Isaya 7:2 - Luganuzi Luswanu Kuli Wanhu Wose 2002

² Nayo Ahazi mutemi wa Yuda, yali yeza kuhulika nha vyono walugu walawa Siliya, nawo wakondya kwinjila mu yisi ya Isilayeli, hodu mwene Ahazi, hamonga ne wanhu wakwe, wakawa kutuga woga wuwaha muno, wakawa kwanza kucicima kotya mibici yono yikuputwa ne libeho.

Isaya 7:2 ပူးပေါင်းရင်းမြစ်များ

2 Samwili 7:16

Nane nowusimya wutemi wako muli wanago cibitilila. No wutemi wako hamba si wuladuma yaye.’ ”

1 Watemi 11:32

Nayo Solomona, kosigala na wo mulango monga du, ku soko ya Dawudi u mwitumami wangu, na ku soko ya Yelusalemi, likaya lyono nalihagula liwe lyangu mu wulawa mu yisi yose ya Isilayeli.

1 Watemi 12:16

Nawo wanhu waza kuwona vyono mutemi Lehobowamu hamba si yakuwahuliciza yaye, hodu, wakazozeza wose hamonga wakutya, “Mwene nye, ase cina yigawo ne mhuga ya Dawudi! Hamba wuhazici wono cina muli mwana wa Yese? Nye nyo wanhu wa Isilayeli, alenyi ciyagale ciwuye ku zikaya zetu. Mulece kumutyatya kanyhi Lehobowamu mumulekaje yali wene!” Hodu hobaho i wanhu wa Isilayeli wakawa kumugaluka mutemi Lehobowamu.

1 Watemi 13:2

Hobaho muwizi yakalonga ku so lilajilizo lyo Muwaha Mulungu, yakatya, “Gwe go cikumbicilo, go cikumbicilo, Muwaha Mulungu yakutya nhavi, ‘Kololelwa mwana we cilume mu nyumba ya Dawudi, litagwa lyakwe Yosiya.’ Na yuyo Yosiya, kolowawulajila muli gwegwe i wakohani wose wono wakwituma mu vigongo, mu makumbicilo ge milungu yo wulambi, wono wakulavya ne makumbiko muli gwegwe, ne mafupa gawo kologakongojela muli gwegwe.”

2 Zinghomo 25:10

Hodu, Amaziya nhondo yakawa kuwaluwula wawalya wasilikale, yakawakombola wawuye ku zikwawo. Nawo wakavumila ninga kunji si wendile, wakatuluka wakomaye, ku soko ye wanhu wa Yuda.

2 Zinghomo 28:12

Na mwipuga lyawo, mwali na wanhu wane, wono wali wo walongola wawo, wono walawa ku wutemi wa ku lubavu lwa kusumuka, yali, Azaliya u mwana wa Yehohanani, na Belekiya u mwana wa Meshilemoti, na Yehizikiya u mwana wa Shalumu, hamonga na Amasa u mwana wa Hadilayi, nawo wawa si walivumila litumo lye Wasilikale lyo kuwasola wafungwa.

Zabuli 11:1

U Muwaha Mulungu wo wutizizo wangu Alu anye mosuma nhawule kunyitya, “Ale wuguluce nha ndeje sunga ko kwi'tunda?

Zimbazi 28:1

Nawo i wabi, watizaga wakumangha, na hono hasina munhu wo wose mono yakuwawinga. Ninga u munhu we ling'ani, yapetuce yenha simba.

Isaya 11:13

No wutemi we Waisilayeli si wolowuwonela wivu kanyhi u wutemi wa Yuda. No wutemi wa Yuda nawo si wolowa mulugu kanyhi wo wutemi wa Isilayeli.

Isaya 22:22

Nomupela wulajilize wose yawe hasi yo mutemi, u mwana wa Dawudi. Mwene yo kokamisa zifunguwo zose ze nyumba ya Dawudi. Nayo hono yadigula, hasina munhu mono kodinda, na hone yadinda, hasina munhu mono kodigula.

Isaya 37:27

Ne wanhu wono wekalaga mu makaya gago, nghawawusiza vilungo vyawo, wakawa no woga wuwaha, wakazilika. Wakehwana nhe mahanze gono gali mwi'wimbi, hamba mahanze gono gatimbile gono gacindice mwi'tembe mucanyha, gono gosuma kuwomvywa ne mbeho ye civuce ya kucilima.

Isaya 37:35

Nane nolidima likaya lili no kulikamisa, ku soko ye lilumbo lyangu, na ku soko yo wihuwizo wono namwihuwiziza Dawudi u mwitumami wangu.”

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Isaya 7:13

Ku soko yiyo, nayo Isaya yakapitula yakatya, “Ale, hulicizenyi ta anye mo mhuga yo mutemi Dawudi. Yo nghani 'mbi muno kuli'nye lono mukuwuhodanga wukangalizi we wanhu, alu mukwihwesa mosuma kuwuwusa no wukangalizi wo Mulungu hongo?

Isaya 7:17

Ale, alu Muwaha Mulungu kokuletela gwegwe ne wanhu wako, hamonga ne we mhuga yo wutemi vilo vye magazo mawaha muno, kuciza magazo gose gono gamuzizenyi, ku wulawa lono wutemi wa Isilayeli wetemanulila mu wutemi wa Yuda. Ne magazo gago, kologaleta Lezini mutemi wa Ashuli.

Isaya 7:5

Hambi Siliya hamonga na Isilayeli no mutemi wawo, nha wanoza maheho.

Isaya 8:12

“Wulece kwihanza mu mahweso ge wanhu, hamba wulece kuvyogopa vinhu vyono wene wavyogopile.

Isaya 9:9

Ne wanhu wose wa Isilayeli, wono wekaye mu Samaliya, womanya vyono Muwaha Mulungu yo yetumile zizi. Naluno wakwilumba no kwidunhumula, akuno wakutya,

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Hoseya 12:1

“Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.”

Matayo 2:3

Nayo u mutemi Helode yaza kuzihulika zizo, yakehwelela muno, u mwene na wanya Yelusalemi wose.