Isaya 53:6 - Luganuzi Luswanu Kuli Wanhu Wose 2002

⁶ Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Isaya 53:6 ပူးပေါင်းရင်းမြစ်များ

Mwamulizo 22:6

Nayo Abulahamu yakazisola zingwagu yakamutwika mwanagwe Isaka yazidinghule. Mwene nayo yakadinghula moto no mumaje mu muwoko. Ale, wakawa kutuluka.

Zabuli 119:176

Nghuyumba-yumba, nha ngholo yono yajiliye, holeka wuze wunondole ane no mwitumami wako, hambi nha si nigasemwaga malajilizo gako.

Zabuli 69:4

Nawo wanhu ho wenji wono wasulile bwete, wenji muno wacizize no winji we zimvwili zangu. Ne walugu wangu wakunonga za wulambi, wali vilungo, wakusaka wambulaje. Wakusaka ati ngomole vinhu vyono'ne si solile.

Isaya 40:2

Muwasikamye wanhu wa Yelusalemi. Muwalonjele nha vyono wakondya kugaya mu nghango yono yiwakwiliye, no wubi wawo nhondo wanenelwa. Hambi nha nakondya kuwalipiciza mu nghango yo wubi wawo.”

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Isaya 53:12

Holeka nane nomupela lilumbo yiwaha, hamonga ne wanhu we lilumbo liwaha, kanyhi hamonga ne wanhu wono wali vilungo. Hambi mwene nha yelavya wumi wakwe mweneco sunga ko ku wufwe. Yakawalilizwa hamonga ne wanhu wabi. Yakawudinghula wubi wa wenji, yakawalombela ho wanenelwe.”

Isaya 53:5

Ninga yahomwa so wubi wetu yakatowangwa so mahodango getu gono cetuma, Nase cikuponywa so wulipicizwe wakwe wono yawutuga. Na so wutamiswe wakwe, ase mo ciponyezwe.

Isaya 53:7

“Yatendelwa vibi muno, ninga yakangalila ko winenenyhezi, yakanyamala twii. Yakawa nhe nyana ye ngholo yono yikutegulwa kuwulagwa, kanyhi kotya nha ngholo yono yikunyonyolwa wukunzeje wayo, hamba si yalonga cinji ng'o.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Isaya 55:8

Muwaha Mulungu yakutya, “Mahweso gangu si gokwihwana ne mahweso genyu, ne zinzila zangu nazo, si zokwihwana ne zinzila zenyu ng'o.

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

Isaya 6:7

Yakamhamiza mu mulomo wangu ne likala lilyo, yakatya, “Alu vyono likala lili lyakupamiza mu mulomo wako, hodu wakondya kuwusizwa masutya gako, kanyhi wanenelwa no wubi wako.”

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Yelemiya 50:6

“I wanhu wangu wehwanile zingholo zono u mudimi wazo yazajiliza mu matunda. Nalu wakuyega-yega nhe zingholo, wakwitananhiza mu matunda, wakondya kusemwa no kwawo kwihi.

Ezekiyeli 3:18

Nane lono nghumulonjela u munhu mubi vyono kofwa so wubi wakwe, nagwe hono wulece kumusugula yayipitule mijendele yakwe ho yeponye, ale, u munhu yuyo mbeka kofwa so wubi wakwe. Ninga nane nokuwala gwegwe vyono nagwe wuli musutyi, yo gwegwe mono wumwambuze yafwe.

Danyeli 9:5

“Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Walumi 4:25

U mwene yalavywa ho yawulagwe ku soko yo wubi wetu, kanyhi yakazukulwa, ase ho cisume kuvumilwa hali Mulungu.

Yakobo 5:20

manyenyi vyono, yuyo mono yakumupitula munyo wubi, ku wulawa mu nzila yakwe yo wajilile, koyiponya i nhumbula yakwe mwi'fwa, no wubi winji wonenelwa.

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we ling'ani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

Walamuzi 21:25

Na mu vilo vivyo, mu Isilayeli, mwali mukali musina mutemi, holeka wanhu wetumaga du zono wehwesaga munhu na lwakwe.