Isaya 7:11 - Luganuzi Luswanu Kuli Wanhu Wose 2002

¹¹ “Ale, wumulombaje Muwaha Mulungu, u Mulungu wako, yakulajile citanjilo Ne citanjilo cico, cosuma kwijela ku wulawa kusi muno, ku yisi ye wafu, hamba kucanyha muno ku wulanga.”

Isaya 7:11 ပူးပေါင်းရင်းမြစ်များ

1 Watemi 13:3

Nayo muwizi yakamulonjela kanyhi Yelobowamu yakatya, “Ne citanjilo cayo cocino, i cikumbicilo cici, copanduka cilawe hejete, ne mavu gono gali mumo gomwajika geyagale caka. Nagwe baho ho komanyila nha vyono, mbeka Muwaha Mulungu kalonjela muli'ne.”

2 Watemi 19:29

Isaya yakamulonjela mutemi Hezekiya yakatya, “Naco acino co citanjilo cono cokwijela. Mu mwaka wuwu, sunga na mu mwaka wono wukuza, mowa kulya wuhemba wono wowa kwicindicila weneco du mwi'hala. Ninga mu mwaka muyagwe, aho langa ho molosuma kuhadika mbeyu yo wuhemba nyenye weneco no kuwududula. Kanyhi mohadika zabibu, molya ne mikalo yayo.

Wutuluce 7:9

“Hono mutemi Falawo yasace kuwona mapoto ho yamwihuwilenyi, ale, wumutyaje Haluni yayigumile nghome yakwe ha mwande yo mutemi, nayo yohunduka nzoka.”

Isaya 37:30

Hanyuma Isaya yakamulonjela mutemi Hezekiya, yakamutya, “Aci co citanjilo ca zizo zono si zoleka kwijela. Mwakawu, hamonga no mwaka wono wukuza, anye molya wuhemba wono wupasiciye weneco. Langa mu mwaka we kadatu, aho langa ho molohadika nyo weneco, no kududula nhwanga yenyu. Molohadika ne mizabibu no kulya zabibu zayo.

Isaya 38:22

Nayo mutemi Hezekiya yakamuwuza Isaya, yakamutya, “Alu citanjiloci cono condajila vyono nosuma kanyhi kwinjila mu Nyumba yo Mulungu?”

Isaya 55:13

I mibici nayo yolocindika yihomele hono ho gali mabijili, nago mapangalale golocindika gahomele hono ho gali mamivya. Naco cico co colowa citanjilo cono colokwikala cibitilila, colowa co cikumbucizo ca zono ane no Muwaha Mulungu nakondya kuzitumama.”

Isaya 7:10

Muwaha Mulungu yakamulonjela kanyhi Ahazi yakatya,

Isaya 7:12

Nayo mutemi Ahazi yakapitula yakatya, “Aa, ng'o! Ane si nosaka wundajile citanjilo, hambi nha si nghwenda nimujele Muwaha Mulungu.”

Yelemiya 19:1

U Muwaha Mulungu yakanonjela mbite nghagule nyungu ya malenga ko muwumbi, niwasolaje ne wanyamhala wanji we wanhu, hamonga ne wakohani wanji,

Yelemiya 19:10

Hanyuma ya zizo, u Muwaha Mulungu yakanonjela niyitule nyungu yiyilya, niyitulile ha mwande ye wanhu wawalya wono nabitana nawo.

Yelemiya 44:29

Ane no Muwaha Mulungu, nghumukangazizenyi nha vyono, mbeka nomulipicizizenyi mono yisi yiyi. Sunga no wihuwizo wangu wo kumongomezenyi wowa wa mbeka.

Luka 2:12

Aci co citanjilo kuli'nye, Momwagana mugalika yavwicigwe myenda yo wugalika, yagonile mu ciya co wulilo we mitugo.”