Isaya 7:1 - Luganuzi Luswanu Kuli Wanhu Wose 2002

¹ Kukawa mu vilo vya Ahazi u mwana wa Yotamu, kanyhi u mwizukulu wa Uziya, lono yali yatemile mu Yuda, wulugu wukaza. Lezini u mutemi wa Siliya, na Peka u mwana wa Lemaliya u mutemi wa Isilayeli, watemi wawa, wakayihoma Yelusalemi, ninga si wasuma kuyiteka yaye.

Isaya 7:1 ပူးပေါင်းရင်းမြစ်များ

2 Watemi 15:25

Hakawa no mwitumami yunji wa Pekahiya, mono yali yo citung'ati wa Pekahiya we milewo, mono yacemwaga Peka, u mwana wa Lemaliya. Yuyo hamonga ne wanhu wanji waficile makumi mahano wanya Gileyadi, wakawa no wuhile wubi kuli Pekahiya, wakamuwulajila mwigomawakali lya mugati ye likulu, kuko ku Samaliya. Mwene Peka yakahala wutemi wakwe.

2 Watemi 15:27

Na mu mwaka we makumi mahano na myejete yo wutemi wa Azaliya u mutemi wa Yuda, nayo Peka u mwana wa Lemaliya, ho yanziza kutema mu Isilayeli. Nayo yakatema mu Samaliya myaka makumi mejete hodu.

2 Watemi 15:37

Na lono yali yali mu wutemi, baho nayo Muwaha Mulungu ho yawategulila mutemi Lezini wa Siliya, no mutemi Peka wa Isilayeli, wakayihome Yuda.

2 Watemi 16:1

Na mu mwaka we likumi na mupunghati wo wutemi wa mutemi wa Isilayeli, u mwana wa Lemaliya, nayo Ahazi u mwana wa Yotamu, ho yanziza kuwa mutemi wa Yuda,

2 Watemi 16:5

U mutemi Lezini wa Siliya, hamonga na Peka u mutemi wa Isilayeli, wakabita ku Yelusalemi ho wakayihome, ninga si wamusuma Ahazi yaye.

Isaya 1:1

Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.

Isaya 8:6

Yakatya, “Alu i wanhu wawa vyono wagalema malenga ga Shilo gono gavwilaga mhola mhola, langa wamucicimilaga mutemi Lezini, no mutemi Peka.

Isaya 9:11

Holeka Muwaha Mulungu kowakulujiza walugu wawo wawahome.

Ezekiyeli 27:16

Nawo i wanhu wa Siliya, wagulaga kuli'gwe vinhu vinji du vyo wusuluza, hamonga ne vilimwa vyako. Wene wakakuletela zumaladi, ne myenda yo lugandu, ne milimo yo wutalaze, ne myenda ye bafuta swanu, ne malijani, ne vibwe vidunghu vyo wuguzi wukamu, ho wakawe ne vinhu vyako.

Hoseya 1:1

Ayi yo nghani yono Muwaha Mulungu yamulonjela Hoseya, Mwana wa Beyeli, mu vilo vya Uziya, na Yotamu, na Ahazi na Hezekiya, lono wali watemi wa Yuda, na Yelobowamu mwana wa Yehowashi yali mutemi wa Isilayeli.

Mika 1:1

Ayi yo nghani yo Muwaha Mulungu yono yamuziza Mika, mono yali munya Molesheti mu vilo vya Yotamu, na Ahazi na Hezekiya i watemi wa Yuda. Muwaha Mulungu yamugubulila Mika zizi zose za muli Samaliya na Yelusalemi.