Isaya 66:18 - Luganuzi Luswanu Kuli Wanhu Wose 2002

¹⁸ Ninga nane nigamanyile mahweso gawo, hamonga ne metumo gawo. Holeka nane nghuza niwakonghole i wanhu wose we makungugo gose. Nawo kolo wekonghola hamonga, baho ho wovimanyila vilungo vyangu vyono vinha.

Isaya 66:18 ပူးပေါင်းရင်းမြစ်များ

Jobu 42:2

Gwe go Muwaha Mulungu, ane manyile vyono yo gwegwe du mono wuli vilungo, na kanyhi vyono wudahile kwituma nghani yo yose nha vyono wendile gwegwe du.

Zabuli 139:2

Agwe wuzimanyile zose zono nitumaga, kanyhi wugamanyile sunga, ne mahweso gangu gose.

Zabuli 67:2

I yinze yose ho yimanye wutonji wako, ne makungugo gose ho gamanye vilungo vye mhonelo yako.

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 72:17

Litagwa lyo Mutemi, lyeze no lukumyo vilo vyose, no lukumyo lwakwe lwikale sunga ha nghango, yo wung'alale we lizuwa. Ne makungugo gose, gamoteswe muli Mwene, sunga ne wanhu wose wamutye yo mumoti.

Zabuli 82:8

Gwe go Mulungu, wuze wuyiling'anize yinze, hambi i makungugo gose, nha sawo yako gwegwe.

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Zabuli 94:11

U Muwaha Mulungu, yagamanyile mahweso ge wanhu, yamanyile vyono si gakwiliye hamba nhavi bwete.

Zabuli 97:6

Wulanga wukwanza ze ling'ani yakwe, ne makungugo gose gakuluwona lukumyo lwakwe.

Isaya 11:9

Na mwi'tunda lyo Mulungu lyono lyelile lya Sayuni, molowa musina citamisi co cose hamba cibi co cose. Hambi yisi nha yolomema wumanye wo Muwaha Mulungu nha vyono lilenga limemile malenga kose.

Isaya 2:2

Mu vilo vyono vikuza litunda lyono lizenjigwe Nyumba yo Mulungu, lyolosikamya mucanyha ye matunda lyolokwinulwa kuciza vigongo vyose, ne makungugo gose golokuza kuli lyene,

Isaya 37:28

“Ninga ane, nizimanyile zako zose, na zono kwitumaga, na kono kujendelaga. Kanyhi nghumanyile na vyono wukuwa kungholelwa likuwo.

Isaya 40:5

Ne nhojo yo Muwaha Mulungu yologubulwa, ne wanhu wose woloyiwona. Muwaha Mulungu mweneco yo yehuwiza zizi.”

Isaya 45:22

“Muze kuli'ne, ho mupone anye nyo wanhu we yinze yose! Ane no Mulungu nili wene, nili baha.

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 55:8

Muwaha Mulungu yakutya, “Mahweso gangu si gokwihwana ne mahweso genyu, ne zinzila zangu nazo, si zokwihwana ne zinzila zenyu ng'o.

Isaya 56:8

Nayo Muwaha Mulungu we mihanga, mono yawagomola wanhu wakwe Isilayeli ku kaya ku wulawa ku wuhamywe, yakondya kwihuwiza nha vyono kowaleta na wanhu wanji ho vihangane nawo.

Isaya 57:12

Anye mukwihwesa nha vyono, zono mukwituma zo swanu, ninga nozigubula calinze ze metumo genyu, ne vihwani vyenyu hamba si vyosuma kumutazenyi yaye.

Isaya 59:7

Kanyhi anye mwikalaga mukwihwesa zimbi du nhondo zose, no kuhidimbala kuzituma. Hamba si mogopaga yaye ku wuwulaga i wanhu wono wasina masutya. Na hanhu ho hose hono mukubita, mulekaga matongo du no wuhodanjice wuwaha,

Isaya 65:2

Nane nha niwikanize du nhondo zose ho niwabocele wanhu wangu wono wasina cihuliko, kanyhi wendile kwituma zimbi nha vyono wendile weneco, no kubita kono wendile.

Isaya 66:10

Musangalalane hamonga na Yelusalemi, musangalalane nayo. Nanye wose mono mulyendile likaya lili, musangalale hamonga nalyo luno, anye wose mono mwalilililaga!

Yelemiya 16:17

Hambi'ne, nha nghuziwona zose zono wakwituma, hasina hamba cinji co cose cono cihundicigwe ha meso gangu. No wubi wawo wose nha wijeye du calinze ha meso gangu.

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Ezekiyeli 38:10

Ne zinghani zizi, zo Muwaha Mulungu yakumulonjela Gogu yakutya, “Ne mapango gago kolo gakondya kuza, agwe Gogu kolokwanza kwihwesa zo wuhile wubi du mu nhumbula yako.

Ezekiyeli 39:21

U Muwaha Mulungu yakatya, “Ane nowanoza i wanhu we makungugo, wayiwone nhojo yangu, niwalajile nha vyono nosuma kuwufisiliza wuhile wangu kwe ling'ani.

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Amosi 5:12

Hambi nane nha manyile vyono wubi wenyu wukogofya hamonga ne masutya genyu vyono menji, gono muwituma. No kuwewonela wanhu we ling'ani. Mukubocela mafupo, no kwimila i ling'ani ye waciwa, yono wakuyituga mu mahakama.

Zakaliya 14:16

Hobaho wose wono wasigaye wa mu zinghungugo zono zayihomaga Yelusalemi, zolowa kubita mwaka kwa mwaka kumuhemba Muwaha Mulungu we mihanga u mutemi, no kusangalalila sikukuu ye vibanda.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Matayo 12:25

Ninga Yesu vyono yali yagamanyile i mahweso gawo, baho yakawatya, “U wutemi wo wose wono witemanuce weneco wose vipuga vipuga vyono si vikwilumvya vyeneco vyose, u wutemi wuwo si wosuma kujendelela hamba hadodo, ne likaya lyo lyose hamba mhuga yo yose yono yitemanuce vipuga vipuga vyono vitemanuye, lilyo lyogwa.

Matayo 9:4

Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

Luka 5:22

Ninga Yesu yakawatanga mahweso gawo, yakapitula yakawatya, “Alo mukwihwesa cici mu zinhumbula zenyu?”

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali nawumbwa.

Yohana 5:42

Ninga nimumanyilenyi anye, manyile vyono u wendo wa kuli Mulungu wuli musina mu zinhumbula zenyu.

Walumi 16:26

Ninga aluno, imbeka yiyo yakondya kugubulwa mu nzila ye Mandiko ge wawizi, na so lilajilizo lyo Mulungu we cibitilila, yakondya kulajilwa kuli makungugo gose, ho wose wasume kwihuwila no kuwa na cihuliko.

1 Wakolinto 3:20

Na kanyhi, “U Muwaha yamanyile nha vyono i mahweso ga we mahala, si gakwiliye cinji.”

Wukumbucize wo Wulajilize 31:21

Ninga kolo i zimbi zikuwaziza hamonga ne magazo mawaha, ale, u lwimbo lulo lolohomelela nha wuhomelezi kuli wene. Ninga hamba nhavivyo nghondizye kuzimanya za mu mahweso gawo sunga na lono nghali hamba nawafisa mu yisi yono nawehuwiziza.”

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.