Isaya 65:3 - Luganuzi Luswanu Kuli Wanhu Wose 2002

³ Kanyhi wasina hamba cevu yaye lono wakunghoza likuwo. Hambi nha wendile kulavya makumbiko ge wanhu wono si wamumanyile Mulungu mu zibusitani zisiwanulwe, hamonga no kufusa wuvumba mu vikumbicilo vye wanhu wono si wamumanyile Mulungu.

Isaya 65:3 ပူးပေါင်းရင်းမြစ်များ

2 Watemi 22:17

Hambi i wanhu wawa, nha wakondya kunema, nalu wakuyilavizya milungu yo wulambi makumbiko. Na ku soko yiyo, wakondya kunghoza likuwo yiwaha, ku soko ya zono wetumile. Holeka likuwo lyangu, nilikoleywe muno likaya lya Yelusalemi, hamba si lyocepuka yaye.

Jobu 1:11

Ninga luno, hono wuwe nha wukumuwusiza vyose vyono yena navyo, nayo hodu kokukana calinze!”

Jobu 2:5

Ninga aluno, hono wumupele magazo mu muwili wakwe, manyile vyono kokukana calinze.”

Zabuli 78:40

Wihwesaje ta, kali kalinga wamufyulilaga mu nyika! No kumukalaza mumo mu nyika!

Zabuli 78:58

Wamukalaza Mulungu, mu wuhemba milungu yinji mu wuhembi wawo, holeka wamunoza Mulungu yawe, no wivu ku soko ye makumbicilo ge milungu yawo, ye vihwani.

Isaya 1:29

Nanye molokalala muno, vyono mwahembaga mabici, hamonga ne zi busitani zisiwanulwe.

Isaya 3:8

Heya, mbeka, Yelusalemi yongomezwa! Nayo Yuda yikuvulumuka! Ku soko vyono mu zinghani zawo na mu metumo gawo, wamubedegalaga Muwaha Mulungu, no kumutovula calinze.

Isaya 66:17

U Muwaha Mulungu yakutya nhavi, “Alu ndumilizo yawo yeza yili behi, kuli wose wono wakwiyavufya weneco so wuhembi we wanhu wono si wamumanyile Mulungu, wono wabitaga mu zibusitani zisiwanulwe, wawo wono walizaga nyama ye magubi na ye magule, hamonga ne zindigwa zinji zinji ze liwifyo.

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Walawi 17:5

Ne nhunizo ye lilajilizo lili, yoyi, i wanhu wa Isilayeli ku wulawa zuwali, weze kuzileta mitugo zawo kuli Muwaha Mulungu, mitugo zono waziwulajilaga ako na ako mu'si. Alu yiwanojeye wazilete zose kuli mukohani, ha mulango we Lihema lyono lyelile. Nawo waziwulajile baho, so cilavywa co mulamu.

Wukumbucize wo Wulajilize 32:21

Wanghoza likuwo ku soko ye milungu yawo mijenzi, nane hamba si nghwendezwa yaye ne milungu yawo yiyo, milungu yono mbeka hamba si milungu yaye. Holeka nane notuma likungugo linji liwakoze nawo likuwo. Nowanoza nawo wawone wivu ne likungugo lyo wulele.