Isaya 59:4 - Luganuzi Luswanu Kuli Wanhu Wose 2002

⁴ Mwendile muno kubita mu mahakama, ninga kuno ho musina ling'ani yo yose ku lubavu lwenyu. Hambi anye nha mwitumbilaga wulambi wenyu du, ho musume calo cenyu. Mwikalaga mwina mahweso go wutamisa wayenyu du.

Isaya 59:4 ပူးပေါင်းရင်းမြစ်များ

Jobu 15:31

Na hono yawe mulele, yawe yetumbiye zimbi, ale, i zimbi zizo, zo colowa co cipegwa cakwe.

Jobu 15:35

Wawo wo wanhu wono wekalaga wakuleta magaziko, no kwituma zimbi. Ne zinhumbula zawo zikalaga zimemile nghani zo wungwele.”

Zabuli 12:3

Gwe Muwaha, wuyidindaje milomo yiyo yo wulambi, wuzinyamazye zinimi zizo zono zilongaga zo widunhumuzi.

Zabuli 62:10

Mulecele lukulu kwitumbila wuhizi, hamba kwikumizya sawo yo wuhizi, kanyhi mulece kuzitumbila zisawo hamba ziwe zonjezece muno.

Zabuli 62:4

Heya, anye langa mukuhila mungwise du, ku wulawa mwi'lumbo lyangu. Ne nyemo yenyu 'nye, yili ku wulonga, zo wulambi du. Anye mulugutaga du ko wulonje, ninga mu zinhumbula zenyu, mukulijitiza.

Zabuli 7:15

Ne mitego yono wawatejile wayawo, wakwigwiza kanyhi mumo weneco.

Zimbazi 4:16

Nawo i wanhu wabi, hamba si wagonaga nhongo sunga langa wetume zimbi du. Wagonaga meso, sunga watamise munhu yunji.

Isaya 10:1

Woyi hee kuli'nye! Mono si mukunoza ling'ani langa mukuwewonela wanhu wangu.

Isaya 26:18

Nase cali cili mu wusungu, cali cili mu nghunga yo lusawo, ninga hamba kulela cinji co cose. Cali cisina vilungo vyo kusumila mu yisi yetu holeka hamba si ciketuma cinji co cose.

Isaya 28:15

Hambi 'nye nha mukwilumba mukutya vyono mwakondya kwilumbaniza ne lifwa, hamonga ne yisi ye wafu. Na kanyhi mwitumbiliye lukulu nha vyono wongomele si wolomuzizenyi yaye, vyono anye mwitumbiye wulambi wenyu hamonga no wukoci wenyu, mukutya wuwo wo womuponyenyi.

Isaya 29:20

Na mwizuwa lilyo lyolowa lyo lizuwa lyo mudumo kuli wanhu wono wendile kuwewonela wayawo, no kumubedegala Mulungu. Ne wanyo wubi wose, wolokongomezezwa lukulu.

Isaya 30:12

Ninga 'lu, u Mulungu mono yelile, u Mulungu wa Isilayeli yakutya, nhavi, “Alu vyono mwakondya kuzibedegala zono nghumulonjelenyi, nanye mwakondya kuwetumbila wawo wanhu wagazi kanyhi walambi.

Isaya 30:9

Hambi wene nha wasina cihuliko kuli Mulungu nhondo zose. Wekalaga wakulamba du, hamba si wendile no kugebata mejizo go Muwaha Mulungu yaye.

Isaya 33:11

Hambi anye, nha mukwihwesa mahweso gono gasina cambuzi, na zose zono mukwituma, mukugaya bwete du. Ninga mumanye vyono, u muhe wangu wihwanile nha moto wono womongomezenyi.

Isaya 44:20

Ne nghani yiyi, yo nghani yo wulele, yihwanile wubwiga mavu. Hambi i mahweso gakwe go wupufi, nha gakondya kumwajiliza nzila, ho yalece kuyiwona nzila yono yina wutazi. Hamba si yakusuma kumanya, nha vyono cico cihwani cono yebate mu muwoko wakwe, si mulungu yaye.

Isaya 47:10

“Hambi nha wawitumbila wubalya wako vyono wehwesaga nha hasina yunji mono yakukuwona. Ninga kumbe mahala gako hamonga no wizuce wako, vikakutonga vibi, nagwe baho, wukawa kwidunhumula no kwiyitya, ‘Ane yo nene du, na hasina yunji kanyhi mono yehwanile nene.’

Isaya 5:18

Woyi hee, kuli'nye! Mono si mukusuma kwileka no wubi wenyu.

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Isaya 59:15

Heya i mbeka yili hasina, na mono kalekaga zo wubi, kewonaga nha yabenile wulajilize.” Ninga Muwaha Mulungu yakondya kuziwona zizi zose, nayo hamba si yakwendezwa yaye lono yakuwona vyono hasina wiling'ano.

Isaya 59:16

Nayo yakwizina kuwona vyono hasina munhu hamba monga mono yakuwataziza wono wakwiwonelwa. Holeka nayo luno kokwitumamila vilungo vyakwe yawaponye, yawe no wusume.

Isaya 59:3

Hambi anye nha muli wasutyi ku soko yo wulambi wenyu, no wugazi wenyu, hamonga no wuwulaji wenyu.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Isaya 9:15

I wakombi ne wanhu watambule, wawo wo mutwe. Nawo mucila, wo wawizi, wono wafundaga zo wulambi!

Yelemiya 48:7

“Hambi agwe Mowabu, nha wali wiyitumbiye go mweneco mu vilungo vyako, hamonga no wugoli wako, ninga aluno, sunga na gwegwe kosumwa, sunga no mulungu wako Cemoshi, nayo kosolwa yategulwe ku wuhamywe, hamonga ne wawaha wako, ne wakohani wako wose.

Yelemiya 5:1

Nye nyo wanhu wa Yelusalemi, ale ta mumanyhe ako na ako mu zinzila zenyu! Mulanje-lanje ako na ako! Mwiwonelele nyo weneco! Mulondole mu sokoni zose! Wule, mosuma kumuwona mbeka u munhu mono yakwituma ze ling'ani mono yakuhidimbala kuwa mwihuwilwa hali Mulungu? Na hono mbeka mumuwone u munhu mono yenha nhavivyo, nayo Muwaha Mulungu koyinenela Yelusalemi.

Yelemiya 7:4

Mulecele lukulu kwitumbila zinghani zizo zo wulambi, zo wutya ‘Ase cipolile, hambi ayi nha yo Nyumba yo Mulungu! Nha yo Nyumba yo Mulungu! Nha yo Nyumba yo Mulungu!’

Yelemiya 7:8

“Alu lanje! Mukwitumbila zinghani zo wulambi.

Hoseya 4:1

Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

Metumo ge Watumwa 24:9

Iwayahudi nawo wakazilumbiliza zizo wakutya, “Heya vyo zinha.”

Yakobo 1:15

Na lono wusulumizi wenjipa wulelaga wubi, nawo wubi kolo wakangala, wulelaga lifwa.