Isaya 60:2 - Luganuzi Luswanu Kuli Wanhu Wose 2002

² I makungugo ganji gogubikwa no wutitu, ninga agwe, u wuzelu wo Muwaha Mulungu wokubulilila, ne nhojo yakwe yowa muli'gwe.

Isaya 60:2 ပူးပေါင်းရင်းမြစ်များ

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

2 Wakolinto 3:18

Holeka ase wose mono si cifunicize wusu wetu, cikululajila lukumyo lo Muwaha kotya nha mwi'lole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

Metumo ge Watumwa 17:23

Ku soko, lono nali kukola ako na ako, nghulanga vihwani vyo wuhembelo wenyu, niwa kuwona wuhembelo wunji wono wina mandiko aga, ‘Kuli mulungu yulya mono si yamanyice.’ Ale, yuyo mono mumuhembaga si mumumanyile, yo yuyo yo nghumulonjelenyi anye.

Metumo ge Watumwa 14:16

I katali u Mulungu yagakombola i makungugo gose getume nha vyono gendile.

Yohana 8:55

Nanye hamba si mumumanyile ng'o, ane langa nimumanyile. Na hono nitye si nimumanyile, nowa mulambi nha nyenye. Ninga alu nimumanyile, ne nghani yakwe niyibataga.

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Ezekiyeli 10:4

Ne nhojo yo Mulungu, yikelajila yikulawa mu makelubi, yikabita sunga ko kunze ye Nyumba yo Mulungu. Hanyuma i Nyumba yose yo Mulungu, yikamemywa ne livunde lilyo. Nalyo likumbo lyose lyang'alalaga so wuzelu we nhojo yo Mulungu.

Wuwale 16:19

Nayo Kola, yakawa kuwakonghola hamonga, mhuga yose ye Waisilayeli, nawo wakatandala wawalanjile Musa na Haluni, ha mulango we lihema. No lukumyo lo Muwaha Mulungu lukejela nhinicizo kuli mhuga yose.

Walawi 9:23

Musa na Haluni wakenjila mwi 'Hema. Na lono walawilaga kunze ye Lihema, wakawalugutiza wanhu, ne nhojo yo Muwaha Mulungu yikawalawila wanhu wose.

Yohana 1:1

Ha mwamulizo i yinze lono yali yikali nawumbwa, I Nghani yali yali baho. Nayo I Nghani yali yali hamonga no Mulungu, i Nghani nayo yali Mulungu.

Matayo 23:19

Anye nyo wabofu, alu co ca hayi cono cina nhunizo mbaha, i cipegwa cico hambe cikumbicilo cono cikucinoza i cipegwa cico ciwe celile?

Matayo 15:14

Muwalekaje wene! Hambi wene nha wabofu, kanyhi wene wakuwatonga i wabofu, no mubofu hono yamutonje u mubofu muyagwe, ale, wose vyono wejete wogwila mwikombo.”

Yelemiya 13:16

Mogopenyi u Muwaha Mulungu, u Mulungu wenyu, lono yakali si naleta wutitu, wono wosuma kumwambuzenyi mwikobale mu matunda, mu madaha go wutitu, ne madaha gono mukulanjilila wuzelu, u wuzelu wono mwali muwitumbiye.

Zabuli 80:1

Wucihulicize 'gwe go mudimi wa Isilayeli, mono kuwatongaga wana wa Yusufu, nhe zingholo. Agwe mono wikaye mwi'goda lyako lyo wuwaha, mucanyha ye makelubi,

1 Watemi 8:11

likung'alala nhojo yo Muwaha Mulungu, sunga ne wakohani siwasuma kanyhi kwinjila ho wetume milimo yawo.

Matayo 23:24

Lanjenyi ta, anye mo walongola wabofu! Mono muwusaga lihazi mu malenga, ninga kuno ho mukumela ngamiya!

Zabuli 102:16

Nayo Muwaha Mulungu, kolo yakondya kulizenga, kanyhi likaya lya Sayuni, baho langa ho kokwijelela, vyono mwene yo wo lukumyo.

Isaya 2:5

Holeka anye nyo wana wa Yakobo, kenhenyi cijendele mu wuzelu wono Muwaha Mulungu yakucipela.

Isaya 4:5

Nayo Muwaha Mulungu kololeta livunde ligubice mu misi, mwi'tunda lya Sayuni, hamonga na mucanyha ya wose wono wowa wehangulize he 'tunda, hamonga ne lyosi, no wung'alale we malambi go moto ku cilo. Nawo u lukumyo lo Mulungu, wolomema no kulidima likaya.

Isaya 58:10

na hono muwe kuwagawila zindigwa wono wali nzala, hamonga no kuwapela vyono viwakwiliye wono wanjiye, ale, wutitu tuku wono wumemile muli 'nye, wopituka wuwe wuzelu wa mu misi mugati.

Isaya 66:11

Nanye molomota muno wumoteswe walyo, nha vyono mwana mudodo kamotaga lono yakongha matombo go nyina.

Isaya 8:22

hamba woyilanga yisi yose, ninga hamba si wowona cinji, langa wowona wugaye, no wutitu. No wutitu wuwo wukogofya muno, nawo mumo mo wogumilwa.

Isaya 58:8

“Na holeka baho no wuswanu wangu wong'alala muli'nye nhe lizuwa lyono likusosomoka hakali mitondo, ne zinghomele zenyu nazo zoponywa mbela mbela. Nane nowa nili hamonga nanye nhondo zose ho nimuponyenyi. Ne nhojo yangu yomucitilenyi mbavu zose.

Isaya 62:1

Nane nolonga du ho niyisikamye Yelusalemi. Hamba si nonyamala yaye, sunga kolo yakondya kuponywa, no wukombozwe wayo weza kumulika nha tala mu mapango ge cilo.