Isaya 66:10 - Luganuzi Luswanu Kuli Wanhu Wose 2002

¹⁰ Musangalalane hamonga na Yelusalemi, musangalalane nayo. Nanye wose mono mulyendile likaya lili, musangalale hamonga nalyo luno, anye wose mono mwalilililaga!

Isaya 66:10 ပူးပေါင်းရင်းမြစ်များ

Zabuli 122:6

Holeka muyilombele Yelusalemi mulamu, “Nawo wose wono wakwendile, wamoteswe.

Zabuli 137:6

Hono ndece kukukumbucila gwegwe go Yelusalemi, na hono ndece kukwihwesa agwe go nyemo yangu.

Zabuli 26:8

Gwe go Muwaha Mulungu, nyendile wikalo wa mu nyumba yako, ihanhu hono lwikaye u lukumyo lwako.

Isaya 25:9

Nazo zizi kolo zejela, wanhu wose wololonga watye, “Mbeka, heya! Ayu yo Mulungu wetu! Nase comwitumbila mwene, nayo nha yaciponya. Mwene yo Muwaha Mulungu! Nase cakondya kumwitumbila. Nase luno cisangalaye muno, kanyhi cina nyemo mbaha, vyono mwene yakondya kuciponya.”

Isaya 35:2

Nayo nyika yolokwimba no kusangalala so nyemo, hambi nha yolowa yanoga yawa swanu nhe matunda ga Lebanoni, na kanyhi yowa yina moso nhe migunda ya Kalimeli na Shaloni. Ne wanhu wose woloyiwona nhojo yo Muwaha Mulungu. Kanyhi wolowuwona wuwaha ne vilungo vyakwe.

Isaya 44:23

Mwimbe ne nyemo 'nye nyo wulanga! Nanye nyo kusi ye 'si, mwimbe mwihindile muno! Nanye nyo matunda hamonga ne mabici gose ga mu mbago, mwimbe ne nyemo kwe mazi mawaha. Hambi Muwaha Mulungu nha kawulajila wuwaha wakwe, mu nzila yo kuwaponya wanhu wa Isilayeli.

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Isaya 65:18

Holeka 'lu musangalale no kuwona nyemo cibitilila muli yono nghuwumba. Langa ta! Yelusalemi mhya yono nghuwumba, yolowa yimemile nyemo, ne wanhu wayo wolowa wasangalaye muno.

Isaya 9:3

Gwe go Muwaha Mulungu, kuwonjeleza nyemo yawo, kuwapela wusangalale wuwaha. Wakusangalalila muli zono wuwatendeye, nha vyono wanhu wasangalalaga, lono wali mu nhwanga ye ndudula yo wuhemba wawo, hamba lono wakugawana sawo yono wayitecile.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Wukumbucize wo Wulajilize 32:43

“Nanye nyo makungugo, muwapele lukumyo i wanhu wo Mulungu, hambi Mulungu nha kawalipicizaga wose wono wakuwawulaga. Kawalipicizaga walugu wakwe. Langa i wanhu wakwe, kawanenelaga wubi wawo.”