Isaya 51:7 - Luganuzi Luswanu Kuli Wanhu Wose 2002

⁷ “Ale, muhulicizaje ta anye wose mono muzimanyile ze ling'ani, anye wose mono mugebate mejizo gangu mu zinhumbula zenyu. Mulece kuwa no woga lono wanhu wakumulijenyi no kumutovulenyi,

Isaya 51:7 ပူးပေါင်းရင်းမြစ်များ

Zabuli 37:31

Kawibataga wulajilize wo Mulungu mu nhumbula yakwe, si kawulekaga yaye hamba hadodo.

Zabuli 40:8

Nghusangalala kuwituma zo wuhile wako, go Mulungu wangu, no kuwukamisa wulajilize wako kwe nhumbula yangu yose.”

Isaya 25:8

Muwaha Mulungu kololiwusiza lukulu lifwa cibitilila! Kanyhi kolopatila lukulu mahozi mu meso ge wanhu wose, no kuwawusiza cevu wanhu wakwe, cono wali wakondya kukozwa mu yinze yose. Muwaha Mulungu mweneco yo yazilonga zizi!

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 37:6

hodu nayo yakawa kumupitula mutemi, yakutya, “Gwe Hezekiya, Muwaha Mulungu yakutya, wulece kuwaleceleza Waashuli wakogofye, so wutya ati Mulungu si kokuponya yaye.

Isaya 51:1

Muwaha Mulungu yakutya nhavi, “Ale, muhulicizaje anye wose mono mukuhila muponywe, anye wose mono mukunyiziza ho mutuje wutazi. Alu mwihwesaje ze litalawe lyono mwatijila, mono mwaseswa mu wulawa mumo, ne likombo lye mabwe mono mwahimbulwa.

Isaya 54:4

Holeka wulece kogopa, hambi nha si kokozwa cevu hamba kupuvywa yaye kanyhi. No wu wula wihuwilwa wako, kowusemwa nho mucekulu mono yakali mudodo, no wumondwe wo wufwile wako hamba si kowukumbucila kanyhi yaye.

Yelemiya 1:17

Holeka, aluno wiwikanizaje 'gwe Yelemiya, wubite wukawalonjele zinghani zose, zono ane nghukulajiliza wukazilonje. Ninga luno, wulecele lukulu kuwogopa. Na hono wuwogope, nane nokunoza wucile kuwogopa lono wuli hali wene.

Ezekiyeli 2:6

“Ninga agwe go munhu, wulecele lukulu kuwogopa hamba kuzogopa zinghani zawo. Ninga wumanye nha vyono hamba mabijili ne mamivya gakuhome nagwe kowa nha mono wikaye hono ho zili zi'nje. Ninga 'gwe weze wukamile, wulecele lukulu kuwogopa i wabedegazi wawo, hamba kuzogopa nghani zawo.

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Matayo 5:11

“Muli wamoti nyenye, kolo wanhu wakumulijenyi, no kumugazenyi, no kumuvilenyi, kanyhi no kumulonjenyi makani mabi ku soko vyono muli watyatyi wangu.

Luka 6:22

“Muli wamoti 'nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Metumo ge Watumwa 5:41

Watumwa wakalawila hanze ye libalaza wasangalaye, vyono wejela wanojeye kukozwa cevu ku soko ye litagwa lya Yesu.

2 Wakolinto 3:3

Kanyhi yili calinze, nha vyono anye muli baluwa ya Kilisito yono yaletwa ne miwoko yetu. Ne baluwa yeneco siyandikwe ko wino, aa ng'o, langa nyandikwe ko Muhe wo Mulungu mumi, hamba si nyandikwe mu cibanhi ce'bwe, langa nyandikwe mu zinhumbula ze wanhu.

Wukumbucize wo Wulajilize 6:6

Kanyhi mulecele lukulu kugasemwa malajilizo gaga gono nghumulajilizenyi izuwali.

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Wafilipi 3:8

Heya, hamba si nhavivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene, ane navumila kugaleka gose, nane nghagawona gago gose nha takataka, ho nimutuje Kilisito,

Wahebelaniya 10:16

“Aci co cilagane cono nolagana nawo mu vilo vyono vikuza, yakutyo Muwaha: Nolowika i malajilizo gangu mu zinhumbula zawo, no kugandika mu mahala gawo.”

1 Petelo 4:14

Hambi nha muli wamoti, hono muli'gwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muli'nye.

1 Petelo 4:4

Ninga'lu, iwanhu wawo wono siwamumanyile u Mulungu, wakwizina kolo wakuwona vyono simukuwezana kanyhi na wene mu mikalile mibi, na holeka wakumulijenyi.