Isaya 66:12 - Luganuzi Luswanu Kuli Wanhu Wose 2002

¹² Nayo Muwaha Mulungu yakutya nhavi, “Ane nomupelenyi wumoteswe we cibitilila. Ne sawo ye makungugo yomuhulumilenyi nhe 'kolongo lyono si linyalaga yaye. Nanye mowa mwihwanile nho mwana mudodo, mono yakukocwa no nyina, kawa kukumbatilwa mu mawoko no kutendelwa ko wendo wuwaha.

Isaya 66:12 ပူးပေါင်းရင်းမြစ်များ

Isaya 14:2

Sunga ne makungugo menji, golowataziliza i wanhu wa Isilayeli, ho wawuye ku yisi yono Muwaha Mulungu yawapela, na hanyuma kanyhi i makungugo gago, golowa nha wawanda, golowetumamila i Waisilayeli. Na wawo wono wawateka Waisilayeli, alu nawo woletekwa ne Waisilayeli no kuwatema wene wono wali wawewoneye.

Isaya 26:3

Gwe go Muwaha Mulungu, kuwapelaga mulamu wono wukwilaniciye, i wanhu wono wuhile wawo wose wuli kuli'gwe kanyhi wakwitumbiye gwegwe.

Isaya 33:21

Hambi u Muwaha Mulungu nha kolocilajila lukumyo lwakwe. Nase colokwikala mu zinyenje ze makolongo magazi hamonga ne vikolongo. Na mumo si zolokola ne zingalawa ze walugu yaye.

Isaya 45:14

Muwaha Mulungu yakuwalonjela we nghungugo ya Isilayeli yakutya, “Ne sawo ya mu yisi ya Misili, na ya mu yisi ya Kushi, yose yowa yenyu nyenye. Nawo i wanhu watali muno wa ku Seba, awo wowa wetumami wenyu, womutyatyenyi akuno wawope ne manyolo. Wofugama ha mwande yenyu wawe kutya, ‘Mbeka Mulungu yali hamonga nanye, kanyhi mweneco yo Mulungu du yali wene.

Isaya 48:18

Alu yali yiwe yili ciba le, hono mwali mugebate malajilizo gangu! Holeka mwali muwutuje no wumoteswe wuwaha, wono wihwanile nhe likolongo lyono si linyalaga! No wusume wali wumuzizenyi nhe mawingo ge lilenga.

Isaya 54:13

Nane no mweneco nowejiza wanhu wako, kanyhi nowamotya wekale wapolile.

Isaya 54:3

Kanyhi koyigazimhya ne mipaka yako mbavu zose, hambi wanhu wako wono webatwe ne makungugo ganji, nha wolowuya wose. Ne makaya gono galekwa, gose gomema wanhu.

Isaya 59:19

Ne wanhu wose wono wekaye ku lubavu lwa kucilima wose wolomupela cogopo, hamonga ne vilungo vyakwe viwaha. Hambi nha kolokuza nhe likolongo lyono likuhuluma nhe libeho lye vilungo.

Isaya 60:16

Nago makungugo gose, hamonga ne watemi wawo, wose wokucelelela muno muno wowa nho nyina yo munhu vyono kamukocaga mwanagwe. Nagwe baho ho komanyila nha vyono ane no Muwaha Mulungu nakuponya. Na vyono Mulungu we vilungo wa Isilayeli yo Mukombozi wako.”

Isaya 61:6

Nanye molowa mumanyice vyono muli wakohani wo Muwaha Mulungu i wetumami wo Mulungu wetu. Kanyhi moloyisangalalila sawo ye makungugo, akuno mukwilumba nha vyono yeza yenyu nyenye.

Isaya 66:11

Nanye molomota muno wumoteswe walyo, nha vyono mwana mudodo kamotaga lono yakongha matombo go nyina.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Yelemiya 33:6

“Ninga hamba nhavivyo, nololiponya likaya lili, hamonga ne wanhu wayo, no kuwaleka wekale ne miwili miswanu. Nane nolowalajila zo mulamu, na ze mikalile yono yipolile.

Hagayi 2:9

Nyumba 'mhya yo Mulungu, yolowa swanu muno muno kuciza yinongozi. Nane baho nolowapela wanhu wangu wumoteswe no mulamu.” Vyo yakutya Muwaha Mulungu we Mihanga.