Isaya 54:4 - Luganuzi Luswanu Kuli Wanhu Wose 2002

⁴ Holeka wulece kogopa, hambi nha si kokozwa cevu hamba kupuvywa yaye kanyhi. No wu wula wihuwilwa wako, kowusemwa nho mucekulu mono yakali mudodo, no wumondwe wo wufwile wako hamba si kowukumbucila kanyhi yaye.

Isaya 54:4 ပူးပေါင်းရင်းမြစ်များ

Jobu 11:16

Ne magayo gako gose gowuka mu mahweso gako, gokwihwana mahwazi ge malenga gono gapulutaga hamba kukumbucilwa kanyhi yaye.

Isaya 25:8

Muwaha Mulungu kololiwusiza lukulu lifwa cibitilila! Kanyhi kolopatila lukulu mahozi mu meso ge wanhu wose, no kuwawusiza cevu wanhu wakwe, cono wali wakondya kukozwa mu yinze yose. Muwaha Mulungu mweneco yo yazilonga zizi!

Isaya 29:22

Holeka nayo Muwaha Mulungu, u Mulungu wa Isilayeli, mono yamuponya Abulahamu mu magayo, yakutya, nhavi, “Alu anye nyo wanhu wangu, hamba si molokozwa cevu kanyhi, sunga no wusu wenyu si wolosininghalila lukulu kanyhi so cevu.

Isaya 4:1

Ne vilo vivyo kolo vikuza, wacekulu mupunghati, wolomwisoka mulume monga, wakutya, “Ase cokwilisa no kwivwika co weneco du, ninga cono cikusaka du kuli'gwe, cikusaka cijele vyono cili wacekulu zako, ho ciwusizwe cevu co wigane.”

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 50:7

Ninga hamba nhavivyo, matovulo gawo si ganhamisa yaye, hambi u Muwaha Mulungu we mihanga nha yamhela wutazi. Nane nghekamiliza, nghagakangalila. Hambi nha nali manyile vyono si nokozwa cevu,

Isaya 51:7

“Ale, muhulicizaje ta anye wose mono muzimanyile ze ling'ani, anye wose mono mugebate mejizo gangu mu zinhumbula zenyu. Mulece kuwa no woga lono wanhu wakumulijenyi no kumutovulenyi,

Isaya 54:14

Nagwe kosikamywa mu wiling'ano na mu ling'ani, nagwe hamba si kokwiwonelwa kanyhi hamba kuwa no woga yaye.

Isaya 61:7

Ne cevu cenyu colowucila lukulu. Hambi lu nha molowa mwikaye mu yisi yenyu nyo weneco. Ne sawo yenyu yolokonjelezeka kali kejete. Ne nyemo yenyu yolowa ye cibitilila.

Isaya 65:16

No munhu wo wose wa mu'si, mono kosaka wumoteswe, kololomba yapegwe wumoteswe no Mulungu Mwihuwilwa. No munhu wo wose, mono kokwilahiza, kolokwilahiziza mwi'tagwa lyo Mulungu Mwihuwilwa. Ne magazo ga mu vilo vye katali, gose golomalika no kugasemwa.”

Yelemiya 31:19

Heya mbeka, cali cakondya kukuleka, ninga aluno, cikusaka cikuwuyile mbela, hambi nha wakondya kucilipiciza, nase cinamizye i mitwe yetu ko wusungu wuwaha. Kanyhi cikuwona soni, no kukolwa cevu ciwaha ku soko yo wubi wetu, wono cetuma mu wuzelelo wetu.’

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

Ezekiyeli 16:22

Na mu mapango gako gose ge mikalile yako, ye cevu yo wusenyha, hamba si wayikumbucilila lukulu i mikalile yako ya ha wudodo, nha vyono wali wuli cipwi, wukwigalagaza mu sakami yako.”

Ezekiyeli 16:43

Ane nghuwona, 'mba, wasemwa zono nakutendela ha wudodo wako, holeka alu weza kwituma zinghani, zono zikunghoza'ne likuwo. Na yiyi yo yikaleka wutuje wulipicizwe ku soko ya zizo. Alu nhawule 'gwe, wukawa wukwihanza-hanza mu wusenyha wako, ne vinhu vye liwifyo?” Azi zo yakutya u Muwaha Mulungu.

Ezekiyeli 36:15

Ne yisi si yolohuliciza kanyhi zo wusekwa ne makungugo, hamba kuwawona wanhu wakuyizwajiza kanyhi yisi yenyu. Ne yisi hamba si yolohizizwa kanyhi i wana wayo. Vyo nghutya ane no Muwaha Mulungu.’ ”

Yoweli 2:21

“Nanye mo migunda, mulece kogopa langa musangalale, kanyhi mweze ne nyemo, so zose zono Muwaha Mulungu yamutendelenyi.

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Zakaliya 10:6

“Nowanoza wanhu wa Yuda wawe ne vilungo kanyhi nowaponya wanhu wa Isilayeli. Kanyhi nowawonela lusungu no kuwagomola wose kono kaya yawo. Wowa kotya nha wono si nawalema ha mwamulizo yaye. Ane yo nene Muwaha Mulungu, Mulungu wawo, nowapitula no wulombe wawo.

1 Petelo 2:6

Hambi i Mandiko Gono Gelile nha gakutya, “Langa ta! Nghuwika kuko ku Sayuni libwe liwaha lyo musinji. Ilibwe lyo wuguzi wukamu, lyono nilihaguye. Umunhu mono komwihuwila umwene mono yo lilyo libwe, sikolokozwa soni ng'o.”