Ninga wulece kwilumba, langa wogope.

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

1 Yohana 5:10

Mono yakumwihuwila u Mwana wo Mulungu, u wuhomelezi wuwo muli mwene yena nawo, ninga mono siyamwihuwiye Mulungu, yakumunoza u Mulungu mulambi vyono siyehuwiye u wuhomelezi wono u Mulungu yawulavya muli Mwanagwe.