Isaya 6:9 - Luganuzi Luswanu Kuli Wanhu Wose 2002

⁹ Nayo yakanyitya, “Ale wubite, wukawalonjele wanhu wutye, ‘Hamba muhulicize muno, ninga si mokwizuka yaye. Na hamba mulanje muno, ninga si mosuma kuzimanya zono zikwijela yaye.’ ”

Isaya 6:9 ပူးပေါင်းရင်းမြစ်များ

Zimbazi 28:5

Ne wanhu wabi, hamba si wayimanyaga ling'ani yaye. Ninga wono wamuhembaga Muwaha Mulungu, wayimanyiye lukulu.

Isaya 28:13

Na yiyi yo yikuleka Muwaha Mulungu yakumwijizenyi nghani kwa nghani, lucilili kwa lucilili, lisomo kwe 'somo. Nanye ho muwe kwikobazanga magulu lono mukujenda. Na mu wikobaze wenyu, motuga nghomele, mogwizwa, na hanyuma musolwe nha muli wafungwa'

Isaya 29:10

Hambi Muwaha Mulungu nha kamupelenyi nhongo ze lifwefwe, ho mugone hawaha. Kanyhi yali yiwanojeye wawizi wawe go meso ge wanhu, ninga Mulungu yakondya kuwabofuza meso gawo.

Isaya 29:13

Ninga nayo Muwaha Mulungu yalonga yakatya, “I wanhu wawa, wenozaga nha wakuhemba nene, ninga kumbe ne zinghani zawo ho zisina nhunizo yo yose, ne zinhumbula zawo zili kunji caka. Ne cogopo cawo ca kuli'ne nghani ya bwete du, hambi wene nha wakutyatya wulajilize we wanhu, hamonga ne myoto yono wayizoweye nha vyono wakondya kwiyijiza.

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”

Isaya 42:20

Alu nanye Isilayeli, nha mwakondya kuziwona nghani nyinji muno, ninga wulenyi, zina cambuzici kuli'nye? Kanyhi mwina ne makutu go kuhulicila, ninga hamba si mukuzitanga yaye.”

Isaya 43:8

U Mulungu yakutya, “Waletenyi ku wuling'anizwe wanhu wangu. Hambi nha wena meso, ninga hamba si wakuwona yaye, wena ne makutu, ninga hamba si wakuhulika yaye!

Yelemiya 5:21

“Ale muhulicize anye nyo wanhu walele, mono musina nhumbula yo wizuce, nyo wanhu mono mwina meso, ninga si mukuwona, mwina makutu, ninga si mukuhulika yaye.

Ezekiyeli 12:2

“Gwe go munhu, wumanye vyono wikaye hamonga ne wanhu wafyuzi. Hambi wene nha wena meso go kuwona, ninga hamba si wawonaga yaye. Wena ne makutu go kuhulicila, ninga hamba si wahulikaga ng'o, vyono wene nha weza wafyuzi.

Hoseya 1:9

Muwaha Mulungu yakamutya Hoseya, “Mucemelaje litagwa lyakwe ‘Loami’ (Nhunizo yayo, ‘Si wanhu wangu.’) Ku soko wanhu wa Isilayeli, si wanhu wangu, nane si nili Mulungu wawo.”

Maluko 4:12

‘Ho walanje mbeka, ninga walece kuwona. Wahulicize mbeka, Ninga walece kwizuka. Hono si nhavivyo, wali wamupitucile u Mulungu, nayo yali yawanenele.’ ”

Luka 8:10

Yakawatya, “Anye mupegwa kumanya zono zihundicigwe zo wutemi wo Mulungu, ninga kuli wanji, vyo si yinha. Langa wene walonjelwaga mu vihwanicizo, hono wakuwona, ho walece kuwona, na hono wakuhulika, ho walece kwizuka.”

Yohana 12:40

“U Mulungu kawabofuza meso gawo, Kawapuvya i mahala gawo Ho walece kuwona ne meso Hamba walece kwizuka mu mahala gawo Hamba kumhitucila ho niwaponye.”

Walumi 11:8

Nha vyono gakutya i Mandiko Gono Gelile. “U Mulungu yazinoza izinhumbula zawo ziwe nghamu, Sunga nalu, si wakusuma kuwona kwe meso gawo. Hamba kuhulika kwe makutu gawo.”

Wukumbucize wo Wulajilize 29:4

Ninga sunga nalu, Muwaha Mulungu si yamulecenyi mumanye zono zamwijelelenyi kuko ku Misili.