Isaya 55:3 - Luganuzi Luswanu Kuli Wanhu Wose 2002

³ “Holeka 'lu muhulicize 'ne, anye nyo wanhu wangu munyizize nene. Munyizize nene holeka mowumipa! Nane nonoza nanye cilagane ce cibitilila, kanyhi nomulugutizenyi nha vyono namwihuwiza Dawudi.

Isaya 55:3 ပူးပေါင်းရင်းမြစ်များ

Mwamulizo 17:7

“Nane nocikangaza i cilagane cangu nagwe, hamonga no lulelo lwako, hamonga ne zindelo zawo zose cibitilila, vyono ane nowa Mulungu wako hamonga ne zindelo zako cibitilila.

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

2 Samwili 23:5

Nhavivyo vyo Mulungu kowalugutiza we zindelo zangu, hambi nha yanoza nane cilagane ce cibitilila. Hamonga no wilumbanize wono si wulabeneka yaye, no wihuwizo wono si wulapituka yaye. Hambi nha wo wilowe wangu, vyono kowa kusumila. No Mulungu nayo mbeka kofisiliziza zose.

2 Samwili 7:29

Holeka aluno nghukulomba, wuwalugutize wo lulelo lwangu wose, ho wajendelele mu nyemo yo wuswanu wako. No wulugute wako, wokwikala mu lulelo lwangu cibitilila. Hambi nha yo gwegwe go Muwaha Mulungu mono wehuwiza zizi.”

2 Zinghomo 6:42

Kanyhi go Muwaha Mulungu, wulece kumulema mutemi mono wamuhagula gwegwe. Wukumbucile wendo wono wali wina nawo kuli Dawudi mwitumami wako.”

Zabuli 119:112

Holeka nane nina wuhile mu nhumbula yangu, wo wutyatya zo wutonji wako cibitilila.

Zabuli 119:175

Mhelaje wuwumipe, nane ho nghulumbe, kanyhi ne zining'aniza zako zinhaze.

Zabuli 78:1

Ale hulicizenyi wijize wangu, anye nyo wanhu wangu, muteje likutu muhulicize zinghani zangu.

Zabuli 89:28

No lusungu lwangu lwa kuli mwene, nolukamisa cibitilila, ne cilagane cangu ca kuli mwene, cokwikala cibitilila.

Zabuli 89:29

No lulelo lwakwe lwe citemi-temi, lojendelela kutema cibitilila, ne ligoda lyakwe lyo wutemi lyojendelela du, nha vyono winha wulanga.”

Wutuluce 15:26

Yakawalonjela yakatya, “Hono mbeka mulihulice lizi lyangu ane no Muwaha Mulungu, no Mulungu wenyu, mwitume zono zili ling'ani hali'ne, na kanyhi hono muwukamise no wulajilize wangu, hamonga ne malajilizo gangu, ale, nane si nomugumililenyi matamwa gagalya gono nawagumilila Wamisili yaye. Hambi ane nha yo nene Muwaha Mulungu mono nghumuponyenyi.”

Zimbazi 4:20

Holeka agwe mwanangu, wukamise zono nghulonga, wuzihulice zinghani zangu.

Zimbazi 7:2

Wibataje malajilizo gangu ho wuwumipe. Wibate mejizo gangu ko wulanjilizi muno, nha vyono kugalanjililaga meso gako.

Isaya 51:4

“Alu muhulicizaje ta 'nye nyo wanhu wangu, muhulicize kuli zono nghulonga. Ane nghuwejiza i mejizo gangu we makungugo, ne malajilizo gangu gowaletela wuzelu.

Isaya 54:10

Matunda ne vigongo, vyolotenjelemulwa, ninga wendo wangu kuli'gwe si wolomalika yaye. Nane nowukamisa sunga cibitilila wihuwizo wangu wo mulamu kuli'gwe.” Nhavivi vyo yakutya Muwaha Mulungu mono yakukuwonela lusungu.

Isaya 54:8

Na mwi'kuwo lyangu, holeka nghehundika wusu wangu hali'gwe, cipango cidodo, ninga nokulajila zo wendo wangu cibitilila.” Nhavivi vyo yakutya Muwaha Mulungu Mukombozi wako.

Isaya 61:8

Muwaha Mulungu yakutya nhavi, “Ane nyendile ze ling'ani, kanyhi nizisulile zo wuhizi na zo wiwonezi. Nane nowahumbiliza wanhu wangu ko wihuwilwa. Kanyhi nonoza nawo cilagane ce cibitilila.

