Isaya 53:1 - Luganuzi Luswanu Kuli Wanhu Wose 2002

¹ Nawo wanhu wolopitula watye “Alo nani 'mbi mono yazihuwila zono cazilonga? Hamba nani mono yawuwona muwoko wo Muwaha Mulungu muli zizi?

Isaya 53:1 ပူးပေါင်းရင်းမြစ်များ

Isaya 40:5

Ne nhojo yo Muwaha Mulungu yologubulwa, ne wanhu wose woloyiwona. Muwaha Mulungu mweneco yo yehuwiza zizi.”

Isaya 51:9

Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 59:16

Nayo yakwizina kuwona vyono hasina munhu hamba monga mono yakuwataziza wono wakwiwonelwa. Holeka nayo luno kokwitumamila vilungo vyakwe yawaponye, yawe no wusume.

Isaya 62:8

Muwaha Mulungu kakondya kwihuwiza ko wilahize, nayo kowufisiliza wihuwizo wakwe kwe vilungo vyakwe. “Ne walugu wako hamba si wowulila lukulu no wuhemba wako. Ne wajenzi nawo, hamba si woying'wela lukulu ne divayi yako.

Matayo 11:25

Mwipango lilyo Yesu yakatya, “Nghukulumba 'gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Matayo 16:17

Nayo Yesu yakamutya, “Wuli mulugutwe, agwe Simoni go mwana wa Yona, hambi nha si munhu mono yakugubuliye i mbeka yiyi, langa Baba mono yali ku wulanga.

Luka 18:31

Yesu yakawasola wali wene, wawalya we likumi na wejete, yakawatya, “Lanjenyi, alu cikubita ku Yelusalemi, na kuko zose zono yandicilwa Mwana wo Munhu ne wawizi, si zoleka kufisilizwa.

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Yohana 1:7

Yuyo yaza kuwalonjela wanhu zo wuzelu wuwo. Na so wuhomelezi wakwe, iwanhu wose ho wehuwile.

Yohana 12:38

Holeka inghani yono yalongwa no muwizi Isaya, yikafisilizwa, yono yatya: “Gwe, Muwaha, nani'mbi, mono yehuwila zono calonga? Hamba nani 'mbi mono yagubulilwa i vilungo vyo Muwaha?”

1 Wakolinto 1:18

Hambi inghani yono yikulolosa zo wufwe wa Kilisito mu musalaba, yikuwa nha nghani ya wulele kuli walya wose wono wali mu mukumbo wo wajilile, ninga kuli ase mono cili mu nzila ye mhonelo, inghani yiyo, vyo vilungo vyo Mulungu.

1 Wakolinto 1:24

ninga kuli awalya wono wakondya kucemwa, i Wayahudi na wono si Wayahudi Kilisito vyo vilungo vyo Mulungu ne mahala go Mulungu.