Isaya 54:8 - Luganuzi Luswanu Kuli Wanhu Wose 2002

⁸ Na mwi'kuwo lyangu, holeka nghehundika wusu wangu hali'gwe, cipango cidodo, ninga nokulajila zo wendo wangu cibitilila.” Nhavivi vyo yakutya Muwaha Mulungu Mukombozi wako.

Isaya 54:8 ပူးပေါင်းရင်းမြစ်များ

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Zabuli 103:4

Kamhonya mu wulawa mwifwa, yakamhela ze lihewa no lusungu lwakwe.

Zabuli 13:1

Gwe go Muwaha Mulungu, kosemwa 'ne lo sunga nili?

Zabuli 27:9

Wulece kwihundika hali'ne. Hamba wulece kunemela mwi'kuwo ane no mwitumami wako, agwe nhondo zose, yo gwegwe mono wuli mutazi wangu holeka wulece kunhaga, hamba kundeka gwe go Muwaha Mulungu go Muponyi wangu.

Zabuli 30:5

I likuwo lyakwe nha lili hadodo vivi du, langa lusungu lwakwe, lwikalaga cibitilila. I cililo ciwezaga mu cilo du, ninga hakali mitondo, yiwezaga nyemo.

Isaya 14:1

Ninga kanyhi Muwaha Mulungu, kolowawonela lusungu wanhu wakwe Waisilayeli, kolowahagula kanyhi wawe wanhu wakwe. Kolowagomola kanyhi wekale mu yisi yawo, sunga ne wajenzi wolokwinjila vikalane nawo.

Isaya 26:20

Nye nyo wanhu wangu, alu mwinjile mu zikaya zenyu, mwidindile mumo. Mwihundice mumo cidaha, sunga likuwo lyo Mulungu lipulute.

Isaya 40:27

Alu mwene anye nyo wanhu wa Isilayeli nhawulenyi 'lu mukung'ung'ulikayiwe nha kotya Muwaha Mulungu si yawumanyile wugaye wenyu, hamba kuyilanga ling'ani yenyu?

Isaya 45:15

Mulungu we Waisilayeli mono yakuwaponya wanhu wakwe mbeka yo Mulungu mono yehundice yali wene.

Isaya 47:6

Nali niwakoleywe likuwo wanhu wangu nghawa kuwatendela nha kotya si wanhu wangu Nghawawika mu miwoko yako. Nagwe hamba si wawawonela lusungu yaye, sunga ne wakombi wose wukawatendela vibi muno.

Isaya 48:17

Mulungu mono yelile wa Isilayeli, u Muwaha Mulungu mono yakumuponyenyi yakutya nhavi, “Ane yo nene Muwaha Mulungu, u Mulungu wenyu, u Mulungu mono yakuhila kumwijizenyi ziswanu, no kumutonjenyi nzila yono moyityatya.

Isaya 49:10

nawo si wolodabuka yaye, hamba kutuga nyhilu ya malenga. Nalyo lizuwa hamonga ne livuce lya mu nyika, si vyolowatamisa yaye, hambi nha wolowa wali mu wutonji wa mono yawendile. Mwene kowatonga ku mivwilo ye malenga.

Isaya 49:13

Ale mwimbe anye nyo wulanga! Nagwe go yinze wimbe no wusangalale! Matunda nago gembe na nyemo mbaha! Hambi Muwaha Mulungu nha kowasindamika wanhu wakwe, kowawonela lusungu wanhu wakwe wono wali mu magayo.

Isaya 49:26

Nane nowanoza wono wakukwiwonela wewulaje weneco wose. Nawo wogala no wiwulaji hamonga ne makuwo, Baho ne wanhu wose ho womanya vyono, ane yo nene Muwaha Mulungu, u Muponyi wako, ane yo nene u Mukombozi wako we vilungo wa Yakobo. Mono nghukuponya no kukuleka wuli mwelecele. Kanyhi ho womanya nha vyono yo nene Mulungu nili Muponyi wako, no Mukombozi wako na we vilungo wa Yakobo.”

Isaya 54:10

Matunda ne vigongo, vyolotenjelemulwa, ninga wendo wangu kuli'gwe si wolomalika yaye. Nane nowukamisa sunga cibitilila wihuwizo wangu wo mulamu kuli'gwe.” Nhavivi vyo yakutya Muwaha Mulungu mono yakukuwonela lusungu.

