Isaya 59:8 - Luganuzi Luswanu Kuli Wanhu Wose 2002

⁸ na kolo mwafika baho, hawezaga hasina kanyhi munhu mono kowa yena mulamu. Hambi nha mwitumaga zose zono si zili ling'ani yaye. Kanyhi mwinozezaga nzila yo wungwele, na hasina munhu wo wose mono kosuma kuyikola nzila yiyo, yawe mutelevu.

Isaya 59:8 ပူးပေါင်းရင်းမြစ်များ

Walumi 3:17

Ne nzila yo mulamu, si wayimanyile,

Luka 1:79

no kuwamulicila wono wekaye mu citi ce lifwa. No kuyitonga migulu yetu mu nzila yo mulamu.”

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Matayo 23:23

Woyi he kuli'nye mo wejizi wo Wulajilize ne Wafalisayo mo wakoci! Mono muwalifyaga iwanhu, zaka sunga na mu mahamha ge mhunjile swanu, ne binzali, ne zi nyanya, na akuno mukuzileka izinghani zimbaha zono zili mu Wulajilize, nha vyono iling'ani, lusungu no wihuwilo. Azi zo zali zinojeye anye muzikamise muno muno, hamba kuzisemwa azilya zinongozi.

Yelemiya 5:1

Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Isaya 48:22

Muwaha Mulungu yakutya, “Hasina mulamu kuli wanhu wabi.”

Zimbazi 28:18

Weze mwihuwilwa, holeka nagwe kokwikala wupolile. Ninga hono wuwe si wuli mwihuwilwa, kogwa musunho.

Zimbazi 3:17

Mahala gokupela nyemo mu mikalile yako hamonga no mulamu.

Zimbazi 2:15

wanhu wono wayisina mbeka, wono si wosuma hamba kwitumbilwa yaye.

Zabuli 125:5

Ninga lono wukuwalipiciza i wanhu wabi, ale wulipicize sunga, na wono si wakutyatya zo wutonji wako. Mulamu weze kuli Isilayeli!

Isaya 59:9

Nawo wanhu wakupitula wakutya, “Alu nhondo camanya, kumbe yo soko yono yikuleka Mulungu nayo si yakuciponya nase kuli wanhu wono wakuciwonela. Nase citumbiye wuzelu ho cisume kujenda viswanu, ninga luno nha kutitu tuku du,

Isaya 59:11

Cimemile woga no wuhangawe. Cina wuhile no Mulungu yaciponye mu wiwonelwe wuwu hamonga ne mabi gaga, ninga hasina hambe'pitulo bwete.

Zimbazi 2:13

i wanhu wono wakondya kuyileka mikalile ye ling'ani, no kwikala mu citi co wubi,

Zimbazi 21:8

Ne wanhu wahodanji, wakolaga mu nzila yono yipetyapetizye, Ninga we ling'ani, wene wetumaga ze ling'ani.

Isaya 65:2

Nane nha niwikanize du nhondo zose ho niwabocele wanhu wangu wono wasina cihuliko, kanyhi wendile kwituma zimbi nha vyono wendile weneco, no kubita kono wendile.