Isaya 59:1 - Luganuzi Luswanu Kuli Wanhu Wose 2002

¹ Ninga mulece kwihwesa nha vyono Muwaha Mulungu musocele, mono si kosuma kumuponyenyi, hamba lunji yali ciziwi mono si kosuma kumuhulicenyi lono mukumucemeleza mukusaka wutazi!

Isaya 59:1 ပူးပေါင်းရင်းမြစ်များ

Mwamulizo 18:14

Alu wule, wukwihwesa hoyili nghani yoyose yono siyisumice hali Muwaha Mulungu? Ale, ane nokuwuyila kanyhi ku mwaka kwinha vivi, no mugolece wako Sala kowa na mwana wa cilume.”

Zabuli 94:9

Alu mukwihwesa mono yalinoza likutu, hongo si kosuma kuhulika yaye? Hamba mono yaliwumba liso, alu hongo si kosuma kuwona ng'o?

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Isaya 50:2

Alu so cici wanhu wangu si wanhuciza lono nawabitila ho niwaponye? Na so cici lo, na lono nawacemaga, hamba si wanyidika yaye? Hamba wakuwona ane nili musocele si nosuma kuwaponya lo? Alo wene si wamanyile nha vyono ndahile kulilajiliza lilenga linyale lwa kamonga, no kuganyaza makolongo, yiwe nyika, ne zisomba za mumo zifwe so wula malenga.

Isaya 58:9

Na lono mukulomba, nane nomupitulenyi wulombe wenyu. Na hono munyheme, nane nokwidika. “Na hono mbeka mulecele lukulu kuwewonela wanji, hamonga no wukonyeza wanhu na cidole ko kuwabedegala, no kulecela lukulu makani gose mabi,

Isaya 6:10

Hanyuma kanyhi yakanyitya, “Wuyinozaje mitima ye wanhu wawa yiwe mizito, ne makutu gawo gawe ciziwi, ne meso gawo gawe cibofu, ho walece kuwona, hamba kuhulika, hamba kwizuka kose. Hambi hono wawone, wahulice, no kwizuka, nha wombuyila niwaponye.”

Isaya 63:1

“Alo yuyo nani mono yakulawa kwi'kaya lya Bozila mu Edomu? Alo yo nani lo mono yavwalile myenda ye nhojo, midunghu kasu. Mono yakujenda-jenda mu wuwaha we vilungo vyakwe? Ayo yo Muwaha Mulungu mono yali vilungo ku wuponye, yo yakuza kwanza zo wusume wakwe.

Isaya 65:24

Nane nowa kuwapitula u wulombe wawo kuli'ne na lono wene wakali si nadumya wulombe wawo.

Yelemiya 14:9

Hamba nhawule winha munhu mono yatinuswe, nhe citung'ati mono si kosuma kuponya? Ninga mbeka, agwe go Muwaha Mulungu wuli hamonga nase! Nase cili wanhu wako du, holeka dedede, wulece kucileka.’ ”

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Ezekiyeli 8:18

Ninga wuwalekaje 'gwe, hambi nha wowuwona wukali we likuwo lyangu. Nane si nowaleka hamba kuwawonela lusungu yaye. Nawo hamba wandilile kwe mazi mawaha muno muno, ane hamba si nowahuliciza yaye.”

Mika 2:7

Wukwihwesa lo, vyono wanhu wa Isilayeli wali mu wulijitwe? Hamba Muwaha Mulungu yawutaga wukangalile wakwe? Hamba mbeka kokwituma zizi? Hamba mwene lo, si kalongaga ko wupolo kuli wose wono wakwituma ze ling'ani?”

Wuwale 11:23

Nayo Muwaha Mulungu yakamupitula Musa yakamutya, “Wukwihwesa vilungo vyangu ane, vina cimizi? Nagwe kowona lulu baha du vyono, zono nonjile zokwijela hamba ng'o!”

Matayo 13:15

Hambi i mahala ge wanhu wawa nha galelepe, ne makutu gawo wagaziwaze, ne meso gawo wafufunize. Yali yiwe si nhavivyo, mhali wali wawone ne meso gawo, kanyhi wali wahulice kwe makutu gawo, no kuwa no wizuce mu mahala gawo ho wamhitucile, vyo yakutya u Muwaha, Nane ho nali niwaponye.’

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalombela hali Mulungu.

1 Samwili 4:3

Nawo Waisilayeli wono wasigala wakawuya ku nghambi yawo ku Ebene-zeli, i wawaha wawo wakawa kwanza kwiwuza wakutya, “Alu mwene 'nye, nhawule Muwaha Mulungu kacileceleza cisumwe ne Wafilisiti i zuwali? Ale, lu, ciba, cibite ku Shilo cikalisole Lisanduku lye Cilagane lyo Muwaha Mulungu, cililete ku kuno, u Muwaha Mulungu ho yawe yali hamonga nase, yaciponye mu walugu wetu.”

1 Samwili 8:18

Ne lipango lilyo kolo likuza, nanye mololila ko wusungu muno, ku soko ya yuyo mutemi wenyu mono nyenye nyo weneco mumuhaguye. Ninga Muwaha Mulungu si kolomuhulicizenyi yaye mumo mu cililo cenyu.”