Isaya 51:9 - Luganuzi Luswanu Kuli Wanhu Wose 2002

⁹ Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Isaya 51:9 ပူးပေါင်းရင်းမြစ်များ

Jobu 26:12

Na mu vilungo vyakwe, mo yalituziza lilenga, na ko wunghula wakwe, yakalyongomeza lilimu lya mu malenga lyono licemwaga ‘Lahabu.’

Jobu 9:13

“Mulungu si koliwusa likuwo lyakwe, Mwene kawongomezaga i walugu wakwe wono wamutaza Lahabu, hamonga ne watazi wakwe.

Zabuli 21:13

Wulumbwe 'gwe go Muwaha Mulungu, ku soko ye vilungo vyako! Nase cokwimba no kuvikumya i vilungo vyako.

Zabuli 44:1

Gwe go Mulungu, ase cihuliciye mu makutu getu sese co weneco, i walezi wetu wacilonjeye ze metumo mawaha, gono wagetuma mu vilo vyawo, heya, metumo gono wagetuma baho katali.

Zabuli 44:2

Vyono yo gwegwe mweneco, mono wawawinga wanhu we makungugo ganji, ne hanhu hawo, wukawa kuwekaza wanhu wako, wukawalipiciza we makungugo ganji, no kuwamotya wanhu wako.

Zabuli 44:23

Wusinhuce, alu nhawule wugonile go Muwaha Mulungu? Winukaje, cikukunena wulece kucileka cibitilila.

Zabuli 44:24

Alu nhawule wukwihundika hali'se, akuno wukusemwa ze magaziko getu, hamonga ne magazo getu?

Zabuli 59:4

Lanje vyono wakumangha, wakwiwikaniza ku soko yangu, 'gwe go Muwaha Mulungu, kumbe nane ho sina lisutya, hamba wuhoswe, hamba wubi muli'ne, holeka winuce 'gwe go Muwaha Mulungu wunhaze!

Zabuli 7:6

Ale, wuzize mu wukali wako 'gwe go Muwaha Mulungu, wulimile likuwo lye walugu wangu. Winuce 'gwe go Mulungu wangu, hambi 'gwe, nhondo zose nha kusakaga ling'ani yifisilizwe.

Zabuli 77:5

Niwa kwihwesa sunga ne vilo vye katali, nghumbucila sunga ne myaka yono yapuluta.

Zabuli 78:65

Ninga ku ndumilizo yayo, u Muwaha Mulungu yakenuka nha yakulawa mu nhongo, nha citung'ati mono yasangalazwe ne divayi.

Zabuli 87:4

“Mwi'walo lya wono wamanyile ane no Mulungu, wali baho wanhu wa ku Misili na ku Babiloni. Nhavivilya kanyhi na ku Filisiti na ku, Tulo na ku Etiyopiya, wono wadahile kutegwa vyono, ‘Awa wo walelelwa ku Sayuni.’ ”

Zabuli 89:10

Agwe walipondanga lizoka Lahabu no kuliwulaga. Wukawasumila walugu wako mu vilungo vyako.

Zabuli 89:11

Wulanga wo wako, kanyhi yisi yo yako, Agwe wayiwumba yinze, hamonga na vyose vyono vili mumo.

Zabuli 93:1

U Muwaha Mulungu yatemile yena ne nhojo yakwe! Muwaha Mulungu yevwicile nhojo ne vilungo! Nayo yayisimya yinze hanhu hayo, hamba si yosinjisicila lukulu yaye.

Wutuluce 6:6

Ale, wuwalonjele Waisilayeli vyono ane nghuwatya nhavi, ‘Ane yo nene Muwaha Mulungu, nane nomuponyenyi, kanyhi nomuwicenyi welecele, mu wulawa mu wuwanda we Wamisili. Nowinula muwoko wangu we vilungo, niwaletele wulipicizwe wo kogofya, nane nomuponyenyi.

Isaya 27:1

Na mwi'zuwa lilyo, Muwaha Mulungu kolokwitumamila mumaje we lifwa, kwe vilungo vyakwe, kololilipiciza lilimu lyono likucemwa Lewiyatani, lizoka lyono libinzulaga, liwa kwinyongola, no kuliwulaga lizoka lyono likalaga mwi'lenga.

