Isaya 6:1 - Luganuzi Luswanu Kuli Wanhu Wose 2002

¹ Mu mwaka, lono yafwila mutemi Uziya, ane nghamuwona Muwaha Mulungu, yali yekaye mwi'goda lyakwe lyo Wuwaha lya mucanyha, yali yali mwi'lumbo no lukumyo. Ne vivwalo vyakwe vyo wutemi, vyali, vitandaye hose mu Nyumba yo Mulungu.

Isaya 6:1 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

2 Watemi 15:7

Azaliya yakafwa, yakazikwa mu ciwanza ce vitenjelo vye watemi, mu kaya ya Dawudi. U mwanagwe Yotamu yakahala wutemi wakwe.

2 Zinghomo 18:18

Nayo Mikaya yakajendelela kulonga du yakutya, “Alu Ahabu, wuhulicize ta, zono Muwaha Mulungu yakuzilonga. Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Jobu 42:5

Katali, nali manyile nha vyono nali nonjeywe na wanji. Ninga aluno, nghuwona nene no mweneco ne meso gangu.

Zabuli 108:5

Gwe go Mulungu, wulawiliciye ku wulanga kucanyha, no lukumyo lwako luficile mono'nze yose.

Zabuli 113:5

Hambi nani kanyhi, mono kowa yehwanile, no Muwaha Mulungu, u Mulungu wetu? Mwene nha yekaye mwigoda lyo wutemi kucanyha,

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Wutuluce 24:9

Nawo Musa na Haluni na Nadabu na Abihu, wakawa kubita kwi'tunda kucanyha, hamonga ne wanyamhala makumi mupunghati we Waisilayeli.

Isaya 1:1

Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.

Isaya 12:4

Ne lizuwa lyolokuza lono wanhu wolokwimba wawe kutya, “Mulumbenyi Muwaha Mulungu! Mucemelezenyi yamutazenyi! Mugalonjele makungugo gose ze metumo gakwe! Muwalonjele zo wuwaha wakwe!

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 66:1

Muwaha Mulungu yakutya nhavi, “U wulanga lye 'goda lyangu, nayo yisi, wo wukanyago we magulu gangu. Alo ho monzenjela kaya yono yinha wule, yono ane nosuma kwikala, hamba hayi hene hono ane nosuma kwinjila nikale mumo?

Ezekiyeli 1:1

Ane mukohani Ezekiyeli mono nili mwana wa Buzi, nekalaga hamonga ne Wayahudi i wahamywa, he kolongo lya Kebali, mu yisi ya Babiloni. Ale, mwi'zuwa lye 'hano lya mu mwezi we kane, wa mu mwaka we makumi madatu, wulanga wukagubuka, nghagubulilwa no Mulungu.

Ezekiyeli 10:1

Nane nali neza kulanga ha mwanya wono wali wuli hacanyha ye makelubi, nghawona cinhu cinji cono cejelaga cihwanile libwe lye liwala lyo wulanga cejelaga mucanyha yawo, kotya wijele we hwani ye 'goda lye nhojo.

Ezekiyeli 10:4

Ne nhojo yo Mulungu, yikelajila yikulawa mu makelubi, yikabita sunga ko kunze ye Nyumba yo Mulungu. Hanyuma i Nyumba yose yo Mulungu, yikamemywa ne livunde lilyo. Nalyo likumbo lyose lyang'alalaga so wuzelu we nhojo yo Mulungu.

Danyeli 10:17

Alu 'ne nha nehwana nho muwanda mono yemile ha mwande yo mutwawe. Alu ho nosuma kulongana nhawule nagwe? Hambi nha neza sina vilungo, no muhe wangu wukudinda.”

Danyeli 7:9

Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto.

Wuwale 12:8

Holeka lono nghulongana nayo, nghulongana nayo ciwonelela, kanyhi calinze du, hamba si mu nzila yo wufumbe ng'o. Nayo yakondya kumbona sunga ne cihwani cangu! Alu nhawule si mwali kogopa kumulonganga mwitumami wangu Musa?”

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Yohana 12:41

Isaya yazilonga zizi, vyono yaluwona ulukumyo lwa Yesu, yakalonga zo mwene.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

Wugubule 15:8

U wuhembelo wukamema lyosi lyono lyaletwa no lukumyo ne vilungo vyo Mulungu, hasina hamba munhu wo wose mono yasuma kwinjila mu wuhembelo, sunga gaze gakondye kumalika magazo mupunghati mawaha, ge wamalayika wawalya mupunghati.

Wugubule 20:11

Hanyuma nghawona ligoda liwaha lyo wutemi, yizelu, na mono yekaye mwi'goda lilyo. I yinze hamonga no wulanga, vikatiza ha mwande yo wusu wakwe, hamba si vyejelela lukulu kanyhi.

Wugubule 3:21

“Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:2

Ho baho baho du nghawa mu Muhe. Kumbe kuko ku wulanga holili yigoda lyo wutemi, na mucanyha yalyo, yali yekaye yunji.

Wugubule 4:3

Nayo yuyo mono yali yekaye mwi'goda lilyo, ku wulangwe, yali yehwanile alimasi, ne libwe yidunghu yiswanu muno. Kanyhi kwali kolili licilalyambwa lye mvula, lyono likung'alala, na kuwulanje, linha lili dedede, nalyo likawa lipilime ligoda lyo wutemi mbavu zose.

Wugubule 4:9

Na lono viwumbwa vivilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwi'goda lyo wutemi, mono kekalaga cibitilila ne cibitilila,

Wugubule 5:1

Hanyuma nghawona citabu mu muwoko wo kulume wa yuyo mono yali yekaye mwigoda lyo wutemi, ne citabu cico, cali candice mugati na kunze yayo, naco cali ciwopwe ne vinamatizo mupunghati.

Wugubule 5:7

U Mwana we ngholo yakacisola citabu mu muwoko wo kulume wa yu yulya mono yekaye mwigoda lyo wutemi.

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!