Isaya 7:18 - Luganuzi Luswanu Kuli Wanhu Wose 2002

¹⁸ “Ne vilo vivyo kolo vikuza, Muwaha Mulungu kolowacemeleza wanhu wa Misili, waze wenji muno nha mahazi, ku wulawa kutali mu zimhelo ze likolongo lya Nile, hamonga ne wanhu wa Ashuli, nawo waze wenji muno nhe zinzuci.

Isaya 7:18 ပူးပေါင်းရင်းမြစ်များ

Zabuli 105:31

Mulungu yakalonga, gakawa kuza mawumbi menji muno ga mahazi, hamonga ne makutupa, mu yisi yawo yose.

Zabuli 118:12

Wakahungucila ko winji kotya nzuci, ninga wakatakamila wose, nhe cititika mu moto, nane nghawapondanjiza wose, kwe vilungo vyo Muwaha Mulungu.

Wutuluce 8:21

Nane nghukusugula nghutya, hono wuleme du, ale, nokuletela gwegwe mahazi, mu wetumami wako, na mu wanhu wako sunga na mu zikaya zako. Nazo zikaya zose ze Wamisili, zomema mahazi gose, sunga ne yisi yose yomema mahazi gose.

Wutuluce 8:24

Hodu, Muwaha Mulungu yakawa kugaleta mawumbi mawaha muno ga mahazi, gakenjila mu wikalo wo mutemi Falawo, hamonga na mu zinyumba ze wetumami wakwe. Yisi yose ya Misili yikahodanjika ku soko ye mawumbi ge mahazi.

Isaya 13:5

Wakulawilila mu ma'si go kutali ku mhelo ye yinze. Nayo Muwaha Mulungu kokuza yayongomezeze yisi yose mwi'kuwo lyakwe.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Isaya 5:26

Muwaha Mulungu kolozicemeleza ne zinghungugo zo kutali. Kolowacema walawe malanga gose ge'nze, nawo wolokuza musunho kuli mwene.

Isaya 7:17

Ale, alu Muwaha Mulungu kokuletela gwegwe ne wanhu wako, hamonga ne we mhuga yo wutemi vilo vye magazo mawaha muno, kuciza magazo gose gono gamuzizenyi, ku wulawa lono wutemi wa Isilayeli wetemanulila mu wutemi wa Yuda. Ne magazo gago, kologaleta Lezini mutemi wa Ashuli.

Zakaliya 10:8

Nowacema wanhu wangu no kuwakongholela hamonga. Nowakomboza kanyhi nowanoza wonjelezece ho wawe wenji nha vyono wali wenha ha mwamulizo.

Wukumbucize wo Wulajilize 1:44

Na mbeka, i Waamoli wono wekalaga mumo mu matunda, wakamuzizenyi ko winji muno, kotya nzuci, wakamuwinjenyi, wakamufisenyi sunga ko ku Holima, wakamusumilizenyi mumo mu yisi ye matunda ya Edomu.

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.

Wukumbucize wo Wulajilize 7:20

Hambi nha kowaletela woga wuwaha, sunga muwongomezeze lukulu wose wono wotiza no kwihundika.

Yoshuwa 24:12

Na mu nghango vyono mwacilaga kwinjila, nane nghatuma manyugwi, ho gakawawinga i watemi awalya wejete we Waamoli. Ivitwalo vyenyu vye mimaje, no wupinde wenyu, hamba si mwavitumamila mulimo wo wose.