Isaya 6:4 - Luganuzi Luswanu Kuli Wanhu Wose 2002

⁴ No wimbe we mazi gawo, wukawusinjisa no musinji we Nyumba yo Mulungu. Ne Nyumba yo Mulungu yikamema lyosi.

Isaya 6:4 ပူးပေါင်းရင်းမြစ်များ

2 Zinghomo 5:13

Nawo i wembi, wembaga wose hamonga kwe mazi maswanu muno, hamonga ne zindulele ne misesele, ne masumbi, hamonga ne vinhu vinji vinji vyono watowaga, wakumukumya Muwaha Mulungu wakutya, “Muwaha Mulungu yalumbwe, hambi nha muswanu. No lusungu lwakwe nha lwa cibitilila.” Likaza yivunde kwa nhinicizo, likayimemya nhojo yo Muwaha Mulungu mumo mu Nyumba yakwe.

Zabuli 18:8

Lyosi likakomoka kulawa mu zimhula zakwe, no moto mukali wukalawila mu mulomo wakwe, ne makala go moto gakalipuka kulawa kuli mwene.

Wutuluce 40:34

Hanyuma, livunde likaligubika Lihema lyono lyelile, ne nhojo yo Muwaha Mulungu, yikalimemya Lihema.

Ezekiyeli 1:24

Hanyuma nghahulika cihumbi ce mabawa gavyo lono vyagulukaga, cikawa cihwanile ne lizi lye lilenga, cihwanile nhe cihumbi ce wasilikale wenji wo wulugu, cihwanile ne lizi lyo Mulungu u Mudaha Vyose. Navyo vyali vyeza kutima hasi, vikagatenya mabawa gavyo,

Ezekiyeli 10:5

Ne cihumbi co mulilo we mabawa ge makelubi, cikahulikwa sunga mo mwi'kumbo lya kudeha. Hambi cihumbi nha cali cihwanile lizi lyo Mulungu Mudaha Vyose.

Ezekiyeli 41:16

Na mumo mu majinji gose, mwali mutowelwe mbawo swanu muno, ku wulawa hasi, sunga mo mu madilisha. Nago madilisha gakadindwa.

Ezekiyeli 44:4

Hanyuma yayo kanyhi, u munhu yuyo, yakasola, yakanghoza mu mulango wo lubavu lwa kusumuka, wono wali wuli ku mwande ye Nyumba yo Mulungu. Nane nali neza kulanga nhavi, nghawona Nyumba yo Mulungu yimemile nhojo yo Muwaha Mulungu. Nane hobaho nghagwa hasi wugubama.

Amosi 9:1

Nane namuwona Muwaha Mulungu yemile ha cikumbicilo. Yakanyitya, “Wutowe mu midumo ye masumbili gono gawukamizye wuhembelo, ne likumbo lyose lyosinjisika. Nagwe wugabenanjize no kugaleka gawagwile wanhu mu mitwe ye wanhu. Ne wanhu wono wasigaye ku wulugu ane nolowawulaga no mumaje. Hasina hamba munhu monga mono yalatiga, hamba yumonga mono yalapona muli wene.

Wugubule 11:19

I Nyumba yo Mulungu ku wulanga yikadigulwa, ne lisanduku lye cilagane cakwe, likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne matulo ge yisi, hamonga ne mvula mbaha ye mabwe.

Wugubule 15:8

U wuhembelo wukamema lyosi lyono lyaletwa no lukumyo ne vilungo vyo Mulungu, hasina hamba munhu wo wose mono yasuma kwinjila mu wuhembelo, sunga gaze gakondye kumalika magazo mupunghati mawaha, ge wamalayika wawalya mupunghati.