Isaya 7:4 - Luganuzi Luswanu Kuli Wanhu Wose 2002

⁴ Wukamulonjele vyono yetuze du, hamba yalece kuwa na woga, hamba kuzilika mu mutima wakwe. Hambi likuwo lyo mutemi Lezini ne wanhu wakwe wa Siliya, hamonga na wo mutemi Peka, nha gasina mbali yo yose, hambi nha wenha vizinga vyejete vyono vikufungha lyosi du.

Isaya 7:4 ပူးပေါင်းရင်းမြစ်များ

2 Watemi 15:27

Na mu mwaka we makumi mahano na myejete yo wutemi wa Azaliya u mutemi wa Yuda, nayo Peka u mwana wa Lemaliya, ho yanziza kutema mu Isilayeli. Nayo yakatema mu Samaliya myaka makumi mejete hodu.

2 Zinghomo 20:17

Nanye kolo mwawagana, mulece kwihoma nawo. Langa anye mutandale du hanhu henyu, muwe kulindila, nanye mowona vyono Muwaha Mulungu yakumulewelenyi, no kumupelenyi wusume. Holeka anye nyo wanhu wa Yuda na Yelusalemi, mulece kuwa na woga. Anye mubite du ku wulugu, ninga Muwaha Mulungu kowa hamonga nanye!’ ”

Isaya 10:24

U Muwaha Mulungu we mihanga yakuwalonjela i wanhu wono wekaye ku Sayuni, yakutya, “Ale, mulece kuwogopa Waashuli, hamba wawe wamwiwonelenyi 'nye, nha vyono Wamisili wamwiwonelenyi.

Isaya 30:15

Kanyhi Muwaha Mulungu we Mihanga, mono yelile, u Mulungu wa Isilayeli, yakuwalonjela wanhu yakutya, “Ale mumbuyilaje wose, kanyhi munyitumbile, nanye ho mowa ne vilungo, kanyhi mowa mupolile.” Ninga nye mukulema!

Isaya 30:7

Hambi Misili, nha yisina wutazi wo wose hamba wudodo bwete. Si holeka nane nghayicemela yiyo Misili litagwa lya fumbo, lyono likutya, ‘Nzoka yono yisina Sumu.’ ”

Isaya 35:4

Muwalonjele wono wena nhumbula nyoga, mutye, “Ale, mweze ne vilungo, mulece kuwa na woga! Mulungu kokuza no kumuponyenyi kokuza yawalipicize walugu wenyu.”

Isaya 37:6

hodu nayo yakawa kumupitula mutemi, yakutya, “Gwe Hezekiya, Muwaha Mulungu yakutya, wulece kuwaleceleza Waashuli wakogofye, so wutya ati Mulungu si kokuponya yaye.

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 7:1

Kukawa mu vilo vya Ahazi u mwana wa Yotamu, kanyhi u mwizukulu wa Uziya, lono yali yatemile mu Yuda, wulugu wukaza. Lezini u mutemi wa Siliya, na Peka u mwana wa Lemaliya u mutemi wa Isilayeli, watemi wawa, wakayihoma Yelusalemi, ninga si wasuma kuyiteka yaye.

Isaya 7:8

Ku sokoci? Yili vilungo yicize Damesiki, na vyono likaya lyayo liwaha hamonga ne Damesiki yeneco, nha yisina vilungo yicize mutemi Lezini. Nayo Isilayeli mu myaka makumi mutandatu ne 'hano, yowa yakondya kupondangwa yilece kuwa yikungugo.

Isaya 7:9

Hamba nhavivyo, nayo Isilayeli nha si yili vilungo yicize Samaliya, ne likaya liwaha lya Samaliya, hamonga ne Samaliya yeneco, nayo si yili vilungo yicize mutemi Peka. “Holeka hono wulece kwihuwila, mbeka hamba si kosuma kusikamywa.”

Isaya 8:4

No mwana yuyo lono kowa yakali nawiluka no kumanya kucema ‘Yaya’ na ‘Baba’ I sawo yose ya Damesiki, hamonga ne mateka ga Samaliya, vyosolwa no kutegulwa kuli mutemi wa Ashuli.”

Isaya 8:6

Yakatya, “Alu i wanhu wawa vyono wagalema malenga ga Shilo gono gavwilaga mhola mhola, langa wamucicimilaga mutemi Lezini, no mutemi Peka.

I Cililo 3:26

Holeka yowa nghani swanu kuli'se cimulindile ko wukangalizi, yaciponye.

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.

Habakuki 2:3

Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye.

Zakaliya 3:2

Malayika wo Muwaha Mulungu yakamutya Setani. “Ale Muwaha Mulungu yakutacile 'gwe Setani! Muwaha Mulungu mono yayendile Yelusalemi, kokulipiciza. Hambi mwene Yoshuwa na yenha cizinga cono cawuswa mu moto.”

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Matayo 24:6

Kanyhi molohulika muli zo wulugu, ne zinonga nonga zo wulugu, ninga anye mulece kwihwelela, hambi zizo, nha zinojeye zize, ninga ndumo yeneco yowa yikali si nawa.

Wukumbucize wo Wulajilize 20:3

‘Muhulicize 'nye nyo Waisilayeli! Izuwali mweza kubita ku wihomi ku wulugu, ninga nghumutyenyi, mulece kuwogopa walugu wenyu, hamba nhumbula zenyu zilece kuzilika, hamba kucicima yaye.

1 Samwili 17:32

Dawudi yakamulonjela Sawuli yakatya, “Munhu wo wose yalece kumogopa Mufilisiti yuyu! Ane no mweneco nobita nghehome nayo.”