Isaya 61:3 - Luganuzi Luswanu Kuli Wanhu Wose 2002

³ Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.

Isaya 61:3 ပူးပေါင်းရင်းမြစ်များ

Esita 8:15

Moledekayi yakawuka mwi'kulu, yavwalile vivwalo vye citemi temi vye mawala ge buluu ne nzelu. Hamonga ne lijoho ne kofiya swanu, ye liwala lyo lugandu, hamonga no mukumbo wa zahabu. Hobaho mu zinzila zose za mwikaya lya Susa, mukawa no wusangalale na nyemo mbaha.

Esita 9:22

Vilo vivyo vyo vyawakumbucizaga i Wayahudi, lono wekombozeza kuli walugu wawo. Mwezi wuwu wo mwezi wono wakawaniza wukalale wawo, hamonga ne cililo cawo, gakawa mazuwa ga nyemo no luseko. Wakalonjelwa, wawe kugalanjilila mazuwa gaga, ho wawe kunoza zi sikukuu, no kwihumbiliza vipegwa na ndigwa munhu na muyagwe, no kuwakumbucila waciwa.

Zabuli 104:15

nha cinji, divayi yono yomusangalaza, ne mafuta gono gomupela nyemo, sunga ne ndigwa yono yomupela vilungo.

Zabuli 149:4

Nayo Muwaha Mulungu, nha kendezwa ne wanhu wakwe, kawapelaga i wapolo wusume.

Zabuli 23:5

Wukunhenjela ndigwa hamwande ye walugu wangu, wukumbaka ne mafuta mu mutwe wangu, sunga ne cikombe cangu wukucimemya twaa no mwitiko.

Zabuli 30:11

Gwegwe kuwupitula wukalale wangu, wuwa wuvina wa nyemo, kumbusiza wukalale wangu wose, kumhela nyemo mbaha kuciza.

Zabuli 30:12

Holeka nane sinonyamala twii, aa ng'o, langa nojendelela kukwimbila nyimbo zo lukumyo. Nowa kukulumba cibitilila, 'gwe go Muwaha Mulungu, u Mulungu wangu.

Zabuli 45:7

Agwe mbeka wendile wiling'ano, ninga si wendile wubi, na ku soko yiyo, holeka Mulungu, u Mulungu wako yakakuhagula, nayo yakakujidila nyemo mbaha muno kuciza wayago.

Muganuzi 9:8

Ale wivwikaje viswanu, wibace ne mafuta mu mutwe wako.

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 26:2

Holeka 'lu digulenyi milango, ho linjile likungugo lye ling'ani, likungugo lyono wanhu walyo wetumaga ze mbeka.

Isaya 44:23

Mwimbe ne nyemo 'nye nyo wulanga! Nanye nyo kusi ye 'si, mwimbe mwihindile muno! Nanye nyo matunda hamonga ne mabici gose ga mu mbago, mwimbe ne nyemo kwe mazi mawaha. Hambi Muwaha Mulungu nha kawulajila wuwaha wakwe, mu nzila yo kuwaponya wanhu wa Isilayeli.

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Isaya 52:1

Gwe Yelusalemi, weze ne vilungo, wuwuvwale wuwaha wako kanyhi! Agwe 'gwe kaya lyono lyelile lyo Mulungu, wivwikaje kanyhi nhojo yako! Hambi i wanhu wono si wamumanyile Mulungu, nha si wolokwinjilila lukulu kanyhi mu milango yako.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Yelemiya 31:13

Hanyuma i wahinza wawa, wolokwidawala ko wusangalale. Nawo i wanhu wadodo ne wakombi, wose wolowa na wusangalale wuwaha muno. Nolowasindamika, no kucinoza cililo cawo yiwe nyemo. No wukalale wawo wuwe wusangalale.

Ezekiyeli 34:29

Nane nolowapela migunda yono yina moso mwinji, noloyiwusiza lukulu ne nzala mu'si. Ne wanhu we zinghungugo zinji, hamba si wolowasekanga kanyhi yaye.

Ezekiyeli 47:7

Nane nali neza kufika hanhu baho, nghawona ho gali mabici menji muno muno mu zinyenje ze likolongo mbavu zose.

Zakaliya 3:5

Yakawalajiliza wetumami wamuvwalize Yoshuwa ne mukumbo muswanu mu mutwe wakwe, nawo wakamuvwika. Hanyuma wakasola ne myenda mipya nayo wakamuvwaliza. Lulo malayika wo Muwaha Mulungu yali yemie baho yalanjiliye.

Matayo 15:13

Ninga u mwene Yesu, yakawapitula, yakawatya, “Ibici lyo lyose lyono u Sogo yangu wa ku wulanga si yalihadice, lilyo langa lyokulwa.

Matayo 5:16

Nha vivyo vyo yinojeye no wuzelu wenyu wumulice hali wanhu, ho wagawone imetumo genyu maswanu, nawo wamulumbe u sogo yenyu wa ku wulanga.

Luka 15:22

Ninga usogwe yakawatya wetumami wakwe. ‘Letenyi mbela mwenda muswanu mumuvwice; muvwicenyi nyamwidole ne malatu.

Yohana 15:8

Nayo Baba kakumywaga, hono mulele muno mikalo minji, nanye mowa wejizwa wangu.

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

1 Wakolinto 3:9

Hambi ase wose nha cili ndugu monga, kanyhi cili wetumami hamonga no Mulungu, na anye nanye, yo nyenye mono muli mugunda wakwe, kanyhi muli zengo lyo Mulungu.

1 Wakolinto 6:20

Mwagulwa ko wuguzi wukamu. Holeka ku soko yiyo, muyitumamilaje i miwili yenyu ko lukumyo lo Mulungu.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

2 Watesalonike 1:10

kolo yakuza mwizuwa lilyo no kulubocela u lukumyo ne lilumbo kulawa kuli wanhu wose wono wamwihuwiye. Nanye nhavivyo, molowa wayagwe na wawo, hambi nha mwayibocela i nghani yono camuletelenyi.

Wahebelaniya 1:9

Agwe wendile u wiling'ano, wukazisula i zimbi. Na ku soko yiyo holeka u Mulungu, u Mulungu wako yakuhagula, kanyhi yakakupela nyemo mbaha muno muno kuciza i wayago.”

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Petelo 4:14

Hambi nha muli wamoti, hono muli'gwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muli'nye.