Isaya 61:7 - Luganuzi Luswanu Kuli Wanhu Wose 2002

⁷ Ne cevu cenyu colowucila lukulu. Hambi lu nha molowa mwikaye mu yisi yenyu nyo weneco. Ne sawo yenyu yolokonjelezeka kali kejete. Ne nyemo yenyu yolowa ye cibitilila.

Isaya 61:7 ပူးပေါင်းရင်းမြစ်များ

2 Watemi 2:9

Hanyuma lono walowoka, Eliya yakawa kumuwuza Elisha yakatya, “Alu Elisha, nghulomba wunonjele cono wukuhila nghutendele lono nghali si nanyasulwa.” Nayo Elisha yakamupitula yakatya, “Ane nghukulomba mhegwe kali kejete i vilungo vyo muhe mono yali muli'gwe, nozwe niwe muhazi wako.”

Jobu 42:10

Nayo Jobu yali yeza kukondya kuwalombela wendece wakwe wadatu, u Muwaha Mulungu yakamulugutiza kanyhi Jobu, yakamupela vinhu vinji kali kejete kuciza na vyono yali yena navyo ha mwamulizo.

Zabuli 126:5

Wono wakuhadika zimbeyu zawo, wakulila mahozi, wolodudula wasangalaye!

Zabuli 16:11

Agwe kondajila nzila yono yibitile ku wumi, hali'gwe yimemile nyemo, na mu muwoko wako mo mozili ziswanu ze cibitilila.

Isaya 35:10

Nawo wolokwinjila mu Yelusalemi wasangalaye, wakwimba ne mazi mawaha so nyemo, wolowa wasangalaye cibitilila, hambi wukalale no wusungu nha vyolowucila lukulu muli wene.

Isaya 40:2

Muwasikamye wanhu wa Yelusalemi. Muwalonjele nha vyono wakondya kugaya mu nghango yono yiwakwiliye, no wubi wawo nhondo wanenelwa. Hambi nha nakondya kuwalipiciza mu nghango yo wubi wawo.”

Isaya 51:11

Ne wanhu wose wono wawakomboza, wolofika ku Yelusalemi wena nyemo akuno wakwimba ne mazi mawaha ko wusangalale. Nawo wosangalala cibitilila, kanyhi wolowa wasina wukalale no wusungu cibitilila.

Isaya 54:4

Holeka wulece kogopa, hambi nha si kokozwa cevu hamba kupuvywa yaye kanyhi. No wu wula wihuwilwa wako, kowusemwa nho mucekulu mono yakali mudodo, no wumondwe wo wufwile wako hamba si kowukumbucila kanyhi yaye.

Isaya 60:15

“Na ku wulawa lulu, hamba si kololecelwa lukulu kanyhi; hamba kusulwa yaye ng'o, hamba si kolowa kanyhi likaya yiciwa lyono lihodanjice yaye. Hambi ane nha nolokunoza wuwe ne lilumbo yiwaha kanyhi wuwe wunojezize wuwe hanhu hono hamemile nyemo cibitilila na cibitilila.

Isaya 60:21

Ne wanhu wako wolowa kwituma zo mugoloka, nane nowapela yisi cibitilila. Hambi nha yo nene mono nawawumba no kuwanoza, ho ndajile wuwaha wangu kuli wanhu wose.

Isaya 65:13

Ninga nane nghumulonjelenyi nha vyono, wose wono wena cihuliko kuli'ne no kuhemba nene, wawo wolotuga ndigwa nyinji hamonga na co kung'wa. Ninga anye molowa muli nzala kanyhi mukaluce. Wene wolowa wasangalaye, ninga anye molokozwa cevu.

Zefaniya 3:19

Icipango cikuza! Lono nolowalipiciza wono wakumwiwonelenyi, nolowaponya we vilema wose, kanyhi nolowagomola ku zi kwawo wose wono wali wasolwa mu yisi yawo no kutegulwa kutali. Nolopitula ne cevu cawo ciwe lukumyo, ne yinze yose yolowakumya wene.

Zakaliya 8:12

Wolohadika zimbeyu zawo ko mulamu. Ne mizabibu yawo yolela mikalo viswanu, nawo muhangha we yisi wololavya wuhemba, ne mvula yowa kutonya muno. No wulugutizwe wuwu nowapela i wanhu wa mu nghungugo yangu wono wasigaye.

Zakaliya 9:12

Ale muwuye anye wose nyo wahamywa mono alu mweza mwina witumbilo, muwuye ku wikalo wenyu wono wina mulamu. Alu nghumulonjelenyi vyono, nomupelenyi wulugutwe kali kejete ku soko magaziko genyu.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nhavivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Wukumbucize wo Wulajilize 21:17

Langa yowa yimunojeye yamupele ligawo liwaha yuyulya du u mwana mulongozi kulelwa, hamba yawe siyaleligwe no mucekulu u mwendece wakwe. U munhu yuyo yanojeye yamanye vyono, u mwanagwe mulongozi kulelwa, yo yanojeye du yapegwe ligawo liwaha, lyono limunojeye mu ling'ani yakwe yo mulelwa mulongozi.”

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,