Isaya 54:5

Hambi u muwumbi wako, nha yo mulume wako, ne litagwa lyakwe yakucemwa Muwaha Mulungu we mihanga. U Muwaha Mulungu mono yelile wa Isilayeli yo kolokuponya, hambi mwene nha yo mutemi we yinze yose.

Isaya 55:3

“Holeka 'lu muhulicize 'ne, anye nyo wanhu wangu munyizize nene. Munyizize nene holeka mowumipa! Nane nonoza nanye cilagane ce cibitilila, kanyhi nomulugutizenyi nha vyono namwihuwiza Dawudi.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Isaya 60:10

Muwaha Mulungu yakuyilonjela Yelusalemi yakutya nhavi, “I wajenzi wo wolokuzenjela majinji gako, nawo i watemi wawo, wolokwitumamila gwegwe. Hamba yiwe ane nakulipiciziza mwi'kuwo lyangu, ninga aluno nokulajila zo wendo wangu no lusungu lwangu kuli'gwe.

Isaya 63:7

Nane nolukumya lusungu lo Muwaha Mulungu, na kanyhi nghumukumya muno so zose zono yakondya kucitendela. Hambi nha kawamotya muno i wanhu wa Isilayeli ku soko yo lusungu lwakwe no wendo wakwe.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Isaya 8:17

Ninga hamba yiwe, Muwaha Mulungu yehundice ho yalece kuwonwa ne wanhu wakwe, ninga ane nomwitumbila du, no kuwika witumbilo wangu muli mwene.

Yelemiya 31:3

ane nghelajila kuli wene ku wulawilila cidaha. Nye nyo wanhu wa Isilayeli, ane nha nimwendilenyi du nhondo zose. Na ku soko yiyo, holeka njendeleye du kumulajilenyi zo lusungu lwangu kuli'nye.

Yelemiya 33:26

Holeka vyono mbeka netuma zizi, ale, nane nocikamisa cilagane cangu, cono nacinoza no lulelo lwa Yakobo no mwitumami wangu Dawudi. Kanyhi nolomuhagula yumonga wa mu lulelo lwa Dawudi, yateme mu lulelo lwa Abulahamu, na Isaka na Yakobo. Nane nolowa no lusungu kuli wanhu wangu, kanyhi nolowamotya muno.”

Yelemiya 51:5

Ane no Muwaha Mulungu we mihanga, nghali hamba si nawaleka Isilayeli na Yuda yaye, hamba wawe wene wetuma wubi hali 'ne, ane Mono nelile wa Isilayeli.

Ezekiyeli 39:29

Nane nolowetila zo muhe wangu i wanhu wangu Waisilayeli, kanyhi hamba si nolowalecela lukulu ng'o. Vyo nghutya, ane no Muwaha Mulungu.”

Habakuki 3:2

Gwe Muwaha Mulungu, ane hulika zono wetuma, nane nhuga woga wuwaha. Ale, alu'kanyhi mu vilo vyetu, witumaje metumo mawaha gono wagetuma lulo. Na lono wuli mwi'kuwo lyako, ninga weze no lusungu.

Zakaliya 1:15

Kanyhi nghuziwonela yikuwo zinghungugo zono zicehile kanyhi zina mulamu. Ku soko lono likuwo lyangu lyali lyapola so wanhu wangu, zinghungugo zizo, ho zikacila muno kuwagaza wanhu wangu no kuwetumya vibi.

Zakaliya 1:16

Alu nawuya kanyhi ha Yelusalemi, ho ndajile zo lusungu lwangu mwi 'kaya. Ne Nyumba yangu yonozelezwa, ne likaya nalyo, lyozengwa kanyhi.”

Zakaliya 10:6

“Nowanoza wanhu wa Yuda wawe ne vilungo kanyhi nowaponya wanhu wa Isilayeli. Kanyhi nowawonela lusungu no kuwagomola wose kono kaya yawo. Wowa kotya nha wono si nawalema ha mwamulizo yaye. Ane yo nene Muwaha Mulungu, Mulungu wawo, nowapitula no wulombe wawo.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

1 Timoteyo 1:16

Ninga mwene Mulungu yakambonela lusungu, ho Kilisito yawulajile wukangalizi wakwe wose kuli'ne, wuwe nha musambo kuli awalya wono hanyuma yayo wolomwihuwila no kubocela wumi we cibitilila.