Isaya 7:6 - Luganuzi Luswanu Kuli Wanhu Wose 2002

⁶ Hambi nha wakuhila wayisole Yuda, wawogofye wanhu, ho wamutemye u mwana wa Tabeli.

Isaya 7:6 ပူးပေါင်းရင်းမြစ်များ

1 Watemi 12:16

Nawo wanhu waza kuwona vyono mutemi Lehobowamu hamba si yakuwahuliciza yaye, hodu, wakazozeza wose hamonga wakutya, “Mwene nye, ase cina yigawo ne mhuga ya Dawudi! Hamba wuhazici wono cina muli mwana wa Yese? Nye nyo wanhu wa Isilayeli, alenyi ciyagale ciwuye ku zikaya zetu. Mulece kumutyatya kanyhi Lehobowamu mumulekaje yali wene!” Hodu hobaho i wanhu wa Isilayeli wakawa kumugaluka mutemi Lehobowamu.

2 Watemi 11:2

Langa Yowashi mwana monga du wa Ahaziya, yuyo du yo yapona. Ninga nayo yali yali behi no kuwulagwa, hamonga ne wayagwe, ninga u nyinehenga wakwe, mono yakucemwa Yehosheba yo yamuponya. Mwene Yehosheba yali mwana we cicekulu wo mutemi Yeholamu, kanyhi yali lumbulye lya Ahaziya. Yehosheba yamusola Yowashi hamonga no mukoci wakwe, yakawahundika mu cumba co kugona, mugati ye Nyumba yo Mulungu, holeka Ataliya si yasuma kumuwona ho yamuwulaje.

2 Zinghomo 13:8

Alu anye mukusaka mwisumanize ne vilungo vyo Muwaha Mulungu vyono yawapela wana wa Dawudi no lulelo lwakwe. Kanyhi mukwijela muza muli yipuga yiwaha muno lye Wasilikale, akuno mwina ne vihwani vye zindama ze zahabu, zono Yelobowamu yamunozezenyi, ziwe milungu yenyu.

2 Zinghomo 21:7

Ninga Muwaha Mulungu si yenda yawongomeze wutemi wa Dawudi, hambi nha yali yehuwiza kuli mwitumami wakwe Dawudi, nha vyono lulelo lwakwe, lojendelela kutema vilo vyose.

2 Zinghomo 28:5

Alu vyono mutemi Ahazi yetuma wubi hali Muwaha Mulungu, u Mulungu wakwe, holeka nayo Muwaha Mulungu yakamuleka yasumwe no mutemi wa Siliya. Nayo mutemi wa Siliya, yali yeza kumusuma Ahazi, yakawa kuwasola ne wanhu wa Yuda wenji muno, yakawategula ku Damesiki nha wafungwa.

Zabuli 21:11

Hamba wanoze wusugu, hamba wawe no wuhile wubi wo kukutamisa, awo wowa wibahule wa bwete, hamba siwosuma kwituma cinji.

Zabuli 83:3

Wakuhila wawasepe wanhu wako no kuwatamisa, wakusaka wawatendele vibi wawo wono kuwadimaga.

Zimbazi 19:21

Heya, i wanhu wosuma kwiwicila nghani nyinji zo kwituma. Ninga wuhile wo Muwaha Mulungu, wo wufisilizwaga du.

Isaya 7:1

Kukawa mu vilo vya Ahazi u mwana wa Yotamu, kanyhi u mwizukulu wa Uziya, lono yali yatemile mu Yuda, wulugu wukaza. Lezini u mutemi wa Siliya, na Peka u mwana wa Lemaliya u mutemi wa Isilayeli, watemi wawa, wakayihoma Yelusalemi, ninga si wasuma kuyiteka yaye.

Isaya 7:5

Hambi Siliya hamonga na Isilayeli no mutemi wawo, nha wanoza maheho.

Isaya 7:7

“Ninga ane no Muwaha Mulungu, nghumulonjelenyi nha vyono zizi si zokwijelela lukulu.

Isaya 8:6

Yakatya, “Alu i wanhu wawa vyono wagalema malenga ga Shilo gono gavwilaga mhola mhola, langa wamucicimilaga mutemi Lezini, no mutemi Peka.