Isaya 51:6 - Luganuzi Luswanu Kuli Wanhu Wose 2002

⁶ Ale, mugalamile kucanyha muwulanje wulanga, muyilanje kanyhi ne yinze! Mumanye vyono wuwo wulanga wokwajilila nha lyosi yinze nayo, yolosakala nha mwenda muhuma, ne wanhu wayo wolofwa nha mahazi. Ninga wukombozi wono nghuwuleta, awo langa wokwikala cibitilila. No wiling'ano wangu si wolowembulwa yaye.

Isaya 51:6 ပူးပေါင်းရင်းမြစ်များ

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Zabuli 111:3

Hambi co cose cono ketumaga, nha cimemile lukumyo no wutemi. Ne ling'ani yakwe, yikalaga cibitilila.

Isaya 13:13

Nane mwi'zuwa lilyo nolowucicimya wulanga ne yinze, nayo yolosinjisika yiwuce hanhu hayo, lono ane no Muwaha Mulungu nghulilajila likuwo lyangu.

Isaya 33:6

Kanyhi koyipela wusikame mu nghungugo. Kanyhi kowa kuwadima wanhu wakwe nhondo zose, no kuwapela mahala hamonga no wizuce. Ne cogopo co Muwaha Mulungu, yolowa yo sawo yawo mbaha.

Isaya 34:4

Nalyo lizuwa no mwezi, hamonga ne zinyelezi, vyolotulanjika vyose viwe manghundi. Nawo wulanga woloweya no kupalinjika nha nyhingo mhalinje. Nazo zinyelezi, zololagala hasi nhe mahamha gono gakulagala mu mubici wo muzabibu, hamba mu mukuyu.

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 45:17

Ninga Isilayeli koponywa no Muwaha Mulungu ne mhonelo yakwe yowa ya cibitilila, ne wanhu wakwe, hamba si wolokozwa soni yaye.’ ”

Isaya 50:9

Hambi Muwaha Mulungu we mihanga nha yo kasumilaga 'ne. Alo nani kanyhi mono konyitya nili musutyi? Wono wakusitaka wose nha wotiza, wosakala wose nho mwenda wono wulijigwe ne makuni.

Isaya 51:8

hambi nha wosakala wose nho mwenda wono wulijigwe ne makuni! Ninga wukombozi wono nghuwuleta, awo langa wokwikala cibitilila. No wiling'ano wangu wokwikala cibitilila.”

Isaya 54:10

Matunda ne vigongo, vyolotenjelemulwa, ninga wendo wangu kuli'gwe si wolomalika yaye. Nane nowukamisa sunga cibitilila wihuwizo wangu wo mulamu kuli'gwe.” Nhavivi vyo yakutya Muwaha Mulungu mono yakukuwonela lusungu.

Isaya 54:9

“Nane mu cipango ca Noha, nehuwiza nha vyono si nololetela lukulu kanyhi liwazi mono'nze. Naluno kanyhi nghwihuwiza nha vyono si nolokukolelwa likuwo kanyhi yaye, hamba kukutacila, hamba kukulipiciza ng'o.

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Matayo 24:35

U wulanga ne yinze, heya vyopuluta, ninga i zinghani zangu, si zolopulutila lukulu.”

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si koling'anizwa ng'o, langa yakondya kuwuka mwifwa, yenjila mu wumi.

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

Wahebelaniya 9:12

U Mwene yenjila i Hanhu Hono Helile kamonga du, kanyhi hamba si yasoleleza ne sakami ye mhene, hamba ya ng'ombe, langa yenjila so sakami yakwe mweneco, yakaciletela u wukombozi we cibitilila.

Wahebelaniya 9:15

Holeka Kilisito yo munoza i cilagane cipya mono wa walya wono wacemwa no Mulungu, ho wawubocele wihuwizo wono wehuwizwa wo wuhazi we cibitilila. Vyono i lifwa lyakwe likuwakomboza wanhu mu wulawa mu masutya ga galya gono wasutya mwidaha li lilya lye cilagane cilongozi.

Wugubule 20:11

Hanyuma nghawona ligoda liwaha lyo wutemi, yizelu, na mono yekaye mwi'goda lilyo. I yinze hamonga no wulanga, vikatiza ha mwande yo wusu wakwe, hamba si vyejelela lukulu kanyhi.