Isaya 51:5 - Luganuzi Luswanu Kuli Wanhu Wose 2002

⁵ Nane nowaziza musunho niwaponye hambi cipango cangu co wusume nha casejelela. Nane notema nili wene mu makungugo. Sunga ne ma'si go kutali, gose ganindiye nene sunga nilaza kuza. Hambi nha ganindiye ko witumbilo wuwaha nize niwaponye.

Isaya 51:5 ပူးပေါင်းရင်းမြစ်များ

Zabuli 110:6

Kogaling'aniza makungugo, no kuwawulaga wanhu wenji muno, kowapondanjiza i walongola hanhu, hose mono'nze yose.

Zabuli 67:4

Ne makungugo gose gasangalale no kusecelela, hambi agwe nha wukuwaling'aniza wanhu we ling'ani. No kugatonga makungugo ga mono'nze.

Zabuli 85:9

Mbeka, mwene yewikanize kuwaponya wose, wono wamogopile, no lukumyo lwakwe, lokwikala mu yisi yetu.

Zabuli 96:13

Nayo Muwaha Mulungu kokuza no kuyitema yinze. Heya, mwene kowatema wanhu, mu ling'ani hamonga no wiling'ano.

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 24:15

nawo wono wekaye ku lubavu lwa kucilima, wolomukumya mwene. Nawo i wanhu wono wekaye mu mwalambalo we lilenga, wolomukumya Muwaha Mulungu, u Mulungu wa Isilayeli.

Isaya 26:4

Mumwitumbile Muwaha Mulungu cibitilila hambi nha yo mukamisi wetu vilo vyose.

Isaya 33:2

Gwe go Muwaha Mulungu, wuciwonele lusungu. Hambi ase, nha cikwitumbiye gwegwe du. Weze kucikamisa vilo vyose, kanyhi weze kuciponya mu vilo vye magayo.

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 40:10

Muwaha Mulungu we mihanga kolokuza yateme ne vilungo, kolowaleteleza hamonga ne wanhu wono yawaponya.

Isaya 42:4

Nayo hamba si kotukuwika mutima hamba kukatala yaye, langa mwene koleta ling'ani kono'nze. Ne zi'si zose zolindila mejizo gakwe.”

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Isaya 49:1

Nanye nyo makungugo go kutali, anye nyo wanhu mono mwikaye kutali, muhulicize ta zono nghulonga, nghutya, Muwaha Mulungu yahagula ane, yakalitambula litagwa lyangu na lono nali nghali nalelwa, yakambika niwe mwitumami wakwe.

Isaya 54:17

“Ninga hamba nhavivyo, howa hasina citwalo co cose cono cosuma kukutamisa yaye. Nagwe kowa wina yo kumupitula munhu wo wose mono yakukusitaka. Ane nowadima wetumami wangu nowapela no wusume.” Vyo yakutya Muwaha Mulungu.

Isaya 56:1

Nayo Muwaha Mulungu yakuwalonjela i wanhu wakwe yakutya, “Ale, mwitumaje zo wiling'ano na ze ling'ani, holeka nane nomuponyenyi mbela.

Isaya 59:16

Nayo yakwizina kuwona vyono hasina munhu hamba monga mono yakuwataziza wono wakwiwonelwa. Holeka nayo luno kokwitumamila vilungo vyakwe yawaponye, yawe no wusume.

Isaya 60:9

Zo ngalawa zono zikulawilila mu ma'si go kutali zikuwagomola i wanhu wo Mulungu kono kwawo. Wakuza wena hamonga ne fweza na zahabu ho walipele lilumbo litagwa lyo Muwaha Mulungu. U Mulungu mono yelile wa Isilayeli, mono yaganoza makungugo gose, gawapele cogopo i wanhu wakwe.

Isaya 62:11

Nha vyono Muwaha Mulungu yakuwalonjela wanhu wose wa mono'nze yakutya, “Ale, muwalonjele i wanhu wa mu Yelusalemi nha vyono Muwaha Mulungu yakuza kumuponyenyi, Yakuwaleteleza hamonga ne wanhu wono yakondya kuwaponya.”

Isaya 63:5

Ninga nghezina muno, nali neza kuwona vyono hasina hamba munhu monga mono kosuma kunhaza. Ninga likuwo lyangu du lyo limhelile vilungo vyo kwitumila zizo, sunga niwa kutuga wusume nili wene.

Yoweli 3:12

“Makungugo gewikanizaje, gaze mwi'lolo lyono likucemwa, U Muwaha Mulungu Yakuling'aniza, ane no Muwaha Mulungu kuko ko nogaling'aniza makungugo ga mu zimbavu zose.

Zefaniya 2:11

U Muwaha Mulungu, kolowogofya muno. Hambi nha koloyimala milungu yose ya mono yinze, ne makungugo gose golomuhemba mweneco du, wanhu na yisi yawo weneco.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Matayo 3:2

“Ale munene, hambi u wutemi wa ku wulanga nha wasejelela.”

Maluko 16:15

Yesu yakawatya, “Bitenyi ku yinze yose, mukaluganule u Luganuzi Luswanu kuli wanhu wose.

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Metumo ge Watumwa 17:31

Hambi nha yakondya kuwika lizuwa lyono koloyiling'aniza yinze mu ling'ani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

Walumi 2:16

Holeka nha vyono lwinha u Luganuzi lulu Luswanu lono nghumuganulilenyi, nhavivyo vyo lyolowa ilizuwa lyono u Mulungu koloziling'aniza zose ze cinyele ze wanhu, muli Yesu Kilisito.

2 Wakolinto 5:10

Hambi ase wose nha yowa yicinojeye kwima he'goda lyo wuling'anizi lya Kilisito, u munhu wo wose, ho yabocele zono zimunojeye, nha vyono genha i metumo gakwe gono yetumaga, lono yali yakali yekaye mononze, hono maswanu, hamba mabi.

Wukumbucize wo Wulajilize 30:14

Ng'o yaye, hambi lilajilizo nha lili bahano, kanyhi lili muli nyenye, mu zinhumbula zenyu, nanye mukondizye no kulimanya, alu mukusakwa mulikamise du no kwituma.

1 Samwili 2:10

Nawo wono wesumanizaga no Muwaha Mulungu wokongomezwa, hambi nha kowatowa ne limuli lya ku wulanga, Muwaha Mulungu koyiling'aniza yinze yose, no komupela mutemi wakwe vilungo, komupela wusume u mutemi wakwe muhagulwa.”