Isaya 53:2 - Luganuzi Luswanu Kuli Wanhu Wose 2002

² Hambi nha wali wo wuhile wo Muwaha Mulungu, u mwitumami wakwe yawiluce nhe cilimwa cono cihimbize milela mu yisi nghavu. Yasina futa hamba wuswanu ho cimulanje, hakawa hasina cinji ciswanu muli mwene, hamba cono cocikwega nase ho cimulanje.

Isaya 53:2 ပူးပေါင်းရင်းမြစ်များ

Isaya 11:1

U wityatye we ndelo ye citemi mu mhuga ya Dawudi, wihwanile no mubici wono wadumulwa, ninga lisina lyayo, likutula kanyhi manhambi ganji. Holeka mutemi mupya kololelwa muli wawo i wana wa Dawudi.

Isaya 4:2

Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.

Isaya 52:14

Ne wanhu wenji watinuswa muno wali weza kumuwona, hambi mumbwa yakwe nha yali yihodanjice sunga yikawa vikamu kwijela nha munhu.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Zakaliya 3:8

Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi!

Zakaliya 6:12

Wumulonjele wutye, u Muwaha Mulungu we mihanga yakutya, “U munhu mono yakucemwa yinhambi yo kocindika baho kanyhi yo kozenga ne nyumba yo Mulungu no kumugomolela Muwaha lilumbo lyakwe.

Maluko 6:3

Alu ma, si yo yuyu muselemala, umwana we cilume wa Malyamu u muwahawe wa Yakobo, na Yose na Yuda na Simoni? Ne walumbuze ma, si wali baha hono hetu? Holeka wakatuga mahwele nayo.”

Maluko 9:12

Nayo yakawatya, “Heya, Eliya kokwamula kuza kuviwikaniza vyose. Ninga hamba nhavivyo, nhawule, lu, yandicigwe mu Mandiko Gono Gelile, vyono, u Mwana wo Munhu kotuga magazo menji no kobedegalwa?

Luka 2:7

Yakasawa u mwanagwe we cilume mwana mulongozi, yakamuvwika myenda yo wugalika, yakamuwika mu ciya co wulilo we mitugo, vyono siwatuga cilejeho mu nyumba ye wajenzi.

Luka 9:58

Yesu yakamutya, “Zinyhewe zina mamwina, ne zindeje za mucanyha zina manhuli, ninga Mwana wo Munhu yasina ho kuceha.”

Yohana 18:40

Baho wakazoza kanyhi wakutya, “Ng'o si yuyo, langa Balaba.” Nayo Balaba yali muhizi na muwulaji.

Yohana 19:5

Baho Yesu yakalawila kunze akuno yavwalile cipombelo ce mamivya, hamonga ne kanzo ye liwala lyo lugandu. Pilato yakawatya, “Lanjenyi ta! U munhu mweneco yo ayu.”

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yiling'aniye no muwili wetu ase co wanyo wubi, ho vidome no wubi, na so muwili wuwo, yakawusuma u wubi.

1 Petelo 2:14

cihuliko kuli wawaha we'zisi wono wahaguywe nayo, ho wawalipicize i wahodanji no kuwalumba i wetuma viswanu.