Isaya 66:22 - Luganuzi Luswanu Kuli Wanhu Wose 2002

²² “Nha vyono wulanga wupya ne yinze mhya vyokwikala cibitilila so vilungo vyangu, ale nhavivyo sunga ne zindelo zenyu hamonga ne litagwa, navyo vyokwikala cibitilila.

Isaya 66:22 ပူးပေါင်းရင်းမြစ်များ

Isaya 48:19

Ne wanago wali wenjipe, wawe wenji nho musawawa, nane nali niwadime ho walece kongomezwa.”

Isaya 51:16

Yo nene mono nawutandaza wulanga, nghasimya ne misinji ye yinze, nghayilonjela Yelusalemi nghatya, ‘Anye muli wanhu wangu! Nakondya kumwijizenyi mejizo gangu, kanyhi nghumucitilenyi no muwoko wangu.’ ”

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Isaya 56:5

ale, litagwa lyako lyokumbucilwa mu Nyumba yangu hamonga ne wanhu wangu, kuciza na hono wali wuwe wina wana we cilume na we cicekulu. Holeka hamba si kosemwelwa lukulu yaye.”

Isaya 59:21

Hambi nha nakondya kunoza cilagane nanye. Nane nakondya kumujidilenyi muhe wangu, nghamwijizenyi ne mejizo gangu ho gawe muli'nye cibitilila. Holeka ku wulawilila lulu, munojeye muhulice'ne, kanyhi muwejize ne wana wenyu hamonga ne zindelo zenyu, vyono wose wanojeye weze ne cihuliko kuli'ne ku wulawa lulu sunga cibitilila.”

Isaya 61:8

Muwaha Mulungu yakutya nhavi, “Ane nyendile ze ling'ani, kanyhi nizisulile zo wuhizi na zo wiwonezi. Nane nowahumbiliza wanhu wangu ko wihuwilwa. Kanyhi nonoza nawo cilagane ce cibitilila.

Isaya 61:9

Kanyhi wolowa wamanyice muno muli makungugo. Na muli wose mono kowawona, komanya nha vyono wo wanhu wono nakondya kuwamotya.”

Isaya 65:17

Muwaha Mulungu yakutya nhavi, “Nghuwumba yinze mhya, no wulanga wupya. Ne zinghani zinongozi, si zokumbucilwa kanyhi hamba kwihweswa yaye.

Isaya 65:22

Wanhu wangu wolowa kwikala vilo vinji mono'nze nhe mabici. Kanyhi wolosangalalila vinhu vyono wolowa kuvituga mu milimo yawo.

Isaya 65:23

Ne milimo yawo yose yolowa na wumoteswe, ne wana wawo, si wolokongomezwa yaye. Nane nolowamotya hamonga ne wana wawo, mu vilo vyose vyono vikuza.

Yelemiya 33:20

“Ane nha vyono nanoza cilagane cangu ce misi na ce cilo, ho viwe kwilecela mu mapango gayo, ne cilagane cico hamba si cilabeneka yaye.

Yelemiya 33:21

Ale yo nhavivyo kanyhi, nakondya kunoza cilagane no mwitumami wangu Dawudi, nha vyono kolowa vilo vyose yena mwana mono kowa mutemi. Na kanyhi nghanoza cilagane na kuli wakohani wa mu lulelo lwa wo mulango wa Lawi, nha vyono wo weneco du, wo wojendelela kunyitumamila. Ne vilagane vivyo vyose hamba si vilabeneka yaye.

Zefaniya 3:20

“Icipango cikuza! Lono nolowagomola wanhu wenyu wono weyagazwa, wawuye ku zikaya, nolomunozenyi lukumyo no kumanyika muli yinze yose, no kumunozenyi kanyhi mumoteswe nha vyono ha mwamulizo.” Vyo yakutya Muwaha Mulungu.

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

2 Petelo 3:13

Ninga'se, ku so wihuwizo wakwe, cilindiye wulanga wupya ne'nze mhya, mono wumemile wiling'ano.

Wugubule 21:1

Hanyuma nghawona wulanga wupya ne yinze 'mhya. U wulanga wu wulya wulongozi ne yinze yi yilya nongozi, vyali vyawuka, ne lilenga nalyo hamba si lyejela kanyhi.