Isaya 66:4 - Luganuzi Luswanu Kuli Wanhu Wose 2002

⁴ Holeka nane lu, nowaletela magazo gono wakugogopa, vyono hasina hamba yunji, mono yamhitula lono nalongaga nawo, hamba mono yahuliciza zangu lono nghulonga. Langa wene wakahagula yo wula cihuliko kuli'ne no kwituma zimbi du.”

Isaya 66:4 ပူးပေါင်းရင်းမြစ်များ

2 Watemi 21:2

Ninga Manase yetuma wubi hali Muwaha Mulungu, so wituma makani ge liwifyo, gono wetumaga we zinghungugo, zono Muwaha Mulungu yaziwinga mu yisi, lono wanhu wakwe wenjilaga mumo.

2 Watemi 21:6

Yakamulavya mwanagwe, yawe cilavywa cinyanywe. Yakatowa cisangu, yakawa kunoza wuganga, yakawa mwilagulizi kuli we mawizi ge macisi ne wahawi. Yaketuma nyinji zimbi hali Muwaha Mulungu, yakamukoza likuwo yiwaha Muwaha Mulungu.

Zabuli 81:12

Hodu nane nghawa kuwaleka wajendelele, no wukamu we zinhumbula zawo, wetume zono wakuhila weneco.

Zimbazi 1:24

Nasola katali nghumucemelezenyi, nghumusacenyi ho munyizize, ninga nanye hamba kuhulika yaye.

Zimbazi 10:24

Nawo we ling'ani, watugaga vyono wasakaga. Ninga iwabi, watugaga cono wakucogopa.

Isaya 50:2

Alu so cici wanhu wangu si wanhuciza lono nawabitila ho niwaponye? Na so cici lo, na lono nawacemaga, hamba si wanyidika yaye? Hamba wakuwona ane nili musocele si nosuma kuwaponya lo? Alo wene si wamanyile nha vyono ndahile kulilajiliza lilenga linyale lwa kamonga, no kuganyaza makolongo, yiwe nyika, ne zisomba za mumo zifwe so wula malenga.

Isaya 59:15

Heya i mbeka yili hasina, na mono kalekaga zo wubi, kewonaga nha yabenile wulajilize.” Ninga Muwaha Mulungu yakondya kuziwona zizi zose, nayo hamba si yakwendezwa yaye lono yakuwona vyono hasina wiling'ano.

Isaya 59:7

Kanyhi anye mwikalaga mukwihwesa zimbi du nhondo zose, no kuhidimbala kuzituma. Hamba si mogopaga yaye ku wuwulaga i wanhu wono wasina masutya. Na hanhu ho hose hono mukubita, mulekaga matongo du no wuhodanjice wuwaha,

Isaya 65:12

Nanye vyo mokongomela nhavivyo mu nzila yo kuwulagwa, vyono lono nali kumucemenyi, hamba si mwasaka kunyidika yaye, hamba kuhuliciza lono nghulonga. Hambi nha mweyihagulila nyo weneco muwe musina cihuliko kuli'ne no kwituma zimbi.

Isaya 65:2

Nane nha niwikanize du nhondo zose ho niwabocele wanhu wangu wono wasina cihuliko, kanyhi wendile kwituma zimbi nha vyono wendile weneco, no kubita kono wendile.

Isaya 65:3

Kanyhi wasina hamba cevu yaye lono wakunghoza likuwo. Hambi nha wendile kulavya makumbiko ge wanhu wono si wamumanyile Mulungu mu zibusitani zisiwanulwe, hamonga no kufusa wuvumba mu vikumbicilo vye wanhu wono si wamumanyile Mulungu.

Isaya 65:7

ku soko yo wubi wawo, hamonga no wubi we walezi wawo. Lanje vyono wakufusa wuvumba mu vikumbicilo vye wanhu wono si wamumanyile Mulungu, vyono vizenje mu vigongo visiwanulwe, no kunhovulanga. Holeka nane, nowalipiciza du nha vyono genha metumo gawo gono gapuluta.”

Yelemiya 35:17

Holeka ku soko yiyo, alu mowona! Ane no Muwaha Mulungu, u Mulungu wa Isilayeli, nomuletelenyi anye nyo wanhu wa Yuda na Yelusalemi, i magazo gose gono nehuwiza. Nomutendelenyi nhavivyo, vyono anye si mukusaka kuwa ne cihuliko kuli 'ne, nghamucemenyi, nanye hamba kumhitula yaye.”

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Yelemiya 7:30

“Nawo i wanhu wa Yuda, mbeka wetuma nghani 'mbi muno muno. Wene wawika i vihwani vyawo viseswe mu Nyumba yangu, wakayavufya.

Ezekiyeli 11:8

Kanyhi 'nye muli wadodi ku mumaje, holeka 'ne, nowaleta wanhu wono wowa wena ne mimaje yawo, ho wamuhomenyi.

Ezekiyeli 14:4

Alu nagwe wuwalonjelaje Waisilayeli wose wuwatye nhavi, ‘Ane no Muwaha Mulungu, yo nene mono nomupitula munhu wo wose, mono yakondizye kuvipitucila vihwani no mutima wakwe, no kutongwa navyo ku wituma wubi, kanyhi ho kawa kuza kujela kumuwuza muwizi. Nomupitula nha vyono yanojeye, mu nghango yo winji we vihwani vyakwe!’

Ezekiyeli 20:25

“Hanyuma nane nghawa kuwapela wulajilize wono si wuswanu, hamonga ne malajilizo gono gasina wumi.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

1 Samwili 8:19

Ninga hamba nhavivyo, i wanhu hamba si wamuhulika Samwili yaye, langa wakatya, “Ng'o 'gwe! Ase cikusaka langa du cituje mutemi,