Isaya 66:5 - Luganuzi Luswanu Kuli Wanhu Wose 2002

⁵ Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

Isaya 66:5 ပူးပေါင်းရင်းမြစ်များ

1 Watemi 21:29

“Ale, wawona, vyono Ahabu yenenenyheza hali'ne? Alu vyono yakondya kwinenenyheza hali'ne, hodu nane sinowuleta wongomezwe mu cipango cakwe lono yakali mumi, langa wowa mu cipango co wikale we wanagwe, nane baho ho nolowuletela wongomezwe mu nyumba ya Ahabu.”

2 Watemi 22:10

Hanyuma kanyhi yakatya, “Sunga ne citabu ceneco, Hilikiya kamhela. Naco co acino 'hano nina naco.” Hobaho yakawa kumusomela mutemi kwe'zi waha zono zali zandicigwe mumo.

2 Zinghomo 34:27

na kanyhi vyono kunena, kanyhi kuwa kwinenenyheza hali 'ne, kuwa kuwulajila wunene wako, mu nzila yo kudemulanga vivwalo vyako. Kuwa kulila, weza kuhulika nha vyono noyilipiciza Yelusalemi, hamonga ne wanhu wayo. Holeka nane lu, no Muwaha Mulungu, u Mulungu wa Isilayeli, niwuhulika wulombe wako.’

Ezila 9:4

Nekala baho du no wusungu wangu, sunga i mapango go kulavizya vilavywa vye cinyamihe gakafika. Ne wanhu wono wogopa zono Muwaha Mulungu wa Isilayeli, yazilonga, so wubi wa wono wawuya ku wulanga ku wuhamywe, wakenghogholela wose hamonga.

Zabuli 119:120

Ane nghucicima so wogopa gwegwe, memile woga, ku soko ye ning'aniza yako.

Zabuli 38:20

Nawo wawo wono wakungomolela zimbi, ku soko yo wuswanu wangu, wakumhingamhinga ku soko vyono ane nitumaga ziswanu.

Zimbazi 13:13

Na hono wugabeze mejizo maswanu, ale kokwiletela wugaye. Ninga hono wugavumile, kowa mu mulamu.

Lwimbo Luswanu muno 1:6

Ninga mulece kuhenahena vyono nili mutitu tuku, hambi lizuwa nha lya nyanya. Nawo wandugu zangu wasimbila, wambika niwe mulindilizi we migunda ye mizabibu, nghawa sina hamba cilejeho co kuwulanjilila no mugunda wangu no mweneco.

Isaya 26:11

Ne walugu wako nawo, hamba si wakumanya yaye nha vyono kowalipiciza. Gwe go Muwaha Mulungu, wuwakozaje cevu, wuwalece wenjile mu magayo go wulipicizwe wono wuwawikanizize. Ninga 'gwe, wuwalajile zo wendo wako kuli wanhu wako.

Isaya 5:19

Hambi nha mutezaga, “Ale, Muwaha Mulungu, na yetume mbela zono katezaga kokwituma, nase ho ciziwone. Lecenyi Mulungu mono yelile we Waisilayeli, yetume za mu mahweso gakwe. Mulece ciziwone zono zili mu mutima wakwe.”

Isaya 60:15

“Na ku wulawa lulu, hamba si kololecelwa lukulu kanyhi; hamba kusulwa yaye ng'o, hamba si kolowa kanyhi likaya yiciwa lyono lihodanjice yaye. Hambi ane nha nolokunoza wuwe ne lilumbo yiwaha kanyhi wuwe wunojezize wuwe hanhu hono hamemile nyemo cibitilila na cibitilila.

Isaya 65:13

Ninga nane nghumulonjelenyi nha vyono, wose wono wena cihuliko kuli'ne no kuhemba nene, wawo wolotuga ndigwa nyinji hamonga na co kung'wa. Ninga anye molowa muli nzala kanyhi mukaluce. Wene wolowa wasangalaye, ninga anye molokozwa cevu.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Yelemiya 36:16

Ninga yali yeza kukondya kuwasomela zose, hobaho wose wakawa kwilanga munhu na muyagwe akuno wena no woga wuwaha. Wakawa kumulonjela Baluku wakatya, “Yicinojeye cimumanyize no mutemi nghani zizi.

Hoseya 11:10

“Wanhu wangu wolonhyatya kolo nghukoloma nha simba kuli walugu wawo. Wolonyiziza musunho ku wulawa ku lubavu lwa kumwezi.

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Luka 13:17

Yaza kukondya kulonga zizi, walugu wakwe wakapuwa wose; ne wanhu wose wakasecelela, ku so zinghani ze lilumbo zose, zono zetumwa no mwene.

Yohana 16:2

Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Yohana 9:34

Nawo wakamupitula wakumutya, “Waco 'gwe, nha walelelwa mu wubi wose, alu ho kosuma nhawule kucijiza ase?” Hodu wakawa kumuwinjila kunze ye nhang'anilo yo Wuhembelo.

2 Watesalonike 1:12

Na muli zizo, i litagwa lyo Muwaha wetu Yesu mo lyotujila lukumyo muli nyenye, nanye mowutuga lukumyo muli mwene ku soko ye lihewa lyo Mulungu wetu na lyo Muwaha Yesu Kilisito.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Wahebelaniya 9:28

nhavivyo nayo Kilisito, yelavya likumbiko lwa kamonga du ho yawuwuse u wubi wa wenji. Nayo yalaza kuza lwe kejete, ho yalece kuziza so wihoma no wubi, langa so kuwakomboza wawo wono wakumulindila.

1 Yohana 3:13

Holeka wandugu zangu, mulece kwizina lono i yinze yikumusulenyi.