Isaya 60:3 - Luganuzi Luswanu Kuli Wanhu Wose 2002

³ Ne makungugo gose gokwejelwa ku wuzelu wako Nawo watemi wokwegwa ne lizuwa lyako lipya.

Isaya 60:3 ပူးပေါင်းရင်းမြစ်များ

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Zabuli 102:16

Nayo Muwaha Mulungu, kolo yakondya kulizenga, kanyhi likaya lya Sayuni, baho langa ho kokwijelela, vyono mwene yo wo lukumyo.

Zabuli 102:22

mwipango lono makungugo gose, gokwikongholelela hamonga, ne matemi gamuhembe Muwaha Mulungu.

Zabuli 138:4

Gwe go Muwaha Mulungu, i watemi wose wa kono'nze nha wokukumya gwegwe, hambi nha wakondya kuzihulika zo wihuwizo wako.

Zabuli 2:10

Holeka 'lu anye nyo watemi, mwitumamilaje mahala, hulicizenyi uwukagwe wuno, anye mo wawaha we yinze.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 68:29

mu wulawa mu Nyumba yako ku Yelusalemi. Ne watemi wokuziza du, wena ne vipegwa vyawo mu mawoko!

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Isaya 42:6

“Ane yo nene Muwaha Mulungu mono nakucema, nghakupela no wusume ho wusume kuyiwona ling'ani yikunozwa kono'nze. Nane nonozeza muli gwegwe cilagane cangu ne wanhu wangu wose. Na muli gwegwe, mo nowuletela wuzelu wubulile muli makungugo.

Isaya 45:14

Muwaha Mulungu yakuwalonjela we nghungugo ya Isilayeli yakutya, “Ne sawo ya mu yisi ya Misili, na ya mu yisi ya Kushi, yose yowa yenyu nyenye. Nawo i wanhu watali muno wa ku Seba, awo wowa wetumami wenyu, womutyatyenyi akuno wawope ne manyolo. Wofugama ha mwande yenyu wawe kutya, ‘Mbeka Mulungu yali hamonga nanye, kanyhi mweneco yo Mulungu du yali wene.

Isaya 45:22

“Muze kuli'ne, ho mupone anye nyo wanhu we yinze yose! Ane no Mulungu nili wene, nili baha.

Isaya 49:12

Nawo wanhu wangu, wolokuza ku wulawilila kutali, ku wulawilila ku lubavu lwa kusumuka na kumwezi, na ku wulawilila ku Aswani ku lubavu lwa kutakama.”

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 56:8

Nayo Muwaha Mulungu we mihanga, mono yawagomola wanhu wakwe Isilayeli ku kaya ku wulawa ku wuhamywe, yakondya kwihuwiza nha vyono kowaleta na wanhu wanji ho vihangane nawo.

Isaya 60:10

Muwaha Mulungu yakuyilonjela Yelusalemi yakutya nhavi, “I wajenzi wo wolokuzenjela majinji gako, nawo i watemi wawo, wolokwitumamila gwegwe. Hamba yiwe ane nakulipiciziza mwi'kuwo lyangu, ninga aluno nokulajila zo wendo wangu no lusungu lwangu kuli'gwe.

Isaya 60:16

Nago makungugo gose, hamonga ne watemi wawo, wose wokucelelela muno muno wowa nho nyina yo munhu vyono kamukocaga mwanagwe. Nagwe baho ho komanyila nha vyono ane no Muwaha Mulungu nakuponya. Na vyono Mulungu we vilungo wa Isilayeli yo Mukombozi wako.”

Isaya 62:2

Gwe Yelusalemi, i makungugo gowuwona wiling'ano wako, Ne watemi wayo, nawo wowuwona lukumyo lwako. Nagwe kocemwa litagwa yipya, i litagwa lyono kowa wapegwa no Muwaha Mulungu mweneco.

Isaya 66:12

Nayo Muwaha Mulungu yakutya nhavi, “Ane nomupelenyi wumoteswe we cibitilila. Ne sawo ye makungugo yomuhulumilenyi nhe 'kolongo lyono si linyalaga yaye. Nanye mowa mwihwanile nho mwana mudodo, mono yakukocwa no nyina, kawa kukumbatilwa mu mawoko no kutendelwa ko wendo wuwaha.

Amosi 9:12

Holeka wanhu wa Isilayeli, wolowatema i wanhu wono wali wasigaye mu yisi ya Edomu, na wa muli makungugo gose wono ku wulawa ha mwamulizo wali wangu.” Vyo yakutya Muwaha mono kolozinoza zizi zijele.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Yohana 12:32

Nane kolo nghwinulwa hacanyha ye yisi, nowakwejela wanhu wose kono kwangu.”

Metumo ge Watumwa 13:47

Hambi Muwaha nha yacilajiliza yakatya, ‘Nghukuwika gwegwe wuwe wuzelu we makungugo, Wuwe nzila ye mhonelo mu yinze yose.’ ”

Metumo ge Watumwa 15:17

Wanhu wono wasigaye, wolonyiziza, Ne wanhu wose wono si Wayahudi wono nawacemela litagwa lyangu, womulondola Muwaha.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 21:24

Ne wanhu we makungugo gose wojendela mu wuzelu walyo, nawo watemi wa kono'nze woliletela u wugoli wawo.