Isaya 54:3 - Luganuzi Luswanu Kuli Wanhu Wose 2002

³ Kanyhi koyigazimhya ne mipaka yako mbavu zose, hambi wanhu wako wono webatwe ne makungugo ganji, nha wolowuya wose. Ne makaya gono galekwa, gose gomema wanhu.

Isaya 54:3 ပူးပေါင်းရင်းမြစ်များ

Mwamulizo 26:22

Ale du kanyhi, Isaka yakawa kubita kuhimba lisima linji, hanhu hanji. Langa lisima lilyo siwesoka ne wanhu wawo kanyhi yaye, nayo Isaka yakalicemela litagwa lya Lehoboti, wowutya, “Alu Mulungu nhondo, yacipela cilejeho, alu nase nhondo, cokwinjipa mu'si yiyi.”

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Isaya 14:1

Ninga kanyhi Muwaha Mulungu, kolowawonela lusungu wanhu wakwe Waisilayeli, kolowahagula kanyhi wawe wanhu wakwe. Kolowagomola kanyhi wekale mu yisi yawo, sunga ne wajenzi wolokwinjila vikalane nawo.

Isaya 14:2

Sunga ne makungugo menji, golowataziliza i wanhu wa Isilayeli, ho wawuye ku yisi yono Muwaha Mulungu yawapela, na hanyuma kanyhi i makungugo gago, golowa nha wawanda, golowetumamila i Waisilayeli. Na wawo wono wawateka Waisilayeli, alu nawo woletekwa ne Waisilayeli no kuwatema wene wono wali wawewoneye.

Isaya 26:15

Gwe go Muwaha Mulungu, walinjifya likungugo lyetu, wayigazimhya ne mipaka ye yisi yetu mbavu zose, ne nghani yiyi yo yikupelile lilumbo yiwaha.

Isaya 45:14

Muwaha Mulungu yakuwalonjela we nghungugo ya Isilayeli yakutya, “Ne sawo ya mu yisi ya Misili, na ya mu yisi ya Kushi, yose yowa yenyu nyenye. Nawo i wanhu watali muno wa ku Seba, awo wowa wetumami wenyu, womutyatyenyi akuno wawope ne manyolo. Wofugama ha mwande yenyu wawe kutya, ‘Mbeka Mulungu yali hamonga nanye, kanyhi mweneco yo Mulungu du yali wene.

Isaya 48:19

Ne wanago wali wenjipe, wawe wenji nho musawawa, nane nali niwadime ho walece kongomezwa.”

Isaya 49:12

Nawo wanhu wangu, wolokuza ku wulawilila kutali, ku wulawilila ku lubavu lwa kusumuka na kumwezi, na ku wulawilila ku Aswani ku lubavu lwa kutakama.”

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 52:9

Nanye nyo matongo ga Yelusalemi, muzoze so nyemo! Hambi Muwaha Mulungu nha koliponya likaya lyakwe no kuwasindamika wanhu wakwe.

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Isaya 55:5

Langa ta, nanye mologacema makungugo gono si mugamanyile, gono nago hamba si gamumanyenyi nyenye, nago golomuzizenyi no kwilunza nanye! Ane yo nene Muwaha Mulungu, u Mulugu wako u Mulungu mono nelile wa Isilayeli, yo nene mono nolozinoza zizi zose zitumwe. Nane nolomupelenyi lilumbo no lukumyo.”

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Walumi 10:18

Ninga nghutya, alo si wayihulika inghani yiyo? Mbeka wayihulika, nha vyono gakutya i Mandiko Gono Gelile. “Ilizi lyawo lificile mono yinze yose, Ne zinghani zawo zificile sunga ko ku ndumo ye yinze.”

Walumi 11:12

Holeka hono u wugwe wawo, wuwaletela we yinze wugoli wo wumoteswe wuwaha, ale nhavivyo wuwe wawo wo kuwa wasina i mikalile miswanu ye cimuhe, wuwaletela wumoteswe wuwaha iwanhu wono si Wayahudi. Holeka yili calinze muno, vyono wukwilanicile wawo, woleta uwumoteswe winji muno.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mono'nze.