Isaya 66:11 - Luganuzi Luswanu Kuli Wanhu Wose 2002

¹¹ Nanye molomota muno wumoteswe walyo, nha vyono mwana mudodo kamotaga lono yakongha matombo go nyina.

Isaya 66:11 ပူးပေါင်းရင်းမြစ်များ

Zabuli 36:8

Nagwe kuwegutyaga no wugoli wa mu nyumba yako, kuwang'wesaga mwikolongo lyo wuswanu wako.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 60:1

Gwe Yelusalemi, wusinhuce wumulice nhe lizuwa, hambi nhojo yo Muwaha Mulungu nha yakubulilila!

Isaya 60:16

Nago makungugo gose, hamonga ne watemi wawo, wose wokucelelela muno muno wowa nho nyina yo munhu vyono kamukocaga mwanagwe. Nagwe baho ho komanyila nha vyono ane no Muwaha Mulungu nakuponya. Na vyono Mulungu we vilungo wa Isilayeli yo Mukombozi wako.”

Isaya 60:2

I makungugo ganji gogubikwa no wutitu, ninga agwe, u wuzelu wo Muwaha Mulungu wokubulilila, ne nhojo yakwe yowa muli'gwe.

Isaya 60:5

Nagwe koloziwona zizi, ko wusangalale wuwaha Ne nhumbula yako yolomema nyemo hamonga no wucicime. Ne sawo yose ye makungugo gose, kololetelwa gwegwe. Sunga ne wugoli wawo wose wolokuziza gwegwe ku wulawa ku nhumbi ye lilenga.

Isaya 62:2

Gwe Yelusalemi, i makungugo gowuwona wiling'ano wako, Ne watemi wayo, nawo wowuwona lukumyo lwako. Nagwe kocemwa litagwa yipya, i litagwa lyono kowa wapegwa no Muwaha Mulungu mweneco.

Yoweli 3:18

“Mu vilo vivyo, matunda golomema mizabibu yose, ne zing'ombe nazo, zolowa ziyagaye mu matunda gose, kanyhi kolowa na malenga menji ku soko ye vikolongo vya Yuda. Ne cikolongo colohuluma ku wulawilila mu kaya yo Muwaha Mulungu, sunga ne lilolo lya Shitimu nalyo, lyolowa lina malenga menji.

1 Petelo 2:2

Nha vyono iwana wadodo wasulumilaga mele, na nyenye nhavivyo munojeye muwe no wusulumizi we mele geneco ge cimuhe, na mu vilungo vyago, ho musume kuwiluka no kukombozwa.