Isaya 63:2 - Luganuzi Luswanu Kuli Wanhu Wose 2002

² Alo nhawule lo myenda yakwe midunghu kasu, yihwanile myenda yo munhu mono yali kuminya zabibu, yanoze divayi?”

Isaya 63:2 ပူးပေါင်းရင်းမြစ်များ

Wugubule 19:13

Kanyhi yali yavwalile civwalo cono cali cilowece mu sakami. Ne litagwa lyakwe yuyo yacemwaga, “I nghani yo Mulungu.”

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 14:19

Ale, nayo malayika yuyo, yakawa kuyigumila hengo yakwe kono'nze, yakazidudula zabibu ze yinze yakazitajila mu ciya ciwaha co kukobonjela zabibu, i ciya ce likuwo lyo Mulungu.

Mwamulizo 49:11

Kayiwopaga ndogowe ha muzabibu muswanu. Nayo kayikanzaga myenda yakwe kwe divayi, ne vivwalo vyakwe, kwe divayi ndunghu kotya sakami.

Isaya 59:17

Mwene kolowuvwala wiling'ano nhe koti lyo wulugu lye cisilikale, kanyhi kokwitumamila vilungo vyakwe viwe nha yo kofiya. Kolokwipiligaza muno muno ho yaviwice vinhu vyose mu wiling'ano no kugalipiciza i mabi gose gono gawatamisaga wanhu.

Isaya 63:1

“Alo yuyo nani mono yakulawa kwi'kaya lya Bozila mu Edomu? Alo yo nani lo mono yavwalile myenda ye nhojo, midunghu kasu. Mono yakujenda-jenda mu wuwaha we vilungo vyakwe? Ayo yo Muwaha Mulungu mono yali vilungo ku wuponye, yo yakuza kwanza zo wusume wakwe.

Ezekiyeli 35:6

Na mbeka, vyono ane yo nene Muwaha Mulungu, u Mulungu mumi, anye Waedomu langa mofwa du, hamba si mosuma kwiponya yaye. Hambi nha muli wasutyi wawaha wo wuwulaji, holeka nanye i lifwa lyomwaganenyi du.