Isaya 30:7

Hambi Misili, nha yisina wutazi wo wose hamba wudodo bwete. Si holeka nane nghayicemela yiyo Misili litagwa lya fumbo, lyono likutya, ‘Nzoka yono yisina Sumu.’ ”

Isaya 51:17

Gwe Yelusalemi, ta wusinhuce ye! Wukulumhuce winuce! Alu wagala cikombe co wulipicizwe cono Muwaha Mulungu yakung'weseze mwi'kuwo lyakwe wung'we. Nagwe 'lu wakondya kung'wa wagala, nalu weza wakupebesuka so wugale.

Isaya 51:5

Nane nowaziza musunho niwaponye hambi cipango cangu co wusume nha casejelela. Nane notema nili wene mu makungugo. Sunga ne ma'si go kutali, gose ganindiye nene sunga nilaza kuza. Hambi nha ganindiye ko witumbilo wuwaha nize niwaponye.

Isaya 52:1

Gwe Yelusalemi, weze ne vilungo, wuwuvwale wuwaha wako kanyhi! Agwe 'gwe kaya lyono lyelile lyo Mulungu, wivwikaje kanyhi nhojo yako! Hambi i wanhu wono si wamumanyile Mulungu, nha si wolokwinjilila lukulu kanyhi mu milango yako.

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 53:1

Nawo wanhu wolopitula watye “Alo nani 'mbi mono yazihuwila zono cazilonga? Hamba nani mono yawuwona muwoko wo Muwaha Mulungu muli zizi?

Isaya 62:8

Muwaha Mulungu kakondya kwihuwiza ko wilahize, nayo kowufisiliza wihuwizo wakwe kwe vilungo vyakwe. “Ne walugu wako hamba si wowulila lukulu no wuhemba wako. Ne wajenzi nawo, hamba si woying'wela lukulu ne divayi yako.

Ezekiyeli 29:3

Wumulonjele nha vyono u Muwaha Mulungu yakumulonjela zizi u mutemi we yisi ya Misili, yakutya, ‘Ane nili mulugu wako, agwe go lizoka liwaha, mono wugonile mugati ye likolongo. Mono wukwiyitya nha vyono likolongo lya Nile lyako, na vyono ati yo gwegwe mono walinoza.

Mika 7:15

Gwe go Muwaha Mulungu, witumaje mapoto ku soko yetu, nha vyono wetuma mu vilo vyono waciwusiza ku yisi ya Misili.

Habakuki 2:19

Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.

Habakuki 3:13

Wukabita kuwaponya wanhu wako, no kumuponya mutemi wako mono wamuhagula. Wukawagwisa hasi walongola we wabi, wukawapondanjiza i watyatyi wakwe.

Zakaliya 10:11

Nawo kolo weza kukola mwi'lenga lyo wugaye. Ane no Muwaha Mulungu, nologatowa i mawingo ge malenga. Ne visolo vye likolongo lya Nile vyolonyala. No wivuni we yisi ya Ashuli wolonyetywa. Ne yisi ya Misili yono yili vilungo, yolowula vilungo.

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.

Luka 1:51

Kawugolola u muwoko wakwe we vilungo Kaweyagaza wasisi mu mahweso ge zinhumbula zawo.

Yohana 12:38

Holeka inghani yono yalongwa no muwizi Isaya, yikafisilizwa, yono yatya: “Gwe, Muwaha, nani'mbi, mono yehuwila zono calonga? Hamba nani 'mbi mono yagubulilwa i vilungo vyo Muwaha?”

Metumo ge Watumwa 7:7

Ninga nane nololilipiciza likungugo lilyo lyono lyolowafuga. Hanyuma ninga, nolowahamya mu yisi yiyo, ho waze wanyitumamile hanhu bahano.’

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wugubule 11:17

“Muwaha Mulungu Mudaha vyose mono wuli ho yuli, na mono wali wuli baho! Cikukulumba, vyono kwitumamila vilungo vyako viwaha wukamula kutema!

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemwaga Ibilisi hamba Setani, mono kawakongaga we yinze wose. Heya likagumilwa kono'nze hamonga ne wamalayika walyo wose.

Walamuzi 6:13

Gideyoni yakamutya “Gwe go muwaha wangu, hone yiwe mbeka Muwaha Mulungu yali hamonga na sese, alu nhawule zose azi zikucijelela nhavivi? Alu ne mezino gakwe gose gali hayi, gono walezi wetu wacilonjela zono Muwaha Mulungu yetuma, na vyono yawawusa ku yisi ye Misili? Alu lanje! Muwaha Mulungu yacileka, kanyhi yacinjiza mu miwoko ye Wamidiyani.”