Isaya 52:9 - Luganuzi Luswanu Kuli Wanhu Wose 2002

⁹ Nanye nyo matongo ga Yelusalemi, muzoze so nyemo! Hambi Muwaha Mulungu nha koliponya likaya lyakwe no kuwasindamika wanhu wakwe.

Isaya 52:9 ပူးပေါင်းရင်းမြစ်များ

Zabuli 102:22

mwipango lono makungugo gose, gokwikongholelela hamonga, ne matemi gamuhembe Muwaha Mulungu.

Zabuli 98:4

Yinze yose yimusangalalile Muwaha Mulungu, yimukumye kwe zinyimbo ne zinyhenze.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 14:7

Ninga nhondo lu, yinze yose yikusangalala vyono yatuga wutule, hamonga no mulamu. Ne wanhu wose wasangalala, wakwimba so nyemo.

Isaya 40:1

Mulungu wetu yakutya, “Muwasindamice 'nye wanhu wangu! Muwasindamice!

Isaya 43:1

Nye nyo Isilayeli, u Muwaha Mulungu mono yawawumba, yakutya nhavi, “Mulece kogopa, hambi nha nakondya kumukombozenyi. Kanyhi nimucemenyi ‘Wuli wangu.’

Isaya 44:22

Nakondya kuwupatila lukulu wubi wenyu nhe livunde. Holeka mumbuyilaje. Hambi nha yo nene du mono nghumuponyenyi.”

Isaya 44:23

Mwimbe ne nyemo 'nye nyo wulanga! Nanye nyo kusi ye 'si, mwimbe mwihindile muno! Nanye nyo matunda hamonga ne mabici gose ga mu mbago, mwimbe ne nyemo kwe mazi mawaha. Hambi Muwaha Mulungu nha kawulajila wuwaha wakwe, mu nzila yo kuwaponya wanhu wa Isilayeli.

Isaya 44:26

Ninga kolo mwitumami wangu yakuwila, nane kolo nghumutuma mwitumami wangu ho yakalajile ze mahweso gangu, nane niganozaga mahweso gago hamonga no wuwile wuwo viwa vya mbeka. Nane nghuyilonjela Yelusalemi, nha vyono wanhu wowuya wekale mumo kanyhi, na vyono ne makaya ga Yuda gozengwa kanyhi. Ne makaya gago, i matongo gayo gokwinulwa.

Isaya 48:20

Ale muwuce mu Babiloni, mutize! Muziganule zinghani zizo na nyemo, muzimanyize hanhu hose muwe kutya, “U Muwaha Mulungu kakondya kuwaponya Isilayeli i wetumami wakwe!”

Isaya 49:13

Ale mwimbe anye nyo wulanga! Nagwe go yinze wimbe no wusangalale! Matunda nago gembe na nyemo mbaha! Hambi Muwaha Mulungu nha kowasindamika wanhu wakwe, kowawonela lusungu wanhu wakwe wono wali mu magayo.

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Isaya 55:12

“Holeka nanye molowuka mu Babiloni musangalaye, kanyhi molotegulwa kunze ye likaya ko mulamu. Nago matunda ne vigongo mwi'pango lilyo vyolobahuka so wimbe, imibici nayo yolozoza ne nyemo mbaha.

Isaya 61:4

Kanyhi wologazenga ne makaya gono gali gakondya kuwa matongo.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Mika 4:10

Muwone wusungu mwinyongole anye wanhu wa Yelusalemi, nho mucekulu mono yali mu lusawo, hambi aluno nha mowuka mwi'kaya, mubite mukekale mwi'hala. Kanyhi mowa munojeye mubite ku Babiloni, ninga kuko ko Muwaha Mulungu kolomuponyezyenyi ku wulawa kuli walugu wenyu.

Wagalatiya 4:27

Hambi nha yandikwe: “Wusecelele go mugumba mono si kulelaga wuzoze, wulile so nyemo agwe mono wusina wusungu wo kulela hambi i wana wa ayulya mono yalecigwe nha wenji, wacizize wa ayulya mono yena mulume.”