Isaya 59:2 - Luganuzi Luswanu Kuli Wanhu Wose 2002

² Heya, ku soko yo wubi wenyu, holeka nayo siyakumuhulicenyi yaye. Hambi nha wubi wenyu wono wukumutemanulenyi no Mulungu lono mukujela kumuhemba.

Isaya 59:2 ပူးပေါင်းရင်းမြစ်များ

Zimbazi 15:29

I wanhu we ling'ani lono wakulomba, Muwaha Mulungu kawahulicizaga. Langa i wabi, si kawacelelelaga yaye.

Isaya 1:15

“Na lono mowa kunyasula miwoko yenyu kucanyha mu wulombe, hamba si nomutondowozenyi yaye. Hamba mulombe muhidimbaye, si nomuhulicizenyi ng'o, hambi miwoko yenyu, nha yimemile wuwulaji wose.

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Isaya 57:17

Nali niwakoleywe likuwo, ku soko yo wubi wawo hamonga ne masulumizi gawo, holeka nane nghawalipiciza no kuwaleka. Nawo ho wakacila kuwa wasina cihuliko hamba nhavi, wakajendelela du kwituma nha vyono wasakaga weneco.

Isaya 58:4

Hambi u wuleka kulya wenyu, nha wukuwa munozenyi muwa muli wagazi, muwa kwiwanganila no kwitowa. Alu mukwihwesa nha vyono wuleka kulya we liwala lili, wonoza ane nimuhulicenyi wulombe wenyu hongo?

Yelemiya 5:25

Ninga 'lu, u wubi wenyu, wakondya kumwimilenyi zizi zose iziswanu, zono zali zinojeye muzituje.

I Cililo 1:8

No lukumyo lwa Yelusalemi lwakondya kuwuka, alu yeza yali cipwi, yebatwe ne cevu. Nalu yakugula yehundicize wusu wakwe, yakuwona soni. Yelusalemi yetipiza mweneco so wubi wakwe.

Ezekiyeli 39:29

Nane nolowetila zo muhe wangu i wanhu wangu Waisilayeli, kanyhi hamba si nolowalecela lukulu ng'o. Vyo nghutya, ane no Muwaha Mulungu.”

Mika 3:4

Hambi icipango nha cikuza, cono anye nanye molomulilila Muwaha Mulungu, ninga mwene si kolomupitulenyi yaye, hamba si kolowuhuliciza no wulombe wenyu, ku soko 'nye mwetuma zimbi.

Yoshuwa 7:11

Isilayeli lu, wakondya kwituma wubi! Kanyhi wakondya kubena ne cilagane cangu cono nawalonjela webate. Hambi nha wasola vinhu vyo mwiko, vyono vyawagwa ho vyongomezwe, wakondya kuhiza, wavihundika no kuviwika hamonga ne vinhu vyawo.

1 Samwili 4:3

Nawo Waisilayeli wono wasigala wakawuya ku nghambi yawo ku Ebene-zeli, i wawaha wawo wakawa kwanza kwiwuza wakutya, “Alu mwene 'nye, nhawule Muwaha Mulungu kacileceleza cisumwe ne Wafilisiti i zuwali? Ale, lu, ciba, cibite ku Shilo cikalisole Lisanduku lye Cilagane lyo Muwaha Mulungu, cililete ku kuno, u Muwaha Mulungu ho yawe yali hamonga nase, yaciponye mu walugu wetu.”