Isaya 66:14 - Luganuzi Luswanu Kuli Wanhu Wose 2002

¹⁴ Nanye kolo mukuziwona zizi zeza kwijela, molowa na nyemo, nazo zolomupelenyi vilungo no wusangalale. Nanye lulo nhondo ho molomanyila nha vyono, ane no Muwaha Mulungu yo niwapelaga wutazi wose wono wali cihuliko kuli'ne, langa niwakolelwaga likuwo i walugu wangu.”

Isaya 66:14 ပူးပေါင်းရင်းမြစ်များ

Ezila 7:9

Muwaha Mulungu yakawa yali hamonga nawo sunga ku Yelusalemi mwi'zuwa lilongozi lya mu mwezi we hano.

Ezila 8:18

Na kwe lihewa lyo Mulungu, wakamuleta Shelebiya Mulawi, mono yali yakwiliye muno, yali wa mu lulelo lwa Mahili. Nayo yakaza ne wanagwe hamonga ne wanduguze, wakawa waficile wanhu yikumi na munana.

Ezila 8:22

Hambi nha nali mbone cevu kumulomba mutemi, yacipele wasilikale wakwe wacidime so walugu mumo mu muhinzo wetu, ku soko nali nakondya kumulonjela vyono Mulungu wetu yo mukamisi muli munhu wo wose mono yakumwihuwila. Ninga kanyhi, yakuwa kumukolelwa likuwo mono si yakwituma zo wuhile wakwe, no kumulipiciza mono si yakumuhulika mwene.

Ezila 8:31

Mwi'zuwa lye likumi na nyejete, lya mu mwezi mulongozi, cikawa kutuluka ha wulawa ha cikolongo ca ha Ahava ku wubita ku Yelusalemi. Nayo Mulungu wetu yakawa yali hamonga nase mu muhinzo wetu, yakacicitila kuli walugu wono wali wali mu nzila, cikajenda viswanu.

Zabuli 107:42

Nawo we ling'ani, wakuziwona zizo, kanyhi wakusangalala, ninga i wabi wose, milomo yawo yodindwa.

Zimbazi 17:22

Wuseci nawo, wokupela muwili muswanu, wono wusina wunyoganyoga. No wukalale we mapango gose, wo wufwa mhola mhola.

Zimbazi 3:8

Na hono wuwe ne cihuliko kuli Muwaha Mulungu, ale, yowa nha miti miswanu, yono yokuponya zinghomele zako no kukucepulila wusungu wako.

Isaya 10:5

Muwaha Mulungu yakatya, “Gwe Ashuli! Ashuli go nghome yangu yono nokwitumamila ho niwalipicize wawo wono niwakoleywe likuwo.

Isaya 13:5

Wakulawilila mu ma'si go kutali ku mhelo ye yinze. Nayo Muwaha Mulungu kokuza yayongomezeze yisi yose mwi'kuwo lyakwe.

Isaya 26:19

Ninga wanhu wa muli wanhu wetu wono wafwa, awo langa wolozuka kanyhi! Ne miwili yawo yilawumipa kanyhi. Na wose wono wagonile mu vitenjelo, wolokwinuka wawe kwimba na nyemo. Hambi Muwaha Mulugu nha kolowazukula wose wono wafwa katali, wowa nha buhe yono yiyisangalazaga yisi.

Isaya 26:20

Nye nyo wanhu wangu, alu mwinjile mu zikaya zenyu, mwidindile mumo. Mwihundice mumo cidaha, sunga likuwo lyo Mulungu lipulute.

Isaya 30:27

Nalo lukumyo, hamonga ne vilungo vyo Muwaha Mulungu, vijelelaga kutali. Nawo moto hamonga ne lyosi, vilajilaga likuwo lyakwe. Mwene kalongaga, ne zinghani zakwe zikuwa kunyanya nho moto.

Isaya 33:20

Ale, mulanje ta ku Sayuni, likaya lyono ho hanhu hono canozezaga zi sikukuu zetu. Muyilangaje ta Yelusalemi! Baho howa ho hanhu du hono cosuma kwikala ko mulamu! Hambi nha howa hehwanile lihema lyono si lilawuswa yaye, lyono sunga ne zimambo zalyo, si zilasumika hamba hadodo kuwukulwe. Hamba ne milejehe yalyo si yiladumuka yaye.

Isaya 34:2

Hambi Muwaha Mulungu nha yawakoleywe likuwo makungugo gose, hamonga ne wasilikale wawo wo wulugu. Nayo yakondya kuwawalila wongomezwe.

Isaya 35:2

Nayo nyika yolokwimba no kusangalala so nyemo, hambi nha yolowa yanoga yawa swanu nhe matunda ga Lebanoni, na kanyhi yowa yina moso nhe migunda ya Kalimeli na Shaloni. Ne wanhu wose woloyiwona nhojo yo Muwaha Mulungu. Kanyhi wolowuwona wuwaha ne vilungo vyakwe.

Isaya 41:20

Nawo wanhu wose woziwona zizi, wamanye nha vyono nene Muwaha Mulungu yo nitumile zizi. Nawo ho wokwizuka nha vyono Mulungu mono yelile wa Isilayeli, yo yazinozize zizi zijele.”

Isaya 42:13

Muwaha Mulungu kabitaga mu milewo yenha citung'ati. Mwene yewikanizize lukulu, kanyhi muhidimbazi ku milewo, katowaga ndulele yo wulugu, kalajilaga wusume kuli walugu wakwe.

Isaya 58:11

Nane nomutonjenyi nhondo zose no kumumotyenyi ne vinhu viswanu. Nomunozenyi muwe ne vilungo hamonga ne miwili miswanu yono yisina wunyoga-nyoga. Nanye mowa mwihwanile busitani yono mwajile malenga menji, yono si yonyalila kanyhi lukulu.

Isaya 59:18

Kolowalipiciza i walugu wakwe mu nghango ya vyono wetuma, hamonga na wose wono wekaye mu zi'si zo kutali.

Isaya 66:5

Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

Zakaliya 10:7

Wanhu wa Isilayeli wowa ne vilungo kotya wasilikale. Kanyhi wowa wena nyemo, kotya wanhu wono wang'weye divayi. Ne wana wawo, wolokumbucila zo wusume wuwu, nawo wolowa wena nyemo ku soko ya zose zono Muwaha Mulungu yazitumile.

Malaki 3:18

Kanyhi i wanhu wangu, ho wolowuwonela wisimajile wono wolowa, kuli we ling'ani na kuli i wanhu wabi, na kuli munhu mono yakunyitumamila, na kuli yulya mono si yakunyitumamila'ne.”

Yohana 16:22

Anye nanye mu cidaha cici, mwina wukalale, ninga nolomuwonenyi kanyhi, ne zinhumbula zenyu zolosecelela, ne nyemo yenyu, hasina mono yakumuwusizenyi.

Wahebelaniya 10:27

Langa yono yisigaye yowa yo wulanjilila ko woga, u wuling'anizwe wo Mulungu no moto mukali wono wolowamala wose wono wakumulema u Mulungu.