Isaya 57:5 - Luganuzi Luswanu Kuli Wanhu Wose 2002

⁵ Anye mono mukwisagahiza zo wusulumizi wenyu, no kugona hasi ye mibici yenyu ye minghola i misiwanulwe, muwa kwituma zo wusenyha. Anye mono mulavyaga i wana wenyu gawa makumbiko mu mapalika ge matalawe, na mu malolo, behi ne vikolongo vye malenga.

Isaya 57:5 ပူးပေါင်းရင်းမြစ်များ

1 Watemi 14:23

Hambi nha wazenga hanhu ho kuhembela milungu yo wulambi, wakasimya masumbili ga mabwe, hamonga ne cihwani co mulungu we cicekulu Ashela, no kucihemba mumo mu vigongo vitali, na mu mibeho hasi ye mibici.

2 Watemi 17:10

Wakazenga masumbili ge mabwe, hamonga ne vihwani vyo mulungu we cicekulu Ashela mu matunda gose, sunga na hasi ye mibeho ye mibici miwaha.

2 Watemi 17:7

Samaliya yikagwa, vyono Waisilayeli wetuma wubi hali Muwaha Mulungu, u Mulungu wawo, mono yawaponya kuli mutemi wa Misili Falawo, yakawa kuwawusa mu yisi ya Misili. Ninga wene 'lu, wakahemba milungu yinji yo wulambi,

2 Watemi 23:10

Mutemi Yosiya, yakahavufya nhavivilya, i hanhu hono wahembelaga i milungu yo wulambi hono hacemwaga Tofeti, mwi'lolo lya Hinomu, ho halece kuwa no munhu wo wose mono kosuma kanyhi, kumulavya mwanagwe we cilume, hamba we cicekulu yawe yikumbiko lye cilavywa cinyanywe kuli mulungu Moleki.

2 Zinghomo 28:3

Yakawa yakufusa wuvumba mwi'lolo lyo mwana wa Hinomu, hamonga no kuwalavya wanagwe, wawe makumbiko ge cilavywa cinyanywe kuli vihwani. Yakawa yakwiga makani ge cevu, gono wetumaga wanhu wono Muwaha Mulungu yawawinga mu yisi, lono Waisilayeli wenjilaga.

Wutuluce 32:6

I mitondo yaco, wanhu wakelawa kwinuka hakali mitondo muno, wakalavya mitugo so vilavywa vinyanywe, hamonga ne vilavywa vyo mulamu. Wanhu wakekala hasi, wakalya no kung'wa ko wubugu, sunga wakagala no kwinjila mu wusenyha.

Isaya 1:29

Nanye molokalala muno, vyono mwahembaga mabici, hamonga ne zi busitani zisiwanulwe.

Yelemiya 17:2

Hambi i wanhu wako nha wahembaga ha vikumbicilo hamonga ne vihwani vyo mulungu we cicekulu Ashela, behi ne mabici gono gena mahamha madece mu matunda matali,

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Yelemiya 32:35

Kanyhi wazenga vikumbicilo vya Baali, mwi'lolo lyo mwana wa Hinomu, no kuwalavya mumo makumbiko, i wana wawo we cilume na we cicekulu, kuli mulungu Moleki. Kumbe nane, si nawakombola wetume zizo. Na kanyhi hamba si nali nihwesize nha vyono wosuma kwituma nghani zono zinha zizo, no kuwanoza wanhu wa Yuda wetume wubi.”

Yelemiya 50:38

Muwaletele nzala mu yisi yawo muganyaze ne makolongo gayo. Babiloni yo yisi yono yina vihwani vyo kogofya muno, na vivyo vyo vyawapuvya wanhu.

Yelemiya 51:7

Babiloni, yali nha cikombe ca zahabu mu muwoko wangu, cono cawang'wesaga i wanhu wose wa mono'nze sunga wagala. Nago makungugo, gakaying'wa divayi yiyo, gakagala, sunga ne mahala gawo gakajilila.

Yelemiya 7:31

Kanyhi wakazenga cikumbicilo cono cacemwaga Tofeti, mwi'lolo lya Hinomu, ho wawalavye i wana wawo we cilume na we cicekulu, wawakongojeze mu moto. Ninga nane ho si nawalajiliza wetume zizo. Kanyhi ne nghani yiyo, yali yili musina muli'ne.

Ezekiyeli 16:20

“Hanyuma kanyhi, wukawasola i wanago we cilume, ne we cicekulu wono wandelela, no kuwalavya kuli vihwani. Wule, zizi si zikulajila u wubi wono wukwituma, nha vyono weza si wuli mwihuwilwa kuli'ne,

Ezekiyeli 20:26

Hodu nghawa kuwaleka weyavufye weneco so vilavywa vyawo. Kanyhi nghawaleka wawalavye makumbiko, i wana wawo we cilume walongozi kulelwa. Na yiyi yali yo nzila yo kuwalipiciziza, no kuwalajila nha vyono ane yo nene Muwaha Mulungu.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Ezekiyeli 20:31

Sunga ne zuwali baha du, mwali kulavya vilavywa vivilya du, no kwiyavufya nyenye nyo weneco, so vihwani, mu nzila yo kuvilavizya i wana wenyu makumbiko, mu moto. Ninga hamba nhavivyo, 'nye nyo Waisilayeli, vyo mukali mukunyiziza du, ati ho mumanye zo wuhile wangu. Ninga mbeka nha vyono ane, yo nene Muwaha Mulungu, u Mulungu mumi, nane si nomulecenyi yaye, ho mumbuze cinji co cose.

Ezekiyeli 6:13

Ne mivimba yawo wose, yolowa yiyagaye mu vihwani vyawo, yipilime vikumbicilo vyawo. Kanyhi yinji yolowa yiyagaye mu vigongo vyose vitali, sunga na mu matunda gose. Sunga na mu masina ge mibici yose yono yidedewaye, na mu mibici yose yo munghola ye mahamha menji. Sunga ne hanhu hose hono wene walavizyaga makumbiko gawo ge vilavywa vinyanywe kuli vihwani vyawo. Na ku soko yiyo wose ho wolomanyila vyono ane yo nene Muwaha Mulungu.

Walawi 18:21

“Kanyhi mulecele lukulu kuwalavya i wana wenyu we cicekulu, wetumamilwe mu wuhembi wo mulungu Moleki. Hambi nghani yiyo, nha yoliletela cevu litagwa lyo Muwaha Mulungu.

Wuwale 25:6

Nawo lono wali wehangulize mhuga yose, wakulila ha mulango we Lihema lyono Lyelile, walanje nhavi, yumonga wa muli Waisilayeli, yakamusola mucekulu we Cimidiyani, yakawa kumwinjiza mwi'hema lyakwe ciwonelela, ha meso ga Musa na hali wanhu wose.

Wukumbucize wo Wulajilize 12:2

Kolo mweza kwinjila mu yisi yiyo yono mukuyisola, muhamwagulaje hanhu hose hono i wanhu wayihembelaga milungu yawo, mu matunda matali, na mu vigongo, sunga na hasi ye mibici yose yono yidedewaye.

Wugubule 18:3

Hambi i makungugo gose, nha gakoligwe ku soko ye divayi nghali, yo wusenyha wakwe. Nawo watemi wa kono'nze wasenyha nayo, ne wasuluza wa kono'nze wagolipe ku soko ye mikalile yakwe yo wiyendeze, yono yisina wiyimile.”