Isaya 64:2 - Luganuzi Luswanu Kuli Wanhu Wose 2002

² Gali gacicime nhe malenga gono matelece mu moto mukali. Holeka wuze wilajile vilungo vyako kuli walugu wako, wuganoze makungugo gacicime ha mwande yako!

Isaya 64:2 ပူးပေါင်းရင်းမြစ်များ

Zabuli 106:8

Ninga hamba yiwe nhavivyo, mwene yawakomboza du, nha vyono yali yehuwize, ho yalajile zo wuwaha wakwe.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 79:10

Alo socici we makungugo wacilonje, wawe kutya, “Alu Mulungu wenyu yali hayi lu?” Wucitaze sunga ciwone ne meso getu co weneco, vyono wukuwalipiciza wanhu we makungugo, ku soko yo wita sakami ye wetumami wako.

Zabuli 83:13

Gwe go Mulungu wangu, wuwanoze wawe nha manghundi, wawe nhe mahanze gono gakupemheluswa ne mbeho,

Zabuli 9:20

Gwe go Muwaha Mulungu wuwogofyaje makungugo, ho wamanye vyono wene, wanhu du.

Zabuli 99:1

Muwaha Mulungu yo yatemile, nago makungugo gakucicima! Mwene yekaye mu makelubi, nayo yinze yikusinjisika!

Wutuluce 14:4

Nane nomunoza Falawo yawe yasina cihuliko, nayo komulondenyi, na kolo yakumutyatyenyi, nane nomongomeza hamonga ne lipuga lyakwe lyose. Nayo Falawo ne wanhu wakwe ho womanya vyono ane nili vilungo. Ne Wamisili ho womanya vyono, ‘Ane yo nene Muwaha Mulungu.’ ” Nawo Waisilayeli wakanoza nha vyono walonjelwa.

Isaya 28:21

Ninga mumanye nha vyono Muwaha Mulungu kolewana, nha vyono yetuma kwi'tunda lya Pelazimu, na mwi'lolo lya Gibeyoni. Ho yetume zono yakuhila mweneco. Yetume metumo gakwe majenzi go wizine nha vyono gokwijela. Kanyhi kofisiliza litumo lyakwe, lyo wizine.

Isaya 37:20

Alu, 'gwe go Muwaha Mulungu, cikukulomba wuciponye mu miwoko ye Waashuli. Ne makungugo gose ga mono'nze ho gamanye vyono, agwe yo gwegwe du Mulungu wuli wene.”

Isaya 63:12

Hamba yali hayi mwene Muwaha Mulungu mono yetumila zimbaha muli Musa, kwe vilungo vyakwe vinji, yakagatemanula i malenga ge lilenga, yakawalowoseza wanhu hakavu haciligati ye malenga, ho yetujile lilumbo lye cibitilila?”

Yelemiya 33:9

Naho ha Yelusalemi, holowa wo mwamulizo wo wusangalale, ne cogopo, hamonga no lukumyo ku soko yangu. Ne makungugo gose ga mono'nze, golokwinjilwa no woga no kucicima, kolo gakuzihulika ziswanu zose zono nghuwatendela i wanhu wa Yelusalemi, hamonga no wumoteswe wono nghuliletela likaya.”

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

Amosi 4:12

“Holeka anye nyo Waisilayeli, nane nomulipicizenyi. Holeka vyono nomunozezenyi zizi, ale nanye, mwiwikanizaje kuwitang'anila no wuling'anizi wangu!”

Mika 1:4

Ne matunda gokwenjeduka hali mwene, kotya lihula vyono lyenjedukaga mu moto, gohulumila mu malolo, kotya malenga gakuhuluma gakulawa mu cigongo.

Zakaliya 14:4

Baho ho kolokwinuka no kwima mwi'tunda lye Mizeyituni ku lubavu lwa kucilima ya Yelusalemi. Baho litunda lye Mizeyituni, ho lyolokwigawa hejete, ku wulawilila kucilima ko ku mwezi. Ne lilolo yiwaha lyolowa hagati yayo. Ne nusu ye litunda, lyolowa likwiwila lidomile ku lubavu lwa kusumuka, ne nusu yayo nayo yolowa kwiwila yidomile lubavu lwa kutakama.

Wukumbucize wo Wulajilize 2:25

Nane ku wulawilila izuwali, nowanoza wanhu, hanhu hose, wamogopenyi nyenye. Kanyhi wose wocicima ko woga wuwaha muno, kolo wakulihulika litagwa lyenyu likutambulwa.’ ”