Isaya 66:2 - Luganuzi Luswanu Kuli Wanhu Wose 2002

² Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Isaya 66:2 ပူးပေါင်းရင်းမြစ်များ

1 Watemi 21:29

“Ale, wawona, vyono Ahabu yenenenyheza hali'ne? Alu vyono yakondya kwinenenyheza hali'ne, hodu nane sinowuleta wongomezwe mu cipango cakwe lono yakali mumi, langa wowa mu cipango co wikale we wanagwe, nane baho ho nolowuletela wongomezwe mu nyumba ya Ahabu.”

2 Watemi 22:10

Hanyuma kanyhi yakatya, “Sunga ne citabu ceneco, Hilikiya kamhela. Naco co acino 'hano nina naco.” Hobaho yakawa kumusomela mutemi kwe'zi waha zono zali zandicigwe mumo.

2 Watemi 22:11

Nayo mutemi Yosiya yali yeza kuzihulika zo Wulajilize zono zandicigwe mumo mu citabu, hobaho yakavidemulanga vivwalo vyakwe ko woga wuwaha muno.

Ezila 10:3

Holeka aluno, cinoze wuhembi wo kumulomba Mulungu yacinenele, kanyhi ciwice cilagane nayo, vyono ase cowawinga wacekulu wawa, hamonga ne wana wono waleligwe nawo. Nase cokwituma du nha vyono agwe wacilonjela, hamonga ne wanji wono wendile kwituma malajilizo go Mulungu. Nase cokwituma nha vyono malajilizo go Mulungu gakucilonjela.

Ezila 9:4

Nekala baho du no wusungu wangu, sunga i mapango go kulavizya vilavywa vye cinyamihe gakafika. Ne wanhu wono wogopa zono Muwaha Mulungu wa Isilayeli, yazilonga, so wubi wa wono wawuya ku wulanga ku wuhamywe, wakenghogholela wose hamonga.

Zabuli 119:120

Ane nghucicima so wogopa gwegwe, memile woga, ku soko ye ning'aniza yako.

Zabuli 119:161

I wawaha nawo wamhela magazo du mbula soko, ninga ane niwogopile wulajilize wako, kwe nhumbula yangu yose.

Zabuli 138:6

Gwe go Muwaha Mulungu, hamba wuwe wuli kucanyha muno, ninga wukuwalanga ko wuswanu i wasocele, ne wewoni wose, si wosuma kwihundika ha meso gako.

Zabuli 34:18

U Muwaha Mulungu yali behi na wose wono wena mahwele, kawaponyaga wose wono wasina witumbilo.

Zabuli 51:17

Langa cilavywa cangu kuli'gwe go Mulungu, yo nhumbula du yono yidejepe, hambi 'gwe go Mulungu, nha si kulemaga nhumbula yono yidejepe na ye cihuliko.

Zabuli 51:19

Ale, baho langa, ho kokwendezwa ne vilavywa vinyanywe, sunga ne vilavywa vinyanyilwe lukulu, sunga ne zinghongolo, nhondo, ho zolavizywa mu cikumbicilo cako.

Zimbazi 28:14

Weze wuli cihuliko kuli Muwaha Mulungu nhondo zose, nagwe kowona nyemo. Ninga hono wuwe wusina cihuliko, mbeka kokongomezwa.

Zimbazi 29:23

Ne wanhu wedunhumuzi, wosuma kukuletela lifwa. Ninga hono wuwe mwinenenyhezi, wokupela lilumbo.

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 41:20

Nawo wanhu wose woziwona zizi, wamanye nha vyono nene Muwaha Mulungu yo nitumile zizi. Nawo ho wokwizuka nha vyono Mulungu mono yelile wa Isilayeli, yo yazinozize zizi zijele.”

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 66:5

Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

Hoseya 11:10

“Wanhu wangu wolonhyatya kolo nghukoloma nha simba kuli walugu wawo. Wolonyiziza musunho ku wulawa ku lubavu lwa kumwezi.

Mika 6:8

Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Habakuki 3:16

Nane nghuzihulika zizi zose, kuno nghucicima, no mulomo wangu wuleceye wukucicima so woga. No muwili wangu wose wanyong'onyela, sunga ne magulu gangu nhondo, gakucicima lono nimile. Ninga ne, nolindila du nhulile, sunga lizuwa lize lyono Mulungu kolowalipiciza wose wono wakuwa kucihoma.

Matayo 12:6

Holeka nghumulonjelenyi vyono, bahano hoyuli u muwaha muno, mono yayicizize sunga ne Nyumba yo Mulungu.

Metumo ge Watumwa 7:50

Alo nyumbaci yono mosuma kunzenjela? Vinhu vivi vyose, yo nene mono navinoza, hamba ng'o?’

Metumo ge Watumwa 9:6

Ninga winukaje wukenjile mwi'kaya, na kuko kolonjelwa yono yikunojeye witume.”

Wafilipi 2:12

Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko ye mhonelo yenyu,

Wakolosayi 1:17

Kilisito yali yali baho na lono viwumbwa vyose vikali si nawa, na vyose vikamisizwe muli mwene, navyo vyose vikalaga nha vyono vyawikwa.