Isaya 6:3 - Luganuzi Luswanu Kuli Wanhu Wose 2002

³ Ne Wamalayika wawo wakawa wakwimba wakwiboceza, wakutya, “Welile, welile, welile! Go Muwaha Mulungu we mihanga. Ne yinze yose nha yimemile nhojo yako.”

Isaya 6:3 ပူးပေါင်းရင်းမြစ်များ

Ezila 3:11

Wakemba wakumukumya Muwaha Mulungu. Wembaga no kuwuyajiza wuyajiza wakutya. “U Muwaha Mulungu muswanu, kuli Waisilayeli. No lusungu lwakwe lwa cibitilila.” Wose wakawa kwimba wazozize kwe vilungo wakumukumya Muwaha Mulungu, so mulimo wo musinji wono wali wanzwa, wo kuyizenga Nyumba yo Mulungu.

Zabuli 57:11

Wunojeye wukumywe, ko ku wulanga 'gwe go Mulungu, ne nhojo yako yiwe mu yinze yose.

Zabuli 66:2

Mwanze zo lukumyo lwakwe kwa nyimbo, mulavizyenyi lilumbo lyo lukumyo!

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Zabuli 8:2

Ne milomo ye wana wadodo na wono wakongha, yose yikukukumya gwegwe. Agwe wizenjeye ligomawakali, kuwemila walugu wako, nagwe kuwapezyaga i walugu wako.

Zabuli 90:16

Wucilajile ze metumo gako ge vilungo, ase co wetumami wako. Wuwalajile wana wetu vilungo vye nhojo yako.

Zabuli 97:6

Wulanga wukwanza ze ling'ani yakwe, ne makungugo gose gakuluwona lukumyo lwakwe.

Zabuli 99:3

Wanhu wose walikumye litagwa lyakwe, lyono lilawiliciye kanyhi lyo wogofye. Hambi Mono Yelile, nha yo mweneco du!

Zabuli 99:9

Mukumyenyi Muwaha Mulungu, u Mulungu wetu, muhembe mwi'tunda lyakwe lyono lyelile! Muwaha Mulungu, u Mulungu wetu mwene, yo Mulungu mono yelile.

Wutuluce 15:11

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

Isaya 24:16

Nawo we ma'si go kutali mono'nze, wolozihulika zinyimbo zo kumukumya Isilayeli, nghungugo ye ling'ani. Ninga hamba nhavivyo, ane nha sina witumbilo! Nghuganda! Nawo i wagaluci vyo wakucila kungaluka du, no wukonji wawo wukucila kuwa wubi muno muno.

Isaya 40:5

Ne nhojo yo Muwaha Mulungu yologubulwa, ne wanhu wose woloyiwona. Muwaha Mulungu mweneco yo yehuwiza zizi.”

Isaya 54:5

Hambi u muwumbi wako, nha yo mulume wako, ne litagwa lyakwe yakucemwa Muwaha Mulungu we mihanga. U Muwaha Mulungu mono yelile wa Isilayeli yo kolokuponya, hambi mwene nha yo mutemi we yinze yose.

Ezekiyeli 43:2

Na lanje, nghayiwona nhojo yo Muwaha Mulungu wa Isilayeli, yikuza yikulawilila ku lubavu lwa kucilima. Ne lizi lyo Mulungu likahulikwa likukoloma nho mukukunzo we lilenga. Ne yisi nayo yikang'alala so nhojo yiyo yo Mulungu.

Ezekiyeli 44:4

Hanyuma yayo kanyhi, u munhu yuyo, yakasola, yakanghoza mu mulango wo lubavu lwa kusumuka, wono wali wuli ku mwande ye Nyumba yo Mulungu. Nane nali neza kulanga nhavi, nghawona Nyumba yo Mulungu yimemile nhojo yo Muwaha Mulungu. Nane hobaho nghagwa hasi wugubama.

Habakuki 2:14

Ninga yinze yolowa yimemile wumanye wo lukumyo lo Mulungu nha vyono lilenga limemile malenga.

Zakaliya 14:9

Ale baho, u Muwaha Mulungu ho kolowa yo mutemi we yinze yose. Baho wose wolomuhemba mwene vyono yo Mulungu, kanyhi wolomumanya mwene vyono lilyo lyo litagwa lyakwe.

Wuwale 14:21

Ninga nghwihuwiza vyono, nha vyono ane nikalaga mumi, na kanyhi nha vyono lukumyo lwangu lumemile mono yinze yose,

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,