Isaya 52:2 - Luganuzi Luswanu Kuli Wanhu Wose 2002

² Wikung'unhaje wilejehe 'gwe Yelusalemi, winukaje wuwuce mu manghundi, wikale mwi'goda lyako lyo wutemi! Muwopole manyolo gono gali gamuwopilenyi anye nyo wanhu wa Sayuni!

Isaya 52:2 ပူးပေါင်းရင်းမြစ်များ

Isaya 10:27

Ne vilo vivyo kolo vyaza, nomuwusenyi mu vilungo vye Waashuli. No lubano lwawo, si wolowa mutegulo kanyhi mu mawega genyu.”

Isaya 14:25

Nowongomeza Waashuli mu yisi yangu, ya Isilayeli, kanyhi nowakanyanjila mu matunda gangu. Nane nawawusiza wanhu wangu lubano lwe wanhu wa Ashuli, hamonga no mutegulo muwaha wono wadinghuye.

Isaya 29:4

Nalyo likaya lya Yelusalemi, lyolowa kutakanya hasi nho munhu mono yena mhepo, no wulonje walyo, wolowa wa wupwepwe wono wukulawilila baho hasi mu manghundi.

Isaya 3:26

Nayo milango ye likaya, yokalala no kulila. Ne likaya lyokwihwana no mucekulu mulekwa mono yekaye hasi mu manghundi.

Isaya 49:21

Ale, nagwe baho, kolokwanza kulonga wuli wene wukutya, ‘Alu mwene nani mono yandelela wana wawa? Hambi nha nali nakondya kufwilwa ne wana wose nghawa sina hamba mwana monga. Nali nili ku wuhamywe, nghawa nawingwa, alu nani mono yawawilusa wana wawa? Nha nali nalekwa nekala nili wene, alu wana wawa ho walawa hayi wene?’ ”

Isaya 51:14

Na wawo wono wali mu jela, nawo wololecelwa mbela mbela, kanyhi wolokwikala vilo vinji, hamonga no kulya ndigwa yo yose yono wakuyisaka.

Isaya 51:23

Alu, nowang'wesa wawo wono wali kumwiwonelenyi wawo wono wakamunozenyi mugone hasi mu zinzila, wakawa kumukanyanjizenyi hasi nha muli manghundi.”

Isaya 60:1

Gwe Yelusalemi, wusinhuce wumulice nhe lizuwa, hambi nhojo yo Muwaha Mulungu nha yakubulilila!

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 9:4

Hambi nha wawubenanga lubano lo mutegulo wawo, hamonga ne nghome yono yawatowaga mu mawega gawo. Hambi nha walisuma likungugo lyono lyawewonelaga no kuwatendela kwe vilungo wanhu wako, nha vyono walisuma katali lipuga lye wasilikale we Wamidiyani wo wulugu.

Yelemiya 51:45

Nawo i wanhu wa Isilayeli wakondya kutiza! Nye nyo wanhu wangu, mutize, mwiponye nhumbula zenyu ne likuwo lyangu likali.

Yelemiya 51:50

U Muwaha Mulungu yakuwalonjela wanhu wakwe wono wali ku Babiloni, yakutya nhavi, “Nanye, vyono mwakondya kupona mwi'fwa, alu mutuluce mubite! Mulece kanyhi kulindila! Hamba muwe muli kutali muno na ku zikwenyu, ninga 'nye munyitumbile nene du, ane no Muwaha Mulungu wenyu. Kanyhi muyikumbucilaje na Yelusalemi.

Yelemiya 51:6

Mutize wulawa mu Babiloni! Munhu yeponye nhumbula yakwe! Mulece kutamisizwa lukulu so wubi wa Babiloni. Hambi nha go madaha gangu luno, go kwilipiciza cilipicizo cangu kuli wene, nha vyono yiwanojeye.

Ezekiyeli 34:27

Ne mibici nayo, yololela mikalo, nayo migunda, yololavya nhwanga mbaha, ne wanhu wose wolokwikala wapolile mu yisi yawo weneco. Nane kolo nakondya kugadumula manyolo gono gawawopile wanhu wangu, no kuwawika wawe welecele ku wulawa mu miwoko ya wono wali wawawicile wuwanda, baho nhondo nawo, ho wolomanyila vyono ane yo nene u Muwaha Mulungu.

Zakaliya 2:6

Muwaha Mulungu yakalonga ne wanhu wakwe yakatya, “Naweyagaza anye wose mu malanga gose.

Zakaliya 2:7

Ninga alu nyo wahamywa, muwuce lu ku Babiloni, muwuye ku Yelusalemi.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Luka 4:18

“U Muhe wo Muwaha yali muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Wugubule 18:4

Nghahulika lizi linji likulawa ku wulanga likutya, “Anye nyo wanhu wangu, muwuce muli mwene, ho mulece kuhanga nayo mu wubi wakwe, ho mulece kuwutuga u wulipicizwe wakwe.