Isaya 61:1 - Luganuzi Luswanu Kuli Wanhu Wose 2002

¹ Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 61:1 ပူးပေါင်းရင်းမြစ်များ

Zabuli 102:20

Yakacihuliciza cililo ca wono wafunjigwe, yakawawopolela wono wali waling'anizwe kufwa.

Zabuli 147:3

Yakuwaponya wono wadejepe zinhumbula, no kuziwopa zinghomele zawo.

Zabuli 149:4

Nayo Muwaha Mulungu, nha kendezwa ne wanhu wakwe, kawapelaga i wapolo wusume.

Zabuli 2:6

“Namutemya mwitilwa mafuta wangu, yatemile ku Sayuni, litunda lyangu lyono lyelile!”

Zabuli 22:26

I waciwa wolya sunga wegute, nawo wono wakumulondola u Muwaha Mulungu, womukumya. Ale, wamoteswe cibitilila!

Zabuli 25:9

Mwene kawatongaga i wenenenyhezi mu wiling'ano, heya, kawejizaga wawo inzila yakwe.

Zabuli 34:18

U Muwaha Mulungu yali behi na wose wono wena mahwele, kawaponyaga wose wono wasina witumbilo.

Zabuli 45:7

Agwe mbeka wendile wiling'ano, ninga si wendile wubi, na ku soko yiyo, holeka Mulungu, u Mulungu wako yakakuhagula, nayo yakakujidila nyemo mbaha muno kuciza wayago.

Zabuli 51:17

Langa cilavywa cangu kuli'gwe go Mulungu, yo nhumbula du yono yidejepe, hambi 'gwe go Mulungu, nha si kulemaga nhumbula yono yidejepe na ye cihuliko.

Zabuli 68:7

Gwe go Mulungu, lono wawatonjela wanhu wako, lono wali wali mu muhinzo wawo mu nyika,

Zabuli 69:32

Nawo wono wakwiwonelwa, kolo weza kuziwona zizino, wosecelela muno muno. Nawo wono wakumulondola Mulungu, wotuga vilungo.

Wutuluce 28:41

Nagwe wumuvwice vivwalo vivyo Haluni, hamonga ne wanagwe, wuwetile mafuta, wuwawicile miwoko wuwasiwanule, no kuweza, ho wanyitumamile mu mulimo wo wukohani.

Wutuluce 29:7

Na kolo wakondya kuzinoza zizo zose, wusole mafuta gagalya go kusiwanulila, i mafuta go witile, wumujidile Haluni mu mutwe wakwe, no kumubaka mafuta so wusiwanulwe wakwe.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Isaya 30:19

Nanye nyo wanhu mono mwikaye mu Yelusalemi, hamba si mololila kanyhi yaye. Hambi Muwaha Mulungu nha komululenyi, na kolo mukumulilila mukusaka wutazi kuli mwene, nayo komutazenyi.

Isaya 30:26

Nawo mwezi wolong'alala nhe lizuwa. Nalyo lizuwa lyolong'alala wung'alale wuwaha muno kali mupunghati kuciza wung'alale walyo we vilo vyose, lyolotowelela wung'alale wa vilo mupunghati mwi'zuwa lilyo limonga. Na zizi zolokwijela mwizuwa lyono Muwaha Mulungu yeza kuwawopa bandeji wanhu wakwe, mu zinghomele zono yawapela, hamonga no kuwaponya.

Isaya 32:7

No munhu mono yasina mahala, kawezaga munhu mubi, kanyhi yendile kwituma zimbi du, mwene yendile kupinya zo kuwongomeza waciwa ne zinghani zakwe zo wulambi, no kuwemila ho walece kunozezwa ling'ani.

Isaya 40:9

Gwe Yelusalemi, alu wubite mwi'tunda litali mucanyha, wukalwanze luganuzi luswanu! Wuzoze hawaha 'gwe Sayuni wanze zo luganuzi luswanu! Wulonje, wulece kogopa. Wugalonjele makaya ga Yuda nha vyono Mulungu wawo yakuza!

Isaya 42:1

Muwaha Mulungu yakutya, “Lanjenyi ta u mwitumami wangu mono nghumusikamya, yo yuyo mono namuhagula, kanyhi mono nghwendezwa nayo. Nakondya kumumemya muhe wangu, nayo kowaletela makungugo gose wiling'ano.

Isaya 42:7

Nagwe kowanuguza meso i wabofu, kanyhi kowawopolela wose wono wekaye mu wutitu mu jela.”

