Isaya 66:1 - Luganuzi Luswanu Kuli Wanhu Wose 2002

¹ Muwaha Mulungu yakutya nhavi, “U wulanga lye 'goda lyangu, nayo yisi, wo wukanyago we magulu gangu. Alo ho monzenjela kaya yono yinha wule, yono ane nosuma kwikala, hamba hayi hene hono ane nosuma kwinjila nikale mumo?

Isaya 66:1 ပူးပေါင်းရင်းမြစ်များ

1 Watemi 8:27

“Gwe go Mulungu, alu mbeka, kosuma kwikala mono yinze? Wulanje vyono wulanga hamba si wukukwiliye yaye, alu Nyumba yiyi yono nzenjile yo yokukwila?

1 Zinghomo 28:2

Dawudi yakema ha mwande yawo, yakawalonjela yakatya, “Ale, muhulicize anye mo wandugu zangu na mo wanhu wangu. Ane nali nina wuhile wo kuyizenga nyumba yono Lisanduku lye Cilagane lyo Muwaha Mulungu, ne ligoda lyo wuwiko we migulu yakwe. Sunga nalu nali nakondya kuviwikaniziza lukulu vinhu vyose vyo kuyizenjela yiyo Nyumba yo Mulungu.

2 Zinghomo 2:5

Holeka nane, nakondya kudumula nghani, nha vyono nzenje Nyumba yo Mulungu, yono yowa mbaha muno muno, hambi mwene Mulungu wetu, nha yo Muwaha, yacizize milungu yinji yo yose.

2 Zinghomo 6:18

“Gwe go Muwaha Mulungu, alu mbeka kosuma kwikala mono'nze, hamonga ne wanhu walume ne wacekulu? Sunga no wulanga nha si wukukwiliye ku wikala mumo. Alu 'mbi Nyumba yako yiyi yono nghuzenjeye, hongo yowa mbaha yono yikukwiliye?

Zabuli 11:4

U Muwaha Mulungu, yali mu Nyumba yakwe yono Yelile, ne ligoda lyo wutemi lyo Muwaha Mulungu, lili ku wulanga. Meso gakwe gakuwalanga wanhu wose, nayo yazimanyile zose zono wakwituma.

Zabuli 132:7

“Heya, alenyi ku kaya yo Mulungu, cikahembe he 'goda lyakwe lyo wutemi!”

Zabuli 99:9

Mukumyenyi Muwaha Mulungu, u Mulungu wetu, muhembe mwi'tunda lyakwe lyono lyelile! Muwaha Mulungu, u Mulungu wetu mwene, yo Mulungu mono yelile.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 60:13

“Ne mibici yose ye minanasi, na ye minghulwa, hamonga ne mibici yinji yinji, hamonga sunga ne mibici miswanu muno yono yikulawa mu mbago ya Lebanoni, yololetwa yose, ho yihanozeleze viswanu ha Yelusalemi. Yiyinoze Nyumba yangu yo wuhembelo yiwe swanu, no kulinoza likaya lyangu liwe no lukumyo luwaha.

Yelemiya 23:24

No munhu wo wose hamba si kosuma kwihundika ha meso gangu, nane ho ndece kumuwona. Hamba si mumanyile yaye vyono ane nikaye hanhu hose, ku wulanga na mono 'nze?

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Matayo 12:6

Holeka nghumulonjelenyi vyono, bahano hoyuli u muwaha muno, mono yayicizize sunga ne Nyumba yo Mulungu.

Matayo 24:2

Yesu nayo yakawatya, “Heya ho baho, mosuma kugawona gaga gose! Ninga mbeka nghumutyenyi, hasina yibwe hamba limonga lyono lilasigala baha, mucanyha ye libwe liyagwe, langa i vinhu vyose vyologwiswa hasi.”

Metumo ge Watumwa 17:24

U Mulungu mono yawumba yinze, na vyose vyono vili mumo, yo Muwaha wo wulanga ne yinze, si kekalaga mu nyumba zo Mulungu zono zinozwaga ne miwoko ye wanhu.