Isaya 57:3 - Luganuzi Luswanu Kuli Wanhu Wose 2002

³ Ninga anye nyo wabi, muze ho muling'anizwe! Hambi nha muli wabi kuciza no muhawi, hamba no musenyha hamba no mucekulu malaya.

Isaya 57:3 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

Isaya 1:21

Ati, ta, mulanje! Likaya lyono lyali yihuwilwa, alu lyeza yikaya lyo wusenyha! Na kumbe mu mapango ganji, ho lyali limemile wanhu we ling'ani. Ninga lu mulanje, lyekala ne wanhu wawulaji du.

Isaya 1:4

Holeka, alu mokongomezwa, anye nyo likungugo lyono lina wubi, anye nyo wanhu wono mwendile mafupo, kanyhi muli wabi! Ninga mumanye nha vyono, u wubi wenyu wuwo, womukulunhyenyi hasi! Hambi anye nha mwamulema Muwaha Mulungu, u Mulungu mono yelile we Waisilayeli. Mwakondya kumupitucila mugongo.

Isaya 45:20

Muwaha Mulungu yakutya nhavi, “Ale! Mwikongholelaje hamonga, anye nyo wanhu we makungugo gose, wose mono muponile mu wugwe wo wutemi wa Babiloni, muze wose ku wuling'anizwe! Anye nyo wanhu mono mudinghulaga vihwani vyenyu vye mabici viseswe, muwa kulomba kuli milungu yono si yomuponyenyi yaye. Anye nyo wanhu walele!

Isaya 48:16

Alu, musejelele behi nane, muhulice zono nghulonga, hambi 'ne nha nongaga calinze ku wulawa mwamulizo, ne zinghani zangu ziwezaga za mbeka vilo vyose.” Nalu u Muwaha Mulungu yanhuma no kumhela vilungo.

Isaya 57:7

Sunga na hanji, mukubita mucanyha ye matunda matali, muwa kulavya makumbiko genyu kuko, muwa kunoza na zo wusenyha wenyu mumo mu matunda.

Isaya 58:2

Hambi wene nha wahembaga'ne nhondo zose, wakwiyitya vyono wena wuhile muno wo kumanya zinzila zangu, no kwibata wulajilize wangu. Wakulonga wakutya vyono wakusaka muno wapegwe malajilizo ge ling'ani, na kanyhi vyono wendile muno ho wahembe nene.”

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Yelemiya 3:9

akuno yasina ne cevu yaye. Yakayavufya yisi, yakasenyha mu nzila yo wuhemba mabwe ne mibici.

Hoseya 1:2

Baho lulongozi lono Muwaha Mulungu yalonga ne Waisilayeli mu nzila ya Hoseya, Muwaha Mulungu yakamutya Hoseya, “Wubite wukatole, mucekulu musenyha, sunga ne wanagwe nawo wowa wasenyha nha vyono yenha nyina yawo. Nhavivyo ne wanhu wangu Waisilayeli, nawo wakondya kundeka, alu waweza wasenyha.”

Hoseya 2:4

Nane hamba si nilalajila lusungu kuli wanagwe,

Hoseya 2:6

Holeka ku soko yiyo, nomuwicila ligomawakali lye mamivya no kuzenga lijinji ho liyidinde nzila yakwe, yalece kuwuwona wukolo wakwe.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Matayo 12:34

Nye mo lulelo lwe zinzoka! Alu mosuma nhawule kuzilonga i ziswanu, na kumbe nyenye mo weneco muli wabi?” Ku soko u munhu, nha kalongaga zono zimumemile mu nhumbula yakwe.

Matayo 16:4

Anye nyo lulelo lubi na lono lusina wihuwilwa. Anye mukusaka vitanjilo, ninga si mopegwa i citanjilo co cose cilya, langa mopegwa i citanjilo acilya ca Yona du.” Baho yakawa kuwaleka, yakawa kubita.

Matayo 23:33

Anye mo wana we zinzoka, zono zina sumu! Alo mosuma nhawule kuwilega u wuling'anizwe wo moto we Gehena?

Matayo 3:7

Ninga yaza kuwawona i Wafalisayo ne Wasadukayo wenji, wakumuziza ho yawabaputize, u mwene yakawalonjela yakatya, “Anye nyo lulelo lwe zinzoka! Alo nani mono yamulonjelenyi vyono mosuma kwilega ilikuwo lyono likuza?”

Luka 3:7

Holeka yakawalonjela wanhu wenji wono wamubitilaga ho yawabaputize, “Anye nyo zindelo ze zinzoka, mono yamusugulenyi mutize likuwo lyo Mulungu lyono likuza nani?

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

1 Yohana 3:10

Ninga muli wose mono siketumaga ze ling'ani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.