Isaya 48:16

Alu, musejelele behi nane, muhulice zono nghulonga, hambi 'ne nha nongaga calinze ku wulawa mwamulizo, ne zinghani zangu ziwezaga za mbeka vilo vyose.” Nalu u Muwaha Mulungu yanhuma no kumhela vilungo.

Isaya 49:9

Nane lulo nolowalonjela wono wali mu jela nitye, ‘Ale, muwuce mubite, mwakondya kuwopolelwa!’ Nawo wono wali mu wutitu, nolowalonjela nitye, ‘Ale, nanye muwuce mulawile ku wuzelu!’ Hambi nha wolowa wenha zingholo zono zikudima mu matunda,

Isaya 52:7

Yo nghani yo wizine lono wukuwona munhu yakuza yakolile mu matunda, yakuleta nghani swanu, nghani yo mulamu! Mono yakuganula zo wusume, yakuyitya Sayuni, “Mulungu wako yo mutemi!”

Isaya 52:9

Nanye nyo matongo ga Yelusalemi, muzoze so nyemo! Hambi Muwaha Mulungu nha koliponya likaya lyakwe no kuwasindamika wanhu wakwe.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 57:18

“Nane nakondya kuziwona zono wetuma, ninga ane nowaponya du. Kanyhi nowatonga, niwapele no wutazi, hamonga na zizo, nowasindamika wono wakulila.

Isaya 59:21

Hambi nha nakondya kunoza cilagane nanye. Nane nakondya kumujidilenyi muhe wangu, nghamwijizenyi ne mejizo gangu ho gawe muli'nye cibitilila. Holeka ku wulawilila lulu, munojeye muhulice'ne, kanyhi muwejize ne wana wenyu hamonga ne zindelo zenyu, vyono wose wanojeye weze ne cihuliko kuli'ne ku wulawa lulu sunga cibitilila.”

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Yelemiya 34:8

U mutemi Zedekiya, hamonga ne wanhu wa Yelusalemi, wali wakondya kunoza wilumbanize, nha vyono,

Yelemiya 52:33

Hobaho, Yehoyakimu nhondo, yakawa kukombolwa yabite yakawanize myenda ya mu jela, yavwale myenda yakwe, kanyhi yakawa kuhanga kulya ndigwa, hamonga no mutemi mu vilo vyose vyo wikale wakwe.

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Hoseya 6:1

Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Walawi 7:35

Nalyo lyo ligawo lye ndigwa yono yilavigwe kuli Muwaha Mulungu, ndigwa yono yapegwa Haluni hamonga ne wanagwe, mwi'zuwa lyono wetililwa mafuta wawe wakohani.

Mika 3:8

Ninga ane, Muwaha Mulungu kamhela vilungo vyo muhe wakwe, hamonga no wusume, no wuling'anizi, kamhela 'ne vilungo, ho niwalonjele Isilayeli u wubi wawo vyono winha.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 3:16

Nayo Yesu yaza kukondya du kubaputizwa, yakalawila mu malenga, no wulanga wukawa kudiguka nhinicizo, nayo yamuwona u Muhe wo Mulungu yehwanile futa ya nziwa, yakumutimila.

Luka 7:22

Yesu yakawapitula yakawatya, “Mubite mukamulonjele Yohana zono muwene na zono muhulice; i wabofu wakuwona, wono wali citewe wakujenda viswanu, wono watamigwe wukoma wakukwemwa, ne waciwa wakuganulilwa u Luganuzi Luswanu.

Yohana 1:41

Andeleya yakamula kumulondola u muwahawe Simoni, yakamutya, “Cimuwona Mesiya” (nhunizo yayo Kilisito.)

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 4:27

“Kwaco mbeka, Helode na Pontiyo Pilato, wena ne wanhu wono si Wayahudi, ne zimhuga za Isilayeli, nha wekongholela baha mu kaya yiyi ku soko yo mwitumami wako mono yelile, Yesu mono wamunoza yawe Kilisito.

2 Wakolinto 3:17

Na ahano hono yikutya “U Muwaha,” nha cinji wo wutya, “U Muhe,” na ho hose hono ho yuli u Muhe wo Muwaha, baho ho ho wuli no welecele.

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

Wahebelaniya 1:9

Agwe wendile u wiling'ano, wukazisula i zimbi. Na ku soko yiyo holeka u Mulungu, u Mulungu wako yakuhagula, kanyhi yakakupela nyemo mbaha muno muno kuciza i wayago.”