Yelemiya 30:9

Langa wolonyitumamila nene nili wene du, ane no Muwaha Mulungu wawo, hamonga no mwana wa Dawudi, mono nolomutemya yawe mutemi wawo.

Yelemiya 32:40

Nolonoza nawo cilagane cipya. Hamba si nololecela lukulu kuwanozeza ziswanu. Nolowanoza wawe ne cogopo kuli'ne kwe nhumbula yawo yose, ho waze walece kanyhi kundeka.

Yelemiya 33:26

Holeka vyono mbeka netuma zizi, ale, nane nocikamisa cilagane cangu, cono nacinoza no lulelo lwa Yakobo no mwitumami wangu Dawudi. Kanyhi nolomuhagula yumonga wa mu lulelo lwa Dawudi, yateme mu lulelo lwa Abulahamu, na Isaka na Yakobo. Nane nolowa no lusungu kuli wanhu wangu, kanyhi nolowamotya muno.”

Yelemiya 38:20

Ninga nane nghamutya, “Ng'o mutemi, si kosuma kwinjizwa mu miwoko yawo yaye. Ninga ane nghukunena wuyihulice nghani yo Muwaha Mulungu. Na zose zowa swanu du hali 'gwe, kokwiponya no wumi wako.

Yelemiya 50:5

Nawo woloyiwuza nzila yono yibitile ku Sayuni, nawo woloyityatya. Wolonoza cilagane ce cibitilila, cono hamba si wolocibena kanyhi yaye.”

Ezekiyeli 16:60

Ninga ane nocikumbucila cilagane cono nacinoza nanye, lono mwali mukali wadodo. Na kanyhi nonoza cilagane nanye, cono cokwikala cibitilila.

Ezekiyeli 34:24

Nane no Muwaha Mulungu, nowa Mulungu wawo. No mutemi mono kowa yehwanile u mwitumami wangu Dawudi, yuyo yo kowa yo mutemi wawo. Nene vyo nghutya.

Ezekiyeli 34:25

Kanyhi nonoza cilagane nawo, cilagane co mulamu. Kanyhi noziwusiza ne malimu gose makali mu'si, zingholo zangu ho zikale zipolile mu mawimbi, no kugona mu zimbago.

Ezekiyeli 37:26

Nane nolonoza cilagane co mulamu hamonga nawo, cowa cilagane ce cibitilila. Nowatandaza no kuwonjeleza wonjelezece wawe wenji. Noloyiwika ne Nyumba yangu mu yisi yawo, nayo yolokwikala mumo cibitilila.

Walawi 18:5

Holeka muyityatyaje mikalile hamonga ne malajilizo gono nghumupelenyi, holeka nanye mowumipa hono mugakamise. Hambi ane nha yo nene Muwaha Mulungu.”

Amosi 5:4

Muwaha Mulungu yakuwalonjela Waisilayeli, yakutya, “Muze kuli'ne, nanye mowumipa.

Amosi 5:6

Mumubitilaje Muwaha Mulungu, nanye mowumipa. Ninga hono mwikale simumubitiye, mwene komukongojezenyi ne likuwo lyakwe nha moto nyo Waisilayeli. Moto wolowanyanya ne wanhu wa Beteli, hasina hamba yunji mono kolosuma kuwuzimya.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

Matayo 13:16

“Holeka anye muli wamoti, vyono i meso genyu gakuwona, ne makutu genyu gakuhulika.

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwi'vunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Yohana 6:37

Wose wono yakumhela Baba, wokuza kwangu, nane si nomutaga kunze wo wose mono yakuza kwangu.

Yohana 7:37

Mwi'zuwa lyo mumalilizo we sikukuu yiyo, lyali yizuwa yiwaha. Yesu yakema, yakalonga yenuye lizi, yakutya, “Munhu wo wose, mono yakaluce, yaze kwangu yang'we.”

Yohana 8:47

Wo Mulungu nha kahulikaga zinghani zo Mulungu. Ninga anye si mukuhulika, vyono anye, si muli wanhu wo Mulungu.”

Metumo ge Watumwa 13:34

“Na zo kumuzukula muli wafu, na vyono sikowuya kanyhi kuko no kuwolela mu citenjelo, u Mulungu yakatya nhavi! ‘Nomupelenyi nyenye wumoti wono namwihuwiza Dawudi, wono welile na we mbeka.’

Walumi 10:5

Musa yandika zizi zo munhu mono kovumilwa hali Mulungu so kuwituma u Wulajilize, yakatya; “U munhu wo wose mono kokwituma nha vyono u Wulajilize wukutya, yuyo kowumipa.”

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko yo wumwaje we sakami yakwe yono yakangaza i cilagane ce cibitilila.