Isaya 66:16 - Luganuzi Luswanu Kuli Wanhu Wose 2002

¹⁶ Nayo kolowalipiciza ko moto no mumaje, i wanhu wose wa mono'nze, wono yakuwawona wasutyi, na wenji wolowulagwa.

Isaya 66:16 ပူးပေါင်းရင်းမြစ်များ

Isaya 10:4

Hambi wose nha mowulajilwa ku wulugu, hamba mosolwa nhe wafungwa. Ninga hamba nhavivyo, likuwo lyo Muwaha Mulungu, si lyoduma ng'o, langa kojendelela kuwugolola muwoko wakwe ho yalipicize.

Isaya 27:1

Na mwi'zuwa lilyo, Muwaha Mulungu kolokwitumamila mumaje we lifwa, kwe vilungo vyakwe, kololilipiciza lilimu lyono likucemwa Lewiyatani, lizoka lyono libinzulaga, liwa kwinyongola, no kuliwulaga lizoka lyono likalaga mwi'lenga.

Isaya 3:13

Muwaha Mulungu, yewikanize ho yalonje calo, yewikanize ho yawaling'anize wanhu wakwe.

Isaya 30:30

No Muwaha Mulungu kolowanoza wanhu wose walihulice lizi lyakwe lye nhojo, waliwone ne likuwo lyakwe vyono linha. Na mwi'zuwa lilyo, kolowa lilambi lyo moto hamonga no mukukunzo we mvula ye mabwe.

Isaya 31:8

Nayo yisi ya Ashuli, yolokongomezezwa lukulu mu wulugu, ninga si kwe vilungo vyo munhu yaye. Nawo Waashuli wolotiza ku wulugu wuwo. Ne wazelelo wawo, wolonozwa wawanda.

Isaya 34:2

Hambi Muwaha Mulungu nha yawakoleywe likuwo makungugo gose, hamonga ne wasilikale wawo wo wulugu. Nayo yakondya kuwawalila wongomezwe.

Isaya 65:12

Nanye vyo mokongomela nhavivyo mu nzila yo kuwulagwa, vyono lono nali kumucemenyi, hamba si mwasaka kunyidika yaye, hamba kuhuliciza lono nghulonga. Hambi nha mweyihagulila nyo weneco muwe musina cihuliko kuli'ne no kwituma zimbi.

Yelemiya 25:31

Ne lizi lyakwe lyolobocelela sunga ko ku zimhelo ze yinze. Hambi u Muwaha Mulungu, nha yakwisumaniza ne makungugo. Nayo kolowaleta wanhu wose ha wuling'anizwe, yawasole i wanhu wabi yawawulaje. Vyo yakutya u Muwaha Mulungu.”

Yelemiya 25:33

Na mwi'zuwa lilyo, i miwili ya wono wolowulagwa no Muwaha Mulungu, yolowa yiyagaye caka ku wulawilila ku mhelo ayino ye 'nze, sunga ko ku mhelo nzagwe. Na holowa hasina munhu wo wose mono kolowalilila, hamba si wolowuswa baho hono wowa wagwiye no kuzikwa yaye. Langa wolowa walabalaye baho hasi du, nhe malundo ge mboleya.

Yelemiya 45:5

Alu agwe Baluku, wukwisacila 'gwe zinghani zimbaha? Ng'o ye, wulece kunoza nhavivyo. Hambi 'ne nha noleta wongomezwe wuwaha muli wanhu wose, langa agwe go mweneco wumi wako wopona, ho hose hono kobita. Vyo nghutya, ane no Muwaha Mulungu.”

Yelemiya 46:15

Alo nhawulenyi kanyhi u mulungu wenyu Apisi we vilungo, yakondya kugwa? U Muwaha Mulungu yo yamubamiliza hasi!’

Ezekiyeli 28:18

Na ku soko yo wukwawi wako, wukahatajila wavufywe i hanhu hako hono helile. Na ku soko yiyo, nane nghakupembela mu moto wukatakamilila lukulu. Na wose wono wowa kukulanga, wowona nha vyono weza mavu du.

Ezekiyeli 38:17

Hambi agwe Gogu, nha yo gwegwe mono nalongaga i zako ku wulawa katali, mu nzila ye wetumami wangu i wawizi wose we Waisilayeli, na vyono na mu vilo vyono vikuza, nokwenda nize ndete munhu yayihome Isilayeli.” Vyo yakutya u Muwaha Mulungu.

Ezekiyeli 5:15

“Na Kolo nasimba no kukolwa likuwo no kumulipicizenyi, i makungugo gose gono gamupilimenyi, golokwibatwa no woga wuwaha muno. Wolomulanjenyi nha muli wanhu we 'wifyo, kanyhi wolomulijenyi.

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Amosi 7:4

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.

Nahumu 3:15

Ninga, hamba wunoze vyono konoza, vyo kokongogwa du mu moto sunga wufwe, hamba kowulagwa ku wulugu. Nagwe kowusizwa lukulu nhe vilimwa vyono vilijigwe ne zinzije. Mwali monjelezeka mweza muli wenji nhe zinzije!

Nahumu 3:3

Iwajendela zifwalasi wakubita lumangho, ne mimaje yawo ne migoha yawo yikung'alala! Mivimba yilundile malundo mawaha, ne miwili ya wono wafwiye yisina hamba yiwalo, wanhu wakwikobala mucanyha ye mivimba